الشبكة الامامية وفانوس الشبورة اتكسروا 301

**Hema_Basha** · 17-02-2014 10:17 PM

المشاركة الأصلية كتبت بواسطة atshe

مش عارف معقولة لو كل حاجة سليمة هياخدوا مصنعية عالية على التركيب بس؟

ومش عايز اروح لحد ميكونش فاهم يخرم ولا يبوظ اكتر

انا عربيتي بيزلاين يعني من غير فوجات وركبتهم في التوكيل سعرهم 900 ج واخدين مصنعية 300 ج
وعلشان كده بقولك بلاش التوكيل

**ضى القمر** · 18-02-2014 12:12 AM

قدر الله ماشاء فعل

**J A G U A R** · 18-02-2014 12:47 AM

سليمه يا باشا الحمد لله مفيهاش اى حاجه ..

**khaledserag** · 19-02-2014 06:52 PM

المشاركة الأصلية كتبت بواسطة atshe

الحمد لله الخبطة سمعت شوية جوة

وده اخدت بالى منه النهاردة الشبكة اللى فوق مشروخة والنمرة شوية وكانت هتتكسر

والاكصدام تحت لجوة نصه اتكسر مش عارف الامور هتمشى ازاى فى التوكيل

ممكن اسال سؤال بدون تحامل
علشان انا فعلا بفكر احجز 301
هى خبطة ظى دى لما تعمل كدا فى الاكصدام من كاوتشة
ده مش يعتبر سوء خامات بردو
و لا ده طبيعى

**Ahmed Amin** · 20-02-2014 04:24 AM

قدر الله وماشاء فعل,
ولو كان التصليح في التأمين هيضيع ميزة إن التصليح لأول مرة بيكون نسبة التحمل فيه أقل,
يبقي وفر التصليح في حاجة أكتر وتستاهل لو حصلت لقدر الله,

كلم المندوب بتاع شركة التأمين, وشوف هيقولك أيه وأبقي قولنا,
وفي الغالب هيكون أفضل أنك تعمل الحاجات دي لو بسيطة, وتخلي التأمين لو حصلت خبطة أكبر لقدر الله.

**Ahmed Amin** · 20-02-2014 04:28 AM

المشاركة الأصلية كتبت بواسطة khaledserag

ممكن اسال سؤال بدون تحامل
علشان انا فعلا بفكر احجز 301
هى خبطة ظى دى لما تعمل كدا فى الاكصدام من كاوتشة
ده مش يعتبر سوء خامات بردو
و لا ده طبيعى

الأكصدامات قدام وورا فبر في كل العربيات الجديدة,
يعني ليا واحد قريبي معاه تويوتا كورولا كان مروح في يوم بليل وطلع قدامه كلب علي الطريق مرة واحدة حاول يفاديه ملحقش فخبطة الأكصدام أتكسر كله والسربنتينه أتدغدغت وهربت الفريون ومروحة الرداياتير أتكسرت وطبعاً معرفش يمشي بالعربية بعدها وركن لحد ما جه ونش يشيله.

العربية مش ورق, ومواصفات أوروبي,, ومش من شركة نص كم,
أي خبطة بتعتمد علي سرعتك وعلي الحاجة اللي أنت خبطتها.

والراجل بيقول,

المشاركة الأصلية كتبت بواسطة atshe

مسافر على الطريق الصحراوى وعربية قدامى طافية النور الامامى وبنعدى ودخلت وراها مرة واحده لقيت
خارج من بعدها كاوتش مقطوع خبط فى العربية زى الكرباج وقع الشبكة الامامية وفانوس الشبورة زى الصورة كده

يعني أي واحد هيتحط في نفس الموقف دا هيتكسر له الشبكة كلها لو الكاوتش دا ضرب عربيته أو الشبكة في أي عربية زي الكرباج وهوا ماشي علي سرعة.!!
وهوا حظه حلو إنها جات في الشبكة اللي تحت بس.
قدر الله وما شاء فعل.

بالنسبة لسؤالك بقي,, لو عايز تجرب حظك في الكوري والصيني اللي في نفس سعر البيجو 301 فادي حاجة ترجع لك طبعاً.
بس مش هتاخد نفس الأمان ولا الثبات وقوة الفرامل بتاعت ال 301.
وبالتوفيق في الأختيار.

**Ahmed Amin** · 21-02-2014 04:01 PM

المشاركة الأصلية كتبت بواسطة khaledserag

فعلا كلام حضرتك الى حد كبير مقنع
انا معايا لانوس و عربية كورولا خبطتنى من ورا الشبكة و الاكصدام و الفانوس اتكسروا عنده مع ان الخبطة كانت ضعيفة و مسابتش اثر فى عربيتى
ربنا يسترها معانا
و شكرا على الايضاح

الشكر لله,
وأنزل شوف اللي في السوق اللي في رينج السعر اللي أنت حابب تشتري بيه.
ولو تعرف حد معرفة معاه 301 جربها لأنها فعلاً أحسن عربية في الفئة السعرية دي من ناحية الراحة والثبات في السواقة والأمان عن الكوري والصيني, وقوة الفرامل.
وأستخير ربنا قبل أي قرار,

وبالتوفيق في الأختيار ياباشا.