كلمتين بس عشان الواحد اتخنق وجاب اخره والموضوع بقة ماسخ اوى

**amr_8800** · 15-02-2014 08:58 PM

يا فندم انا مش عارف ليه انت مدايق نفسك
انا شايف الناس مدايقه اوي من شويه انتقادات للعربيه
طيب مهو دي نفس العربيه الي من اقل من سنه كان ناس كتيره اوي في المنتدى هنا بيطبللها وبيتكلمو عنها على اساس انها مرسيدس
ثبات ايه وواسعه ازاي وموتور ايه وعفشه ايه
كنت تقرا الكلام عن الصني تتخيل انك بتقرا كلام عن مرسيدس s500
وانا رأيي الشخصي المتواضع يعني ده لو انا ليا حق اقول رأيي يعني
ان كل واحد وهو بيشتري بيشوف احتياجاته ومتطلباته ويحسبها كويس
ويشوف الفئه السعريه المناسبه له ويقارن ويقرر حسب العربيه الي هتلبي احتياجاته دي في الفئه السعريه المناسبه ليه
ومفيش عربيه مفيهاش مشاكل ولا عيوب
مهو اسمحلي يعني مش هيبيعلك عربيه بموصفات المرسيدس ب 100 الف
والمشاكل دي بتختلف من واحد لواحد تاني في واحد ممكن يقولك العربيه شكلها حلو اوي والتاني يقول عليها شكلها وحش جدا
في واحد اهم حاجه عنده الصالون يكون واسع وواحد تاني يقولك لا مركبش عربيه شكلها وحش
كل الي اقصد اقوله دي عملية اولويات ومتطلبات
فحضرتك شوف ايه يناسب انت واعملو
يعني مثلا في ناس بتحب الفيات 128 ويدافع عنها ويقولك بتتشد وتبقا حكايه
وانا واحد من الناس حاولت اسوقها اصلا ومعرفتش
بس احسب انت متطلباتك والفلوس الي معاك
وانسى اي كلام يتقال بعد كده انت الي هتركب مش الناس
وتاني هقول مفيش عربيه مفيهاش عيووووب
بس هو مفهوم العيوب والمميزات هو الي بيختلف من واحد للتاني
كل واحد بيقارن بين العيوب والمميزات ويشوف ايه الافضل ليه
معلش طولت
واسف لو قلت رأيي في حاجه مليش فيها

**tigarsh** · 15-02-2014 09:04 PM

اهم حاجة صلاة الاستخارة ولازم تعرف انه لا يوجد اجماع على اى عربية كل واحدة ليها مميزات وعيوب الاهم ارتياحك انتا احنا فى مصر لينا بعض الافكار الخاصة يعنى تلاقى النيسان مش محبوبة مع العلم انها كويسة جدا ومنتشرة فى الخليج اهم حاجة رايك انتا

**ahmedbasto** · 15-02-2014 09:04 PM

رأيى فى الصنى الجديدة العربية معانا من شهر 7 2012 لحد دلوقتى مفيش فيها أى مشكلة من اللى الناس بتقول عليها بغض النظر عن الكاوتش بتاعها هو مش وحش بس مش دة المتوقع الصالون الداخلى بالذات الكنبة اللى ورا فى منتهى الرحابة وفتحات التكييف الخلفية عاملة توزيع جيد جدا للهواء جوه العربية غير كدة الفرامل ماشاء الله مفيش منها أى شكوى رأيى أن العربية صفقة رابحة جدا والأيام هتثبت كدة

**amirali** · 15-02-2014 09:09 PM

المشاركة الأصلية كتبت بواسطة د.عماد صلاح

شوف ....المهم انت مقتنع بايه ..انا احد الزملاء في المنتدي كان بيقول لي في احد الردود ابقي روح غير العربيه الاوبترا اللي شكلها مغولي دي الاول وبعدين نتكلم ...اي والله قالي كده ...بس انا ليا اولويات ومعايا قدر معين من الفلوس هشوف اكتر حاجات هجيبها من اولوياتي بالفلوس دي ....انا مثلا كان معايا افيو ودي افشل عربيه في التاريخ بس استخدمتها في فتره معينه ماكنش معايا غير مبلغ معين وعايز عربيه واسعه ومشاكلها قليله ...فكانت الافيو اق ب حاجه ...حضرتك صلي صلاه استخاره واتكل علي الله ما تركزش في كل كلمه في المنتدي

