الموضوع: إفتي: ما توقعاتك لأسعار وموعد سيراتو كوبيه؟

توقعاتي بتقول انها نزلة على اواخر 2014 مع المازدا 3 الجديدة لإن التوكيل بيقول انهم لسا مجمعوش عنها معلومات بس مقالش انها مش نازلة يبقى ممكن تاخد وقت كبير

وبردك بما ان السيدان اعلى فئة بـ200 الف يبقى اعتقد ان الكوبيه حتدخل في 230 والله اعلم طبعاً ولو اني احب السيدان عن الكوبيه في العربية دي خصوصاً على الـGray منها

- بس سؤال لحضرتك بقى ايه اللي مخليك معجب بالنيو سيراتو اكتر من الموجود في الفئة خصوصاً إني من اشد معجبيها بسبب الرفاهيات والشكل الجديد

التوكيل قبل كدا قريت على الفيس كاتب متوفرة عن طريق الطلب
تمام
و النسبة للسعر قريت قبل كدا واحد سأل عنها فى معرض كبير و قاله هتبدأ من 204 ألف جنيه

المشاركة الأصلية كتبت بواسطة المفتاح

السلام عليكم،

كنت ناوي أجيب سيراتو سيدان لكن لقيت إن فاضل على المعرض حوالي 3 أسابيع فبأفكر أنتظر أشوف الكوبيه، لكن خايف أنتظر ويطوووول الانتظار أو يطلع سعرها مبالغ فيه لذلك أرجو التنجيم معايا، خلينا نتكلم كـ فتّايين، الفتي من حقوق الإنسان :d

السعر: في ضوء سعرها في الخليج وفرق السعر هناك بينها وبين السيدان وفي ضوء فرق السعر عندنا هنا في مصر بين السيراتو السيدان والكوبيه 2013، وفي ضوء سعر هيونداي النترا سيدان وكوبيه 2014 وفيلوستر 2014 وسيراتو سيدان 2014 وبما إنها ربما غالبا هتنزل عندنا بموتور عادي سيراتو أو النترا 1600، فربما تنزل بفئتين: الأولى في حدود 160 والثانية في حدود 180؟

الموعد: الحقيقه مش عارف غير إنها "هتتعرض" في المعرض القادم 13 مارس، يعني بعدها هتكون بالحجز مثلا؟ مش هي لازم تتوفر قبلها بفترة كافية (الآن) علشان لما الناس تشوفها في المعرض تشتريها؟ مش معقول يكونوا مخبيّنها يعني، السنين اللي فاتت عملوا إيه؟ مش عارف أفتي في دي الحقيقه

سعرها فى السعوديه 80 الف ريال اى خدمه

المشاركة الأصلية كتبت بواسطة Dr . Mohamed

التوكيل قبل كدا قريت على الفيس كاتب متوفرة عن طريق الطلب
تمام
و النسبة للسعر قريت قبل كدا واحد سأل عنها فى معرض كبير و قاله هتبدأ من 204 ألف جنيه

أنا سألت الصفحة الرسمية Kia Motors Egypt وقال لي: "يرجى العلم ان السياره سيراتو كوبيه ليست متوفره حتى الان و سيتم الاعلان عن كافة المعلومات فى اقرب فرصه ممكنه".

ولما حد بيسألهم عنها على الحائط في صفحة الفيسبوك حاليا بيقولوا له كلام مشابه. وكمان على نفس الصفحة حاليا تطبيق اسمه "Cerato Koup Event" يعني "فعالية سيراتو كوب" موجود فوق جنب "عدد المعجبين" كان مسابقة وخلصت تقريبا ماعرفش حاطينه من زمان واللا اليومين دول بس.

وفيه خبر موجود على أكثر من موقع وعلى نايل-موتورز بيقول "صرح طارق مصطفى مدير تسويق سيارات «كيا» بالشركة المصرية العالمية للتجارة والتوكيلات«EIT»، أن الشركة تعتزم عرض السيارة كيا سيراتو كوبيه في معرض أوتوماك فورميولا المقرر إقامته خلال شهر مارس القادم" مع كيا سول الجديدة وكذا موديل جديد وبيقولوا أبو غالي هيعلن عن توكيل جديد.

