الموضوع: كلمتين بس عشان الواحد اتخنق وجاب اخره والموضوع بقة ماسخ اوى

المشاركة الأصلية كتبت بواسطة saddam

صديقي المواطن
قولا واحدا
هدي نفسك الموضوع إنته مكبره وداخل علينه دخله وطنية ومش شايف الرصيف على جنبك
إنت ليه بتبص لنص الكباية الفاضي وليه شفت الناس اللي بتجرح فيها ومبصتش على مشاركاتنا بالمئات بنمدح العربية وبننص أي واحد فيها والشكل الجديد قبل القديم ليه مبصتش لكلامنا ونصايحنا وبصيت لكام نفر قد تراهم أنت من الفئة الضالة ومش كلهم وحشين على فكرة قد يكون خدته الحمية ساعتها وزودها حبتين ولكن ده لا يبررلك تزعل من الناس اللي شايفة إن العربية عنوان للفشل وأنا دايما برد عليهم وأقول يا إخواننا بسعرها تعتبر لقطة ورخيصة
ولكن في سياق متصل بعض الناس بتنسى إن ده موقع مبني على فكرة وعالم إسمه سيارات وليس مثلا عالم اﻷخلاق أو عالم المجاملات أو عالم الرياضة ﻷنه إحنه لو فضلنا نقول رأينا بالعربيات بناءا على قيمة وأخلاق ملاكها يبقه إحنه نقفل نايل موتورز ﻷننا مثلا منقدرش نقول الفيرنا فاشلة وال لانوس مقلب واﻷفيو خدعة وألأوبترا كئيبة وال 127 وال 128 مش مصنفة عربيات أصلا مش حتعرف نقيم العربيأ ﻷن زمايلنا واعضاء بنقدرهم ونجلهم ونحترمهم راكبينها فكإنك لو قلت على عربيته فاشلة هو بيشخصن الموضوع وياخد الموضوع على صدره حامي طب ليه وإنت شخصيتك قوية ومقتنع بعربيتك خلاص مفيش داعي تزعل ممن قال رأيه ونقعد نلقح عليه كلام في مواضيع المنتدى ونقعد نتقمص ونقول المنتدى بقه مكان مش تمام وخنيق وأنا مش داخل تاني وأحيانا برضو خد بالك اللي بيبين عيوب عربية قد يكون شايف حاجة إنت مش شايفها فبينك وبين نفسم يا تبطل مكابرة وتروح تغير عربيتك يا بلاش نخش في صراعات جانبية تطال شخصيات اﻷعضاء الكرام وخد بالك لو إحنه سكتنا ده ومنعنا ده وزعلنا ده مين حيشارك ويتلكم ويقول رأيه ما دام الناس بتهاجم كل صاحب رأي مبيجيش على مزاجهم ومرامهم
ولو فكرت فيها شوية حتلاقي العضو اللي ذم والعضو اللي مدح في عربيتك اﻹتنين كتر الله خيرهم إنهم شاركوا وتعبوا نفسيهم وردوا في موضوع
فمتزعلش ومن هنا ورايح خفف المسائل عن صدرك ومتاخدش في بالك أوي
وهذا ما لزم بيانه ودمتم
وبالتوفيق وإلى اﻹمام
ومن نصر إلى نصر
ودمتم للنضال

ما المشكلة انك ماركزتش فى كلامى وبتتنقدنى وانت مش فاهمنى! ومش فاهم ايه دخلة الوطنية

اللى حضرتك بتقول عليها دى! ومين قال انى ماشوفتش الناس اللى بتمدح فيها! وعلى فكرة

الكلمتين دول اكبر دليل انك مافهمتش كلامى لأنى مش طالب ان الناس تمدح فيها اصلا انا كل

اللى طالبه ان كل واحد يقول رأيه باحترام يعنى لو قولتلى دلوقتى لأ انا مش مقتنع بالعربية ومش

عاجبانى عشان كذا وكذا وكذا غير لما تقولها بطريقة كأنك عايز تقولى انت متخلف انك اخترت

عربية زى دى! ماعتقدش ان كلامى صعب او مش مفهوم يا فندم؟ الفكرة فى الاسلوب مايبقاش

حد لسة جايب عربية مثلا واروح اقوله ايه يابنى اللى انت جايبه ده كنت تشوف كذا او كذا لأن

كدة انا بقفل نفسه منها حتى لو هو مقتنع بيها ممكن اوصله عدم اعجابى بالعربية بطريقة

