فتيس جيلي ck2

**atwany2** · 15-02-2014 09:47 PM

اعزائي واحبابي الكرام انا جاي القاهرة بعد بكرة الاثنين انشالله وعلشان اجيب فتيس للعربية بتاعتي جيلي ck2 لانها بعد الحادثة لقيت ان الفتيس مكسور الفارغة الورانية والامامية وانا عايز واحد استيراد فلو حد يعرف محل بيشتغل استيراد للجيلي ياريت يدلني عليه وهو يبقي في حدود كام والجديد في حدود كام وانا سمعت ان الحله او الفارغة الورانية او الامامية بتتباع لوحدها هل صحيح وبكام علشان اقدر احدد ظروفي ايه خصوصا اني عايز حاجات كتير تاني زي مقص ورفرف وحساس هوا واكصدام وقنطره وكشافات فارجو الرد للاهمية وشكرا

**monamize4** · 16-02-2014 01:00 AM

ربنا يعينك

**shiko85** · 16-02-2014 07:07 AM

انا مش عارف ايه الحله دى, بس انا كان عندى جيلى فروته و كنت بدور على حاجات استيراد ليها و ملقتش حاجه و كان البديل انى اجيب حاجات للديهاتسو شاريد و ملقتش لحد ما ربنا اكرمنى و عرفت اماكن قطع غيار جديده
التوفقيه طبعا - مهندس جلال قدام معهد السكر (القصر العينى) - التوكيل - قاصد كريم فأول فيصل
مش عارف بقى فيه حاجات استيراد ولا لأ
ممكن تجيب الحله دى و تنزل التوفقيه و تشوف واحده بتاعت عربيه تانيه تنفع ليها بس نصيحه لو تقدر تروح عند المهندس جلال الأول يبقى افضل لان كان عنده حاجات كتير مش موجوده عند حد شوف اللى انت عايزه و اعرف الأسعار و ان شاء الله هتلاقى عنده معظم الحاجات اللى انت عايزها و ممكن بعد كده تروح التوفقيه و تشوف الاسعار هناك و ايه موجود و ايه مش موجود ولو تقدر تتصل بالتوكيل قبل ما تيجى و تعرف اسعار الحاجه ايه و هل هى موجوده ولا لأ يبقى افضل علشان توفر على نفسك مشوار

**atwany2** · 16-02-2014 04:45 PM

الحله او الفارغة هي الكفر الخارجي للفتيس اللي فيه الزيت والتروس ومشتملات الفتيس وهو من مادة الانتومونيا اوالالومونيم انا واحد قالي انه تمنه استيراد 4000 جنية وانا اعرف انه غالبية الماركات الاخري في حدود 700 او 800 ..... الف جنية انا عايز عناوين ناس شغالين استيراد للسيارات الجيلي ومشكورين للاهتمام

**atwany2** · 18-02-2014 03:12 PM

فيه واحد جابلي فتيس استيراد من الوكالة بيقول عايز 3000 جنية انا بصراحة مستغلية خالص امال لو جديد يبقي بكام بعشرة الاف ياخوانا شوفولي حل

**shiko85** · 18-02-2014 03:46 PM

المشاركة الأصلية كتبت بواسطة atwany2

فيه واحد جابلي فتيس استيراد من الوكالة بيقول عايز 3000 جنية انا بصراحة مستغلية خالص امال لو جديد يبقي بكام بعشرة الاف ياخوانا شوفولي حل

انزل الوكاله بنفسك و شوف الأسعار هناك

**atwany2** · 20-02-2014 03:51 PM

اانا الميكانيكي كويس وشاف عند اولاد عوف في التوفيقية لقي الفارغة الامامية والورانية ب 1450 جنية مع بعض بس المشكلة انه لازم يجيبهم استيراد علشان فيية هلايل وغوايش مكسورة يجيبهم مع الفوارغ لانه مفيش منهم جديد والفتيس جديد 4500 جنية بس بعد اسبوع المهم هو جاب الرفرف والرداتير والاكصدام بالشاسية بتاعة وشبكة الكبود والفوانيس الامامية وعملوا 1950 مع بعض وجاب حساس الهوا وطلع بتاع الكيا والمقص من الوكالةوانشالله حيشحنهم وربنا يسهل والعربية تمشى