لانسر شارك 2014 و مقارنتها بموديل العام الماضي

**Omar Gamal** · 20-02-2014 12:15 AM

النهاردة رحت أتفرج على الشارك الهاي لاين في توكيل دايموند و كان عندي شوية تعليقات على العربية يا ريت تفيدوني فيها (مقارنة بهاي لاين 2013 طبعا):

1) العربية تقفيلها من جوا معجبنيش بصراحة، السقف من جوا بيتحرك و سايب زيادة عن اللزوم و في أكتر من قطعة في التابلوه بتزيق. هل اللي استلموا الشارك 2014 (سواء هاي لاين أو غيره) لاحظوا الموضوع ده؟

2) الكاسيت التاتش المفروض مكتوب فوقه Rockford Fosgate دي متشالة تماما فتديك الإيحاء بإن الكاسيت ده مش بتاعها أصلا و متركب كده.

3) موديل 2014 شالوا منه ال subwoofer اللي كان في الشنطة معرفش ليه بالإضافة إنها أصبحت 6 سماعات مش 9.

4) هي الشارك ال 2013 الهاي لاين كان فيها زرار ال 2WD و ال 4WD؟ عشان بتاعت السنة دي مفيهاش.

5) طبعا سألت على سعر تركيب العتب الجانبي (لأنه بيفرق في شكل العربية جدا) و اتصدمت لما عرفت إن تكلفته 6000 جنيه بالرش و التركيب و المصنعية. ده استهبال رسمي طبعا.

يا ريت لو في حد معاه شارك 2013 هاي لاين يقدر يقولي هل المواصفات الغايبة عن الشارك السنة دي نزلت في عربيتك ولا لأ. و هل في أي توكيل تاني في مصر ممكن أكلمه لعل و عسى يكون بينزل العربية بمواصفات مختلفة؟ و هل أقدر ألاقي ال 2013 بتتباع في أي مكان دلوقتي؟

معلش يا جماعة طولت عليكوا، بس لسه بايع عربيتي و كنت مقبل جدا عالشارك. إيه رأيكوا؟

**kokowasfy** · 20-02-2014 12:38 AM

4) هي الشارك ال 2013 الهاي لاين كان فيها زرار ال 2wd و ال 4wd؟ عشان بتاعت السنة دي مفيهاش.
هية الشارق الى بتنزل مصر بيبقا فيها النظام دا معتقدش ارجو من السادة الاعضاء الافادة الاهمية

**Omar Gamal** · 20-02-2014 12:41 AM

حرام عليهم والله العربية اتنفضت بمعنى الكلمة.

**Omar Gamal** · 21-02-2014 07:55 PM

إيه يا جماعة، مفيش حد عنده رأي في الموضوع ده؟ بالذات موضوع الماركة بتاعت الكاسيت التاتش ال rockford fosgate؟

**semsem5144** · 21-02-2014 08:37 PM

- موضوع التقفيل ده غريب جدا تاني مره اسمع عنه مع ان عربيتي 2012 ومفيهاش الكلام ده خالص مفيش اى صوت فى العربيه فى المطبات ولا على السرعات العاليه
- الشارك ال1600 عمرها ماكانت دفع رباعي فالزرار ده مش موجود فى اي موديل
- العتب ممكن تركبه فى الحرفيين هيبقى ارخص بكتير بال6000 جنيه ممكن تركب evo body kit
- الساوند سيستم مش هقدر افيدك فيه لان عربتي مش هايلاين بس انا حليت المشكله وجيبت شاشه مع سوني ساوند سيستم جي ام وسماعات وصب
لو حابب العربية ممكن تتنازل وتاخدها لو مش مقتنع هتلاقي بدايل تانيه فى نفس رنج السعر وبالتوفيق