الموضوع: تغيير زيت الموتور بالمدة وليس بالمسافة

المشاركة الأصلية كتبت بواسطة webwalid

مكتوب علي الكبوت من جوة mobil1 0w-40 بتهيألي مش موجود عندنا المواصفات دي

موجود ، متوفر فى محطات موبيل
موبيل 1 الذهبى ، تمنه 300 جنيه - عبوه 4 ليتر

المشاركة الأصلية كتبت بواسطة webwalid

نوعها هوندا سيفيك 2010 انا عارف ان مفروض احط زيت تخليقي بالكامل بس انا بمعدل المشي القليل دة حرام احط زيت ب300 جنية واصلا انا من بورسعيد ومافيش عندنا غير زيت موبيل 5000 وموبل 1 عشان كدة قلت احط زيت انضف شوية ومن كلام الاساتذة هنا في المنتدي ان زيت زادو زيت محترم وعلي فكرة انا اتصلت بيهم ورد عليا استاذ هيثم مسئول المبيعات وسألتة هل زيت 10w-40 مع معدل المشي القليل مناسب لعربيتي قال لي انة مناسب بس ماكنتش اعرف موضوع انة قديم دة

المشاركة الأصلية كتبت بواسطة Dr_Moustafa

لازم تقرا كتالوج العربيه وتشوف مواصفة الزيت المناسب
أعتقد ان هوندا بتوصى بلزوجه 5w30 ، بس أتاكد الاول

الزيت التخليقى تمنه حوالى 300 جنيه ، وزى ما قلت لك تمشى بيه 100 ألف كيلو أو سنه (أيهما أقرب) ، فى حالتك هتغيره كل سنه
يعنى 300 جنيه كل سنه مبلغ مناسب

بالتوفيق

المشاركة الأصلية كتبت بواسطة webwalid

مكتوب علي الكبوت من جوة mobil1 0w-40 بتهيألي مش موجود عندنا المواصفات دي

زي ما قال DR_Moustafa حضرتك لازم تقرأ دليل السيارة بتاعتك كويس و لازم تلتزم باللي مكتوب فيه ، سواء هاتعمل 100 ألف كيلومتر في السنة أو ألف كيلومتر فقط.

أنا حالتي زي حالة حضرتك بالضبط منذ 2012 ؛ فالسيارة عملت في آخر سنة 1700 كيلومتر فقط و في السنة اللي قبلها عملت 2000 كيلومتر فقط و ده لظروف جديدة طرأت و بسببها مابتحركش بالسيارة غير يوم الجمعة للصلاة و في الأجازات.
و رغم ذلك بلتزم باللي جه في الدليل و هو زيت مطابق للمواصفة VW 502 00 يعني زيت متعدد اللزوجة 5W-40 و بغيره في آخر السنة و أنا مش زعلان لأن هي دي ظروفي و هي دي التعليمات بتاعة المصنع.

أخي webwalid ، عربيتك لسه جديدة و مهم جدا تحافظ عليها.

و دي صورة لصفحة تغيير زيت المحرك كما جاءت في دليل الخدمة للسيارة سكودا فابيا و شوف بنفسك اللي صنعوها قالوا إيه.



أتمنى لك كل التوفيق.