استشارة في تركيب مصد خلفي في النيو اكسنت

**michohat** · 16-02-2014 07:01 PM

السلام عليكم ورحمه الله وبركاته

على الرغم من اني من سكان الاقاليم والزحمه قليلة الا ان الحال لا يخلو من اني اكون في بقود العربية والاقي اللي بيرزع فيا من ورا ( واحد داس بنزين بزياده او اي سبب كان )
ففكرت اني اركب مصد معدني خلفي بحيث يحمي الاكصدام والشنطه من اي صدام كانت بدايه تفكيري هو ما يسمى بالقاطره
و لكنني شاهدت في اكتر من تاكسي او مكروباص انهم مصممين مصد غير كامل بنفس بومبية الاكصدام الاصلي من الصاج ويتم رشه بنفس لون العربية ويركب علي سيخين ( لا اعلم كيفية التثبيت ) طالعين من تحت الاكصدام

فتحدثت مع سمكري معرفه فأفاد بان لهذا اثر سلبي علي شاسية العربية (حيث يتم التثبيت على الشاسية ) حيث من الممكن ان تكون الخبطه من القوه بحيث انها تحدث ضرر او اثر في الشاسية

فهل توجد طريقة اخري للتثبيت ام هذه هي الطريقة الوحيده
وهل توجد طريقة اخرى لتفادى خبطات الغير ؟

**Elawany13** · 16-02-2014 08:38 PM

بكده انت بتلغى وظيفة الاكصدام بإمتصاص الخبطات البسيطة
اللى اعرفه انها غلط فعلا على الشاسيه

**Elawany13** · 17-02-2014 04:36 PM

عارف ياباشا
ما احنا فى غابة

**moe gawad** · 17-02-2014 04:43 PM

سيدى المحترم,,,,

اكيد ده هايكون ليه تأثير سلبى على الشاسيه حيث ان عربيات الأكسنت بوجه العموم غير مصممه لتركيب النوعيه ديه من المصدات , مثل السيارات 4x4 اللى بيكون فيها من تحت مكان مخصص لتركيب المصدات بقنطره بعيده عن مربع الشاسيه,
أما فى حالة سيارتم سيتم لحام المصده فى فردة الشاسيه على طول,
انصحك ان تلغى الفكره من دماغك,
والأكصدامات مصممه لتحمل الخبطات الضعيفه حيث انها تقوم بردها بعيداً عن السياره ,

ولكم فائق الأحترام والتقدير,,,,

**raedegypt** · 18-02-2014 02:40 PM

هى شغله محتاجه فنى دماغ .. انا اقولك فكرة حلوة .. ركب مساعدين موتوسيكل بطريقه ما على الشاسيه .. الطرف الاخر يكون حديد مبسط تفتح على مقاسه فى الاكصطدام ليكون خارجه بمسافه كافيه لتركب ذاويه بالعرض ويكون ملصق عليها كاوتش . اى صدمه تضرب فى الكاوتش . جامدة شويه يمتصها المساعد ويقاومها

**michohat** · 18-02-2014 03:17 PM

المشاركة الأصلية كتبت بواسطة raedegypt

هى شغله محتاجه فنى دماغ .. انا اقولك فكرة حلوة .. ركب مساعدين موتوسيكل بطريقه ما على الشاسيه .. الطرف الاخر يكون حديد مبسط تفتح على مقاسه فى الاكصطدام ليكون خارجه بمسافه كافيه لتركب ذاويه بالعرض ويكون ملصق عليها كاوتش . اى صدمه تضرب فى الكاوتش . جامدة شويه يمتصها المساعد ويقاومها

فعلا كانت دماغي رايحه في اتجاه المساعدين ( افتكرت عربيه جار لي فولفو كانت الاكصدامات على مساعدين وبتفوت ف الحيط) وكنت بدور على قطره او جنش ينفع يتركب عليه مساعد بس من غير ما اخرم في الاكصدام

**moe gawad** · 18-02-2014 05:00 PM

والله انا اول مره اسمع فكرة المساعدين ديه,,,,
و مش عارف تنفع ولا لأ , بس لو تحب ممكن اسالك مركز السمكره اللى بتعامل معاه , واسمه الاسطه محمد , وده تابع لمركز اتو ماجد (اللى كان معتمد) و شغله كله فى نوعية السيارات الحديثه فقط(لا يعمل فيما هو قبل موديل 95) ممكن يكون عنده افكار حلوه

**michohat** · 18-02-2014 05:30 PM

المشاركة الأصلية كتبت بواسطة moe gawad

والله انا اول مره اسمع فكرة المساعدين ديه,,,,
و مش عارف تنفع ولا لأ , بس لو تحب ممكن اسالك مركز السمكره اللى بتعامل معاه , واسمه الاسطه محمد , وده تابع لمركز اتو ماجد (اللى كان معتمد) و شغله كله فى نوعية السيارات الحديثه فقط(لا يعمل فيما هو قبل موديل 95) ممكن يكون عنده افكار حلوه

المساعدين اظن علشان تتنفذ صح هتكون عاوزة تتركب ع الاكصدام على ما اظن ( علشان ياخد ويدي مع الخبطه )
فممكن لو عنده افكار تساعد
ممكن سوسته قوية تتركب ما بين الجزء اللي هيتثبت في العربية من تحت وبين المصد ويكون ما بين المصد وجسم الاكصدام ماده زي الفوم او الاسفنج قابله للانضغاط بحيث لو حد ريح علي العربية من ورا اول مقاومه هيقابلها هيا السوسته اللي ماسكه المصد من تحت لحد ما يضغطها بالكامل ساعتها المصد هيكون بينه وبين العربية الاسفنج المنضغط ده واكيد هيقلل من الخبطه ( بس عيب فكرتي لو السوسته انكسرت ممكن المصد يتجرجر على الارض ورا العربية )
نفس فكره ال Hand Expander

بحيث تكون ناحيه متثبته في في العربية وناحيه متثبته في المصد ودور الخبطه انها تحاول تضم الناحيتين على بعض

دي اشكال المصدات بره بس طبعا مش عمليه عندنا هنا