ايهما افضل فى الصيانه السبع ولا الاتحاد الوطنى

**ibrahimsaad** · 21-02-2014 08:09 PM

المشاركة الأصلية كتبت بواسطة captain hosam

انا لسه عامل صيانة الالف كيلو فى الاتحاد الوطنى بطنطا بصراحه ناس محترمين جدا و المركز نضيف و جميل انا ارشحه ليك عن تجربه بس انا مجربتش السبع دا علشان احكم عليه و الناس اتصلوا بيا بعدها بيومين علشان يطمنوا ان اجراءات الصيانه تمام ..... انا ارشحلك الاتحاد الوطنى يا اخى توكل على الله
و عنوانه فى طريق طنطا كفر الزيات على الزراعى بعد شركة البترول ب4 او 5 كم تقريبا

متشكر جدا ان شاء الله اروح لهم

بس ممكن تشرح لى لو انا جاى من كفرالشيخ وداخل الزراعى من طنطا ادخل المتجه للقاهره ولا اسكندريه ؟

**captain hosam** · 21-02-2014 10:44 PM

المشاركة الأصلية كتبت بواسطة ibrahimsaad

متشكر جدا ان شاء الله اروح لهم

بس ممكن تشرح لى لو انا جاى من كفرالشيخ وداخل الزراعى من طنطا ادخل المتجه للقاهره ولا اسكندريه ؟

هتدخل اتجاه اسكندريه ان شاء الله و و تفضل ماشى و هتلاقيه على يمينك واضح جدا و للعلم انا مكنتش رايح اعمل الصيانه انا كنت رايح شغلي في اسكندريه الساعه 9 الصبح و لقيتهم لسه بيفتحوا فبصيت في العداد لقيته عامل 992 كم فقولت اسأل و ساعتها دخلونى بدون حجز لان مكنش لسه حد وصل هناك و قابلنى مهندس هناك اسمه محمد البشبيشي راجل محترم جدا و قام معايا بالواجب و الموضوع مكملش ساعه و الصيانه دى مجانيه بياخدو حق الزيت و الفلتر بس حوالى 197 جنيه بس حط زيت 5000 مش 10 الاف و غيره فى صيانة ال 5 الاف بعشرات بعد كده بقى و بيربطوا العفشه و بيأكتفوا الانذار لو مش متأكتف و بعدها بتروح العربيه تتغسل و تطلعلك زى الفل و ربنا يباركلك و يباركلنا و يبعد عنا العين و يستر طريقنا
و اى استفسار اخر تحت امر حضرتك

**ibrahimsaad** · 22-02-2014 09:02 AM

انا شاكر ليك جدا حسام باشا

وكده فعلا انا عرفت المكان زى ماشفت على الخريطه قبل كليه الزراعه

معلش بقى اتقل عليك

ليه زيت 5000 مش 10000 رغم ان العربيه زيرو

**captain hosam** · 23-02-2014 12:16 AM

المشاركة الأصلية كتبت بواسطة ibrahimsaad

انا شاكر ليك جدا حسام باشا

وكده فعلا انا عرفت المكان زى ماشفت على الخريطه قبل كليه الزراعه

معلش بقى اتقل عليك

ليه زيت 5000 مش 10000 رغم ان العربيه زيرو

عفوا يا باشا على ايه دا واجب علينا و بخصوص موضوع الزيت انا جاوبتك عليه فى التقرير بتاعى