تمام انا معاك بس الفكرة ان ليه تحاول بأى طريقة انك تسد نفس بنى ادم ناحية حاجة هو

جايبها او هيجيبها! موضوع سخيف اوى بصراحة

**alzelafy** · 15-02-2014 09:12 PM

متزعلش نفسك دى وجهات نظر العربيه حلوة و يكفى انها يابانى و ماركه مشهورة و اللى تلافى بيقول عليها كلمه وحشه مركبهاش اصلا .....

**amirali** · 15-02-2014 09:13 PM

المشاركة الأصلية كتبت بواسطة kokowasfy

لو انتا مقتنع بل عربية و بشكلها و بادئها تسئل حد لية و لو انت عاوز تسمع الكلام الى على مزاجكك تسئل حد لية اشترية على طول محدش هيقولك متشتريهاش مثلا او حد بيدفعلك تمنها هية لو عاجباك اشترية بس كدا

الفكرة مش فكرة عايز اسمع الكلام اللى على مزاجى ياباشا والنبى ركز فى كلامى الله يكرمك!

فى ناس بتخش تحاول بأى طريقة تشتم وتهاجم العربية واى حد جايبها من غير حتى ما حد يطلب

رأيهم! يعنى يبقى موضوع مثلا واحد كاتب انا استلمت ومبسوط ومش عارف ايه تلاقى واحد داخل

يشتم فى العربية طب ياراجل هو فى كدة! يبقى واحد كاتب تقرير عن العربية بعد 1000 وانها مريحاه

وبتاع تلاقى واحد داخل كاتبله دى مش عربية اساسا وانا فضلت عليها ال301 او الستروين!!

الفكرة مش انى عايز اسمع اللى على مزاجى على فكرة!

**J A G U A R** · 15-02-2014 09:13 PM

فى اعضاء كتير مبتفهمش اى حاجه وبتقول اى كلام فى اى كلام واللى تلاقيه منحاز لعربيته وعمال يمدح ويقول فيها شعر ولو فى عربيه تانيه فى فئتها يطلعها توكتوك مش عربيه .. حاجه تشل والله .

**amirali** · 15-02-2014 09:16 PM

المشاركة الأصلية كتبت بواسطة eng hatem

ناس كتير للأسف متحيزة لاختيارات هم مقتنعين بها , ومش هتقدر تغير من طريقة نقاشهم وعدم حياديتهم . بس ممكن تاخذ المعلومات السليمة من أي مصدر وتبني على أساسها اختيارك وقبل كل شيء طبعا لازم تصلي استخارة وتشوف هل انت مستريح ولا لأ وعلى حسب التساهيل . ربنا يكرمك للاختيار الأفضل .

متشكر ياباشا وعندك حق طريقة النقاش هى اللى بتفرق يعنى مثلا لو انت قولتلى دلوقتى انا مش

بحب الصنى ومش مقتنع بيها انا مش هدايق منك .. لكن لو كلمتنى بطريقة انه انت ازاى تجيب

عربية زى دى وتحسسنى انى اد ايه حمار ساعتها اكيد هدايق منك ومن اسلوبك

**amirali** · 15-02-2014 09:17 PM

المشاركة الأصلية كتبت بواسطة islam.afifi

توكل على الله و اشتري اللي انت مرتاح ليها
صني او غيرها , المهم انت اللي هتركبها مش هم
الصني حلوة و مكونات ياباني تقفيل مصري و عليها ضمان من التوكيل يعني زي الفل

شكرا ياباشا ربنا يخليك