الموضوع: كلمتين بس عشان الواحد اتخنق وجاب اخره والموضوع بقة ماسخ اوى

السلام عليكم ورحمة الله وبركته انا جبي والحمد الله اليسارة byd f 3 وتم عمل الصيانه الدورة ولاكن اليوم مع سقوط الامطار حدث شئ كان اغرب من الععجب يوجد داخل السيارة كيمية مياة كبيره جدا فوق الكرسي الامامى وبجانب السائق وايضا فى الكرسي الخلفى يوجد تسرب مياه بكميه كثيفه تم التوجه الى التوكيل فى غمره حيث يوجد المهندس محمود تم استقبال السيارة ولالاسف لم يتم عمل شئ وكان الرد ان المسئول غير موجود فى المركز وهو يتى بعد الساعة الثلاثه عصرا ولاكن اليوم هو موجود فى المصنع ه ه ه ه ه ه ه وعلى فكره والله مش اول مره حيث تم فى صيانة 5000 وهكذا كان الرد و10000 نفس الرد وهكذا واليوم وصلت 27000 وهو نفس الرد المسئول فى المصنع اليوم وهل هذا كلام ينفع ولذلك احب انصح اي مشترى السيارة byd 3 عند الاستلام ان ياخذ زجاجه مياه وان كانت معدنيه مش مهم احسن من العذاب فيما بعد واحسن من ضرب راسك فى الحائض اخوكم محمد فوزى حسبى الله ونعم الوكيل
01001718774

المشاركة الأصلية كتبت بواسطة start_wow

فعلا الاعضاء زي ما قالوا فوق هوا الكلام السليم..حضرتك المنتدي هنا مليان ناس كتير وكل واحد وليه رؤيته ووجهة نظره الخاصة في اي عربية ولو انت هتسمع لكل عضو يبقي مش هتخلص ومش هتشتري في حياتك عربية اصلا :) يا باشا حضرتك بتاخد الاراء وفي الاخر حضرتك الرأي في الاول والاخر ليك يبقي بلااش تركز في كلمة وخصوصا في المقارنات..حضرتك انا شفت في مرة موضوع وصاحبه كاتب انه اخره في الشراء 115 الف جنيه فلقيت عضو تاني كاتب ليه زودهم 15 الف كمان وهات العربية الفلانية.ياعم الراجل قال اخره فين ومع ذلك كان من ضمن الردود اللي بيقوله زودهم 15 الف :) وعضو تاني كاتب مقارنة بين عربيتين والناس قالوا ليه المقارنة المعقولة وتلاقي واحد تاني داخل قال علي عربية تالتة اصلا هيا مش من ضمن المقارنة..يا باشا كبر دماغك..

هههههههه عندك حق والله

المشاركة الأصلية كتبت بواسطة amr_8800

يا فندم انا مش عارف ليه انت مدايق نفسك
انا شايف الناس مدايقه اوي من شويه انتقادات للعربيه
طيب مهو دي نفس العربيه الي من اقل من سنه كان ناس كتيره اوي في المنتدى هنا بيطبللها وبيتكلمو عنها على اساس انها مرسيدس
ثبات ايه وواسعه ازاي وموتور ايه وعفشه ايه
كنت تقرا الكلام عن الصني تتخيل انك بتقرا كلام عن مرسيدس s500
وانا رأيي الشخصي المتواضع يعني ده لو انا ليا حق اقول رأيي يعني
ان كل واحد وهو بيشتري بيشوف احتياجاته ومتطلباته ويحسبها كويس
ويشوف الفئه السعريه المناسبه له ويقارن ويقرر حسب العربيه الي هتلبي احتياجاته دي في الفئه السعريه المناسبه ليه
ومفيش عربيه مفيهاش مشاكل ولا عيوب
مهو اسمحلي يعني مش هيبيعلك عربيه بموصفات المرسيدس ب 100 الف
والمشاكل دي بتختلف من واحد لواحد تاني في واحد ممكن يقولك العربيه شكلها حلو اوي والتاني يقول عليها شكلها وحش جدا
في واحد اهم حاجه عنده الصالون يكون واسع وواحد تاني يقولك لا مركبش عربيه شكلها وحش
كل الي اقصد اقوله دي عملية اولويات ومتطلبات
فحضرتك شوف ايه يناسب انت واعملو
يعني مثلا في ناس بتحب الفيات 128 ويدافع عنها ويقولك بتتشد وتبقا حكايه
وانا واحد من الناس حاولت اسوقها اصلا ومعرفتش
بس احسب انت متطلباتك والفلوس الي معاك
وانسى اي كلام يتقال بعد كده انت الي هتركب مش الناس
وتاني هقول مفيش عربيه مفيهاش عيووووب
بس هو مفهوم العيوب والمميزات هو الي بيختلف من واحد للتاني
كل واحد بيقارن بين العيوب والمميزات ويشوف ايه الافضل ليه
معلش طولت
واسف لو قلت رأيي في حاجه مليش فيها

