تجربتي الاولي والاخيرة مع توكيل جين2

**Sherifmt** · 19-02-2014 01:04 AM

السلام عليكم جميعاً.......رجعت مصر اجازة وحبيت ادلع عربيتي ووديتها التوكيل علشان من يوم ما اشتريتها الصيف اللي فات كان نفسي اكشف عليها وكمان علشان البربريز الامامي اتشرخ وحبيت اغيره طلعت علي توكيل جين2 خلف مسرح البالون وقابلت المهندس المسؤل وطلبت الكشف علي العفشة والدبرياج و قالي الكشف هيتكلف حوالي 150 ومفيش بربريز ولازم اروح ابو رواش طيب بكام قالي حوالي 2000 جنية !!! المهم طلبت يعمل الكشف وغبت لمدة ساعة ورجعت وطلبت التقرير راح مطلع ورقة فاضية وقعد يكتب التالي زي ما يكون حافظ:

تغيير طقم دبرياج 3000 جنية

2 مساعد امامي + 2بطاحة 3000 جنية

2 مساعد خلفي 1700 جنية

بلية شداد 1300 جنية

2 كاوتش ميزان 400 جنية

طقم طنابير امامي 2500 جنية

طقم طنابير خلفي 2500 جنية

قنطرة محرك طولية + 2 قواعد 1800 جنية

علبة دريكسيون 6500 جنية

طبعا انا بصيت في الورقة وسألته اي دية قالي دة التقرير ...انا عملت كدة دفعت ال150 جنية ومشيت وانا متنكد وحاسس ان اتنصب عليا مرتين مرة لما اشتريت العربية والمرة التانية لما رحت التوكيل دة.....النهاردة طلعت علي اولاد منصور في شارع المحطة بالجيزة واشتريت 2 مساعدين امامي ب 625 جنية وسالتهم علي عفشجي كويس وصفلي ورشة الباشا في شارع المدبح بالساقية طلعت علية وطلبت من الاسطي يكشف علي العربية ورا وقدام وبعد عمل الازم قالي محتاج اغير طقم جلب مقصات امامي و2 شداد قصيرين خلفي فقط لا غير .......طيب والمساعدين ؟ قالي كويسين ورا وقدام !!! .....فورا رجعت المساعدين واشتريت الشدادين القصيرين الواحد ب175 جنية اصلي والجلب مش موجدودة اشتريتهم من جنب العفشجي نفس بتوع الانسر الجلبتين ب40 جنية وفك وغير (العفشة بتاعتها بسيطة جداً ورا وقدام) وربطت عفشة وعلبة الدركسيون كانت فعلا سايبة وكشفت علي القنطرة والقواعد وكانت كويسة وكشفت علي الطنابير الامامية حوالي 80 % والخلفية تقريباً جديدة وطقم التيل امامي وخلفي 95% وركب وقفل وجربت ...100% فعلاً العربية فايقة والدبرياج مشكلته الوحيدة الدواسة تقيله شوية لكن سحب العربية ممتاز وبمشيئة الله ليها حل قريب وصفارة البلية حليتها بأني رشيت WD40 علي البلية وانا مغطي السير والصفارة اختفت .....الخلاصة التوكيل ماشي بمبدء الصيت ولا الغني .....ولا عزاء للضمير ولا حق للمستهلك اللي يفكر يثق في التوكيل علشان لو مكنتش فاهم كانو اشتغلوني في حاجة وعشرين الف بدون داعي..... والبربريز المستورد الاصلي ابو شماسة خضراء سالت علية لقيتو ب 550 جنية بالتركيب .....والاهم فعلا الجن2 قطع غيار موجودة ومتوفرة علي عكس ما ناس كتير فاكرة....... رقم ورشة الباشا لو حد احتاجها 0111049090 .......تحياتي من القاهرة (:

**foxhonda2008** · 19-02-2014 01:12 AM

مصطفي الباشا جامد جدا

**J A G U A R** · 19-02-2014 01:49 AM

قطع غيارها فى التوكيل غاليه كده ليه ..

**eng.m7md.ali** · 19-02-2014 11:47 AM

والله انا اخر مرة سألت علي علبة الدريكسيون كانت ب 4300 جنيه
والطنابير ب 1700 جنيه
القواعد كلها ب1400 جنيه
المساعدين الواحد ب 800 قدام
واللي ورا ب 600 الواحد

مش عارف ايه الاسعار دي !!

بس خلي حضرتك تعاملك مع مركز عصام صفا في النزهة احسن بكتير من التوكيل

**ziadomara** · 19-02-2014 08:48 PM

[SIZE="6"]انا معايا Chery QQ 2005 عملت ذى ما حضرتك عملت

روحت التوكيل من سنتين رصلى نفس اللى كتبه لحضرتك

و الحمد لله بقالى سنتين غيرت كيالن خارجية و مساعدين خلفيين بس[/SIZ
E]