المشاركة الأصلية كتبت بواسطة برنس الليالي

وبردك بما ان السيدان اعلى فئة بـ200 الف يبقى اعتقد ان الكوبيه حتدخل في 230 والله اعلم طبعاً ولو اني احب السيدان عن الكوبيه في العربية دي خصوصاً على الـGray منها


- بس سؤال لحضرتك بقى ايه اللي مخليك معجب بالنيو سيراتو اكتر من الموجود في الفئة خصوصاً إني من اشد معجبيها بسبب الرفاهيات والشكل الجديد

هي السنة اللي فاتت كانت كدا؟ أظن إن سعر الكوبيه 2013 ماكانش بيزيد عن سعر السيدان، بالعكس كان سعر الكوبيه هو سعر الفئة الثانية أو الثالثة بتاع السيدان، وكذلك نفس الأمر في الالنترا الكوبيه حاليا.

بالنسبة لاعجابي بالسيراتو حاليا أنا لقيت إنها أفضلهم هي والفلوانس كعربية وكوكيل، والكيا تتفوق على فلوانس في نقطة إعادة البيع. وكيل هيونداي مش حلو مقارنة بكيا ورينو، ومن كتر انتشار الالنترا تحس إنها قدمت! والكوبيه بتاعها إستهبال مش كوبيه ولا حاجه دول شايلين منها البابين اللي ورا بس، حتى الأبواب اللي قدام فيها الإطار اللي بيمسك الإزاز ده بيزيد إحساس إنها مش كوبيه ولذلك ماحدش بيشتريها خالص، والفيلوستر ضيقة وصغيره جامد، والكروز فيها مشكلة الفتيس، واللانسر شارك قدمت وسوقها مش حلو ويعتبر كأن مالهاش وكيل، والفلوانس سوقها مش حلو، وبيجو 301 و ورينو داستر تحس إنها عربيات هندي، وستروين أسعارها مبالغ فيها و وكيلها وسوقها سيء، والبورش اللي بـ 3 مليون مافيش منها اللون الليموني رقبة الحمامة للأسف اللي بيقلب برتقالي العصر :D)

المشاركة الأصلية كتبت بواسطة raedegypt

سعرها فى السعوديه 80 الف ريال اى خدمه

شكرا يا باشا، على الموقع الرسمي "الجبر" بتبدأ من 77,700 لكن دي هي الـ 2000 سي-سي، وحتى لو كانت الـ 1600 أظن إنها هتبقى التربو، وغالبا مش هينزل مصر لا 2000cc ولا 1600 تربو يعني ربما مش هينزل منها خليجي هنا. كمان أظن إن ده هو نفس سعر الفيلوستر في السعودية اللي بتنزل عندنا بـ 155 و 175 يعني كل المعطيات بتقول إنها هتنزل في حدود السعر اللي قلت عليه هنا؟ واللا إيه رأيكم؟

لذلك بلاشك هي هتكون موجودة في المعرض في مارس، ومش معقول بعد الدعايا والقلق اللي هيعملوه .. الناس لما تروح تطلبها يقولوا لهم "لأ ماعندناش، ده كان عرض تشويقي ولما تنزل السوق هنصرف عليها دعايا تاني!" ، لكن مش معقول برضو تكون هتنزل السوق بعد 3 أسابيع ومش متوفره حاليا في الوكيل والموزعين المعتمدين مايعرفوش عنها حاجه - ده اللغز بس لذلك عايز أقارنها بالسنوات السابقة للي كان متابع فيكم المعرض السنين اللي فاتت

العربية قالوا انها هتتعرض في المعرض وعرفت زي ما قولتلكم من القرش ان اول فئة ب 204 الف و1600 كمان ....
انا ريحت نفسي وجيبت النترا كوبيه علشان ارتاح وخلاص والحمد لله العربية تحفة