الله يبارك فيكاقتباس:
الف مبروك .. بس متعاكسش بيهم خلق الله
لا متخافش انا مش اطيب خلق الله فى السواقة متقلقش هطفيهم لو انت جاى ف المقابل ليا
الله يبارك فيكاقتباس:
الف مبروك .. بس متعاكسش بيهم خلق الله
لا متخافش انا مش اطيب خلق الله فى السواقة متقلقش هطفيهم لو انت جاى ف المقابل ليا
ايوة يا فندم النور الواطى h11اقتباس:
هل حضرتك متاكد مليون فى المية انى الواطى مقاس h11 ولا لا ؟؟؟
وتقدر حضرتك تبص فى الكاتلوج هتلاقى كلامى مظبوط
مبروك يا ابوفندي يا جامد :) شكل العربيه تحفه بسم الله ما شاء الله
الفيوزات يا باسم باشا في الكبوت في علبه الفيوزات الرئيسيه هتلاقيها علي جنب لوحدها وهتلاقي المشبك بتاعها وهتلاقي مكتوب جنبهم spare ولما تفكهم هتلاقيهم راكبين في بلاستك
http://i388.photobucket.com/albums/o.../Photo0310.jpg
اقتباس:
يا أبو فندي يا جامد .. لا استنى شوية متفرحش كدة ده مش أنت اللي جامد .. قلبك بس هو اللي جامد :beat5:
تسلم أيدك ومواضيعك هايلة ماشاء الله .. عارف لو كان حصل معايا نفس اللي حصل معاك .. كان ضرسي وقع في ركبي . :36_7_4[1]:
أنا فكرت في الموضوع ده وخرجت بنتيجة أنه فعلاً النور في الفوج لازم يبقى أبيض (مش شرط يكون زينون) علشان بيدي شياكة لوش العربية مع نور الليدات وأنت طافي نور الفوانيس .
بس ليا سؤالين .. (أجب عما يلي) :
1) هل كل التوصيلات بجهاز الزينون بتقتصر على أنك توصل الكابل اللي جاي من ضفيرة العربية بيه وحتوصل الجهاز باللمبة ازاي ؟ معلش أصل خبرتي قليلة جداً بالزينون والكهربا والحاجات دي .
2) فين مكان الفيوزات الاحتياطي في العربية ؟ .. وهل شاملة كل أنواع الفيوزات .. ويا ريت تكون راعيت موضوع الأمبير في التغيير .
اهلا باسم باشا انت الى جامد ياباشا
وبالنسبة لموضوع ضرسك دة خليه يقع وانا موجود اهو على الاقل نستفيد منك يا باسم فى الكشف ولا حاجة
بص ياباسم باشا تفكيرك صح لازم نور الفوج يبقى ابيض بس انا فكرت فى حاجة وهى \
الاولى : كدة كدة هيتم تركيب نور ابيض بس لما سالت فى التوكيل مفيش اى لمبات موجودة فى التوكيل وخلصانه فلو كدة هجيبها من بره وسالتهم قالولى لا مش هينفع لو جبتها نركبها هنا فى التوكيل فى المحصلة واحد
الثانية : فى نص شهر 3 القادم هيبقى فية معرض فورميلا ونازل لمبات جديدة من شركه اوسرام اسمها نايب بريكر انلميتد .. اللمبات دى بتراهن عليها شركه اوسرام وزادات كفاته اللمبة عن النيت برايكير بلاص فانا قولت اركبها ان شاء الله لما تنزل فى الفوج وهتبقى جميلة ومحترمه
الثالثة : فى الفتره دى انا عايز اضاءة قولت خلاص اركب زينون ما انا كنت مركبه فى 2009 قبل كدة وقعد معايا سنتين وبدا الجهاز يهرتل واللممض تتحرق اركبهم ولو حصل الهرتله دى يبقى استفدت منه الفتره دى وابقى اركب اى لمبتين تانين عادييين مش زينون والموضوع مفيش اسهل من كدة فى التركيب مش قصة يعنى