كويسة وشيك! تانى حاجة انا مش بلقح على حد بالكلام ومش معنى ان فى حاجة دايقتنى انى

قماص ومقولتش المنتدى مكان خنيق ومش داخل تانى برده الكلام ده ماعرفش حضرتك جبته

منين ولا بتقوله مجازا ولا ايه؟! ياعم الحج انا ولا عايز اسكت حد ولا امنع حد انا زى مانا براعى

شعور الناس وبقول رأى بطريقة شيك شايف ان المفروض اللى ادامى يعمل كدة يعنى انا مروحتش

على منتدى بيجو مثلا قولت للى جايب ال301 ياعم دى عربية مش بتنزل فى فرنسا اساسا!!!

ياريت يكون كلامى وصل حضرتك وشكرا

المشاركة الأصلية كتبت بواسطة karim_monir

مفيش سيارة بلا عيوب
من اخر سيارتين امتلكتهم الكرولا ال 2007 اللي كانت الناس بتطلع بيها السما وببتباع اغلي من تمنها زيرو حاليا ممكن اعدلك مش اقل من 10 عيوب قوي
ومعايا ال بي ام 2007 دلوقتي اعدلك شوية عيوب زي الفل وباعتراف الشركة المصنعه نفسها مش كلام عايم

طالما السيارة بترضي احتياجاتك كبر دماغك واستفيد بمميزاتها قبل عيوبها
تحياتي

متشكر يا استاذ كريم وعندك حق اكيد

المشاركة الأصلية كتبت بواسطة amirali

ما المشكلة انك ماركزتش فى كلامى وبتتنقدنى وانت مش فاهمنى! ومش فاهم ايه دخلة الوطنية

اللى حضرتك بتقول عليها دى! ومين قال انى ماشوفتش الناس اللى بتمدح فيها! وعلى فكرة

الكلمتين دول اكبر دليل انك مافهمتش كلامى لأنى مش طالب ان الناس تمدح فيها اصلا انا كل

اللى طالبه ان كل واحد يقول رأيه باحترام يعنى لو قولتلى دلوقتى لأ انا مش مقتنع بالعربية ومش

عاجبانى عشان كذا وكذا وكذا غير لما تقولها بطريقة كأنك عايز تقولى انت متخلف انك اخترت

عربية زى دى! ماعتقدش ان كلامى صعب او مش مفهوم يا فندم؟ الفكرة فى الاسلوب مايبقاش

حد لسة جايب عربية مثلا واروح اقوله ايه يابنى اللى انت جايبه ده كنت تشوف كذا او كذا لأن

كدة انا بقفل نفسه منها حتى لو هو مقتنع بيها ممكن اوصله عدم اعجابى بالعربية بطريقة

كويسة وشيك! تانى حاجة انا مش بلقح على حد بالكلام ومش معنى ان فى حاجة دايقتنى انى

قماص ومقولتش المنتدى مكان خنيق ومش داخل تانى برده الكلام ده ماعرفش حضرتك جبته

منين ولا بتقوله مجازا ولا ايه؟! ياعم الحج انا ولا عايز اسكت حد ولا امنع حد انا زى مانا براعى

شعور الناس وبقول رأى بطريقة شيك شايف ان المفروض اللى ادامى يعمل كدة يعنى انا مروحتش

على منتدى بيجو مثلا قولت للى جايب ال301 ياعم دى عربية مش بتنزل فى فرنسا اساسا!!!

ياريت يكون كلامى وصل حضرتك وشكرا

صديقي المواطن
أنا مش بقصدك بكلامي أنا بوصفلك حالات عامة من واقع حياة المنتدى
وحضرتك بتقول إنك بترد وتقول رأيك بأسلوب شيك ومحترم وده كان طريقة ردك عليا وأنا في صفك أمال في الحياة الواقعية أو لو حد خبطك أو عارضك أو حتى شتمك كنت حتعمل فيه إيييييييييييييييييييييه
عامة يا سيدي ما دمت راضي عن نفسك وعن أسلوبك وعن طريقة كلامك اللي حضرتك مصنفها محترمة فخليك زي منته وكمل براحتك في سكتك ومتهتمش بناس بتقول رأيها زيي بنقول أي كلام وخلاص وهمنا نزعج وندايق الناس اللي زي حضرتك وربنا يسامحنا عشان إحنه ناس وحشة وإن شاء الله حنبتدي نتعلم من حضرتكم الكريم أسلوب الكلام الراقي إبن العوائل العليوي وحضرتك أكيد مش حتبخل علينا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال