الموضوع: ظبط زوايا جيلى امجراند 7

من المواضيع المهملة فى قسمنا هو ظبط زوايا السيارة ايمى فمنذ اسبوع كانت العربية بها حدفة كبيرة ناحية اليمين لم تكن موجودة منذ شراء العربية و ذهبت الى مركز ظبط الزوايا و قاموا بفك الأربع عجلات للترصيص و بعد تركيب عجل السيارة تم رفعها لعمل ظبط زوايا و بعد انتهاء العملية اعطونى كالعادة ورقة بها قيم السيارة السابقة قبل ظبط الزوايا و القيم الحالية بعد ظبط الزوايا فوجدت اختلاف كبير و لاحظت من قراءة هذه الورقة ان ظبط السيارة كان على سيارة لانسر 2011 فقلت للمهندس ازاى انا اسمع ان السيارة دية بتأخذ برنامج التيوتا كرولا الشكل الحديث فقال لى عفشتها هى نفس عفشة لانسر 2011 و على كل حال العربية اتظبطت و الدركسيون اتعدل و العربية اصبحت ماسكة نفسها مع وجود ثقل خفيف فى الدركسيون و لم سألته قال علشان احنا مربطين قوى على العفشة

حاول تعمل للعربية ترصيص و ظبط زوايا هتفرق معاك كويس جدا لان العربية بتنزل بدون ظبط زوايا و للأسف لو رحت التوكيل بيقولو الجهاز عطلان دائما و عاوز تعرف العربية محتاجة ظبط زوايا جربها على طريق غير مستوى و على سرعة عالية 80 او اكثر