الموضوع: عفشة الكورولا 2014

المشاركة الأصلية كتبت بواسطة walidzakzok

طالما مفيش جدول زمني معمول للتعديل يبقى كلام ومفيش معلومة مؤكدة وزي ما قولت لحضرتك تويوتا اليابان هاتتحمل التكلفة على اي اساس الناس دي معندهاش نظام علشان انت حبيبي اعدلك والناس بتوع السيلز بيبقوا فتايين والكلام ببلاش

ولو شركة زي تويوتا ايجيبت عندها النية كانت اعلنت رسميا عن اجراء التعديل .. وطبعا تويوتا ايجبت مش هاتدفع تمن التعديل من جيبها دي عملت تعديل فتيس الجنوب افريقى بعد تدخل جهاز حماية المستهلك
في نفس الوقت تويوتا اليابان مش هاتتحمل التعديل ياريت تردلي على النقطة دي..مين هايتحمل تكلفة التعديل؟

وكلام التعديل اتقال من حوالي شهرين واتسلمت دفعات بالارتفاع الجديد يبقى ايه سبب التاخير اذا كان العربيات الجديدة وصلت مش قادرين يشحنوا معاهم شوية قطع غيار على اساس الناس بتقول انه تعديل سوست ومساعدين يعني يتعمل فى ساعة....وانا اشك فى الكلام دة

الوقت هو الفيصل، مقدمناش غير اننا نستني، او نتصل بخدمة العملاء او اروح التوكيل و ده مش متاح حاليا ليا عشان اناخارج مصر

المشاركة الأصلية كتبت بواسطة ahmed khalifa

انا حسيت لاول مره انك اتضايقت من الكلام يا ابو حميد مع انك راجل كووول هههه الراجل بيتكلم صح ده للاسف واقعنا فى مصر المحروسه لكن خلونا نفكر بالعقل انخفاض العربيه ده عيب صناعه لانه بيدخل فى تصميم العربيه ومدى ملائمتها للبلد الى بتتباع فيها علشان كده عملوا عربيات بمواصفات خليجى طيب نرجع لنقطة جهاز حماية المستهلك ده زى قلته لكن مع شكوى فيها عدد كبير وده متاح لينا هو مجبر يحول الموضوع للنيابه و لو ده وصل لتويوتا اليابان ان نادى ملاك تويوتا فى مصر رافع قضيه هتعمل كل الى فى ايدها لمنع الدعايه السلبيه
نرجع للمربع صفر وده مربط الفرس توكيل تويوتا فى مصر ناس محترمين ومحترفين و ده صحيح جدا و بالرغم من انى اعرف ناس فى مناصب عليا فى الشركه فمحدش اكدلى او نفالى موضوع االتعليه لكن من خبرتى فى الدنيا و فى مصر انا اتوقع انهم يعملوا التغيير خصوصا انهم اقروا بان الانخفاض عيب فى المواصفات هتقولى اقروا ازاى هاقول لانهم علوا العربيات الى نزلت جديد

خلاصة الكلام هيعدلوا العربيات على حسابهم و دى مش معلومه ده توقع يصل لدرجة اليقين
و بالمناسبه اختمال كبير انى معملش التعديل ده لانى مش متضايق من الانخفاض جدا
تحياتى

لا يا جميل ,خالص ايه اللي يضايقني؟

اصل انا عندي معلومات ان التعديل هيتعمل و ببلاش , فكنت عاوز اوضح مش اكتر.
وبما انك بقا تعرف ناس في مناصب عليا , حابين تجيبلنا اى تصور للموضوع ده.
هل فعلا هيتعدل و لو كدة هيبقي امتي؟
انا علي فكرة هستناك في المقابلة يوم الخميس ان شاء الله