بالنسبة للاسئلة بتاعتك علل .. افطن
1 + بالنسبة لموضوع التوصيلات ببساطة كبل الى جاى من البطارية او الضغيرة هيركب فى وصله الموديل او الجهاز بتاع الزينون .. والجهاز بتاع الزينون بيطلع منه وصله للمبه بس يعنى ببساطة
الموديل او الجهاز طالع منه سلكين واحد هيشبط فى كبل الضغيرة وكبل هيشبط فى اللمبه شكرا
بقولك اية ما تيجى نبطل رغى انا وانت واوريك صورة تقربلك القصة دى
http://i214.photobucket.com/albums/c...f_Xenon_01.jpg
بالنسبة للسوال التانى
الفيوزات الاحتياطى موجودة فى كبوت العربية نحية اليمين على الجانب الايمين للبطارية فيها 4 فيوزات احتياطى انا اخدت منهم 2 فعايز ارجع الاحتياطى كامل العدد زى ما هو... فهمتنى ؟
بالنسبة لموضوع الامبير الاجهزة كلها واحد الفرق فى قدرة الجهاز سواء كانت هيطلع ليك 55 او 35 وات
هندسة حبيبى .. خش عليا والله عامل الموضوع دة ومستنى الاسئلة بتاعتك لان عارفك مش بتسيب فتفوته الا لما هتسال عليها زى الكلاكس كدة بس برضة انت عارف انك حبيبىاقتباس:
تقرير ميخرش المية.
ايه الجمال و الحلاوة دي يبني. و برافو بجد علي انك مجمد قلبك و داخل فالعربية شمال كدة.
عندي ليك كام سؤال بما انك حبيبي :
١.ليه مركبتش الزينون في الفانوس الواطي بدل الفوج و كنت ركبت لمبة عادية زي منا عملت ؟ كانت هتدي نتيجة متاقربة و كنت استفدت بالزينون في الفانوس الاكبر؟
٢.هو مش الزينون ده اللي في التوكيل ب٦٦٠ جنيه؟
٣.درجة لون الزينون ايه،اصفر ابيض ازرق فاتح ولا غامق.
٤.انت بتقول لمض ٣٥ و٥٥ لكن المتحكم الوحدة ،هل فعلا زي بعض ولا عشان هما قريبين فمش واخد بالك؟ اصل فرق ٢٠ حلوين بردو.
وربنا يعوض علبك في الفيوزات ،روح رازيو شاك هاتلك كام واحد:flag1:
تسلم يا ابو حميد .. يارب الفائدة تكون عملت على الناس كلها يارب بالافادة دة الى احنا بنعمله علشان الكل يستفاد ان شاء الله
الاجوبة :
1 - بص يا حبى انا بصراحة مش عايز العب فى الفانوس الكبير بايدى انا لان الغلطة فى الفانوس الكبير بمبلغ محترم وانا مش قدة على الاقل فى الوقت الحالى ... اية الغلطة ان مثلا يكون قوة الزينون عليا على الخامه بتاعة الفانوس ... انى اركبه مش اظبطة اوى فيدخل مية جوة الفانوس يشبر ... ان يدخل اتربه جوة الفانوس مقدرش انظفه او على الارض يرجع زى الاول ... فاسيب الطلعة دى على التوكيل لو نويت ان شاء الله اخليهم هما الى يركبوه علشان لو حصل حاجة هشرشح ليهم لان الفانوس زى ما انت عارف غالى اوى .. انما لو جيت على الفوج فالامر سهل شوية .. اتمنى تكون فهمتنى فى النقطة دى
2 - بصراحة مش عارف يا هندسة والله بس هكون معاك صريح فى الحته دى انا كان عندى مووديول قديم بتاع العربية 2009 كان عندى طقم حلو اشتغل سنتين كويس وجهاز منهم شيييع والتانى ماشاء الله كويس جبت عليه جهاز تانى وكملت الطقم وجبت لمبتين جداد علشان الاضائة تبقى واحدة وقوية بