الموضوع: الميجان مش بتدور و مكتوب Steering Fault

المشاركة الأصلية كتبت بواسطة wmadkour

السلام عليكم يا وحوش الميجان
عربيتي ميجان 2009 النهاردة الصبح جيت أدور و راسها الف سيف متدورش و بتديني رسالة steering fault ولمبة ستوب بتنور ، الفكرة ان الباور شغال عادي و الدريكسيون مش تقيل و شغال و لما بشيل الكارت بتقولي Steering not locked كلمت م. عمرو في المقطم قالي جبهالي علي و نش أو نبعت ناخدها و م .محمود من فرنش الرحاب قالي هي ممكن يكون فيوز ضرب بس في سبب خالاه يضرب فلازم أجيبها، قلت أحاول أغير الفيوز علشان أدورها ، المهم فتحت مانويال الصيانه لقيت في فيوز 5أمبير في علبة القيزات 1337 في الموتور و وواحد تغذية تاني في العلبة 777 تحتها
يا تري حد حصاله كده قبل كده و تنصحوني بإيه
تحياتي لكم

دى اول مشكلة حصلتلى مع الميجان، للأسف دة عيب تبع طقم الدوارة، ممكن فيوز أو لوك دركسيون او الUCH. انت محتاج تروح لحد يكون شاطر فى الميجان عشان طقم الدوارة استيراد بحوالى 2300 و اللوك بتاع الدركسيون بحاجة قريب من كدة برضة، فلازم تتأكد ان مفيش فيوز ضارب و هو اللى عامل القلق دة قبل ما تنجرح فى حاجة جامدة.

بص على الموضوع دة، دة الموضوع اللى كنت عاملة ساعتها http://www.nilemotors.net/Nile/30413...ng-locked.html
ربنا معاك و الموضوع يكون بسيط

دارت وقلت أجربها و أحاول أدورها تاني مرديتش ، قلت أسأل علي ال Electronic steering lock (شكراً جداً ل Meggyboy) لقيتها ب 6000 جنيه ، إيه الأستهبال ده ، ليييييييييييييييه ، فيها إيه يعني توجيه قمر صناعي
كده مالهاش حل غير إني أجيب التوكيل يكشفوا عاليها تحت البيت ممكن يكون الفيوز إلي بيغذيها !!!
ولا إيه رأيكم ؟

المشاركة الأصلية كتبت بواسطة medori

دى اول مشكلة حصلتلى مع الميجان، للأسف دة عيب تبع طقم الدوارة، ممكن فيوز أو لوك دركسيون او الuch. انت محتاج تروح لحد يكون شاطر فى الميجان عشان طقم الدوارة استيراد بحوالى 2300 و اللوك بتاع الدركسيون بحاجة قريب من كدة برضة، فلازم تتأكد ان مفيش فيوز ضارب و هو اللى عامل القلق دة قبل ما تنجرح فى حاجة جامدة.

بص على الموضوع دة، دة الموضوع اللى كنت عاملة ساعتها http://www.nilemotors.net/nile/30413...ng-locked.html
ربنا معاك و الموضوع يكون بسيط

ربنا يكرمك علي الرد
و لو أنه صادم، بس سؤال مين يشخص العيب ، و حدة الصيانه المتحركة تقدر ؟ أنا مش عايز أنقلها بونش لحته لغاية م أستقر هعملها فين
شكراً تاني علي ردك

واضح إن حل المشكلة يا أحمد بك مع مومو ، ممكن طيب نمرة تيلفونه أسأله أعمل إيه أو أروح لمين أحسن 6000 جنيه أو حتي 2500 جامدة أوي

ممكن نمرة تيلفونك أكلمك يا أحمد بك medori شكلك عند فكرة أبدأ منين لو مفهاش إزعاج

طب يا جماعة الخير أنا نزلت أجيب WD40 علشان أفك علبة الفيوزات بكرة

شغلت إشتغلت !!!!!!

رحت جبت و رجعت تحت البيت قاعدت أشغل و أطفي إشتغلت و طفت 4 مرات

أيه رأيكم ؟

أخدها عند حد يكشف بكرة عليها بالكمبيوتر يتأكد إن مش steering lock unit هيا إلي بايظزة ؟
طيب هل فيه حد تاني في الحرفيين غير فرنش موتورز عنده الجهاز ؟

فيدوني بخبرتكم أكون شاكر

تحياتي