حاجة مالكش فيها ايه ياعم الحج هو انا عامل الموضوع لنفسى .. ردك حلو عامة بس انا برده

ضد التطبيل الزيادة انت مش فاهمنى ياباشا .. انا ضد التجريح ضد انى احسسك انك مابتفهمش

عشان مشترى العربية الفولانية .. لكن لو انت دلوقتى قولتلى والله الصنى انا مش بتعجبنى ومش

شايف انها عربية حلوة هقولك على عينى وراسى لكن انك تفضل تزن على دماغى وتخلينى

اتخنق من زنك هنا بقة اللى فعلا يدايق لف ياباشا فى المواضيع وشوف فى الارشيف هتلاقى

ناس بتلف على كل المواضيع يلعنوا فى العربية ويشكروا فى عربيات تانية!

المشاركة الأصلية كتبت بواسطة J A G U A R

فى اعضاء كتير مبتفهمش اى حاجه وبتقول اى كلام فى اى كلام واللى تلاقيه منحاز لعربيته وعمال يمدح ويقول فيها شعر ولو فى عربيه تانيه فى فئتها يطلعها توكتوك مش عربيه .. حاجه تشل والله .

فعلا

المشاركة الأصلية كتبت بواسطة grumby78

ياسيدي الفاضل متزعلش نفسك عشان دي طبيعة شعب للاسف ولا اقصد التجريح . ياسيدي شعبنا بيعيش على الاشاعات في كل شيء ولا يهمه التيقن من اي شيء وتلاقيه يفرح لو في مشكله في عربيه مااخترهاش ظهرت ويتعمد اخفاء اي شيء في سيارته وتحويله لميزه احيانا . الاغلب كمان بينقد نقد غير موضوعي وناجم عن عدم فهم اصلاواحيانا عدم تجربه ف ياسيدي احنا عندنا ملايين المنظرين وخبراء السيارات ومحللي الرياضه والخبراء القانونيين والاستراتيجيين . كل واحد في النهايه دماغه مريحاه وفي النهايه الاهم انك تستمتع باختيارك واعرف ان الانتشار والاقبال له ضريبته مابين مؤيد جدا ومتحامل جدا والسياره اجمالا ناجحه ليس بها اي عيوب في المحرك او ناقل الحركه كما حصل مع تويوتا وفولكس واجن وعاليه ودي ميزه ممتازه وتكييفها ممتاز وصوت المحرك يكاد لايسمع مقارنة بجرارات زراعيه في سيارات حديثه وعفشه ناعمه ومساحة داخليه للارجل والرأس والشنطه ممتازه جدا ومراكز خدمه محترمه ومواصفات وأمان وكل ده بسعر هو الارخص الان وبتتباع في كل مكان في العالم بمواتير مختلفه ونواقل حركه متنوعه .استمتع بسيارتك ولاتلتفت لكلام الناس . دمت بصحه

تمام ياباشا الف شكر ليك وعقبال ما استلم على خير ان شاء الله