الموضوع: عن شراء البلونيز اتجدث واطلب المساعده

المشاركة الأصلية كتبت بواسطة gade2

انا شفت عربيه 89 كانت فيها بارومه من جنب الشنطه والفرش كان متهان شويه والموتور صوته كويس والتابلوه والعدادات كويسه بس كان فيها حاجه غريبه ان لما تدورها وتسيبها دايره على المور بتفصل بعد شويه ولازم تكبس بنزين وانت بتدور فهل دا كان عيب ايه وهل البارومه دا امر مسلم بيه فى البلونيز

‏ هي لو البارومه مش ضاربه اوي ف الشنطه يبقي مش مشكله بس دور علي الدواخل وبعد كده كله امره سهل بالنسبه لحكاية انها بتفصل وهي شغاله سلانسية هل انت بتشد الشداد اللي بيعلي المكنة وانت بتسخنها اصل لو لا يبقي وهي بارده عادي تعمل كده اهم حاجة بتدور من اول تكه ولا بتغيب سيبك من حكاية لازم تكبسلها بنزين وانت بتدورها دي عادي كل القديم كده ( تقوص دواره اي عربية كاربراتير كده لازم تكاركلها مرتين تلاته بنزين وانت بتدور)

المشاركة الأصلية كتبت بواسطة gade2

ممكن تقولى معلومات اكتر عنها

ان هقولك المعلومات اللي عندي العربية دي والد صاحبي اشتراها سنة 92 اعتقد .. ومشي بيها 40 ألف بعد كده سافر وكان صاحبي لسة مابيسوقش ساق العربية دي فـ أولى جامعة اللي هو كان بظبط من 7 سنين وفضل راكبها لحد من سنة ونص وركنها تاني علشان جاب عربية جديدة وهي حاليا عملة 65 ألف كيلو .. في المعلومات اللي عندي أي استفسار تاني أنا موجود أو لو عاوز تكلمه شخصيا

المشاركة الأصلية كتبت بواسطة gade2

السلام عليكم

انا عاوز اشترى عربيه وفكرت فى البلونيز لان دى هى المناسبه ليا فى الوثت الحالى من ناحية الفلوس والطريق
فكنت عاوز اعرف متوسط سعرها كام موديل 88-89 مش اعلى وايه الحاجات المهمه للتركيز عليها فى العربيه عند الشراء
ولو حد يساعدنى ابقى شاكر ليكم

انا كان معايا موديل 88 وكنت شاريها زيرو وفضلت معايا 21 سنه
عربيه ممتازه وبتاعت شغل وقطع غيارها ببلاش وواسعه جدا وحلوه جدا في السفر
عيبها طبعا شكلها موش شيك الدركسيون تقيل شويه بس اخف من اللادا وندمت اني بعتها

المشاركة الأصلية كتبت بواسطة gade2

صديقى الاستاذ احمد
1-يعنى البارومه دى هلاقيها فى كل البلونيز (علشان معملهاش موضوع وهى امر فى كل البلونيز )
2-هو يعنى ايه دواخل
3- ايه الشداد دا اصل انا بدور عادى بس مبتدورش من اول تكه ممكن3 تكه وهى كانت بارده
معلش انا بتعلم منك

مش ف البولونيز بس ف معظم القديم بس اهم حاجة انها تكون حاجات بسيطة يعنى يادوب اطرراف باب الشنطة بس مش جايبه الباب من اوله لاخره
الشداد ده بتاعه كده زى دراع بتشده فبيعلى المكنة اثناء التسخين
حكاية بتدور من 3 مرة اهم حاجة تكارك بنزين بالهداوة عشان ماتشرقش ده عادى
المهم الدواخل تكون فابريكة ونضيفة ومافيهاش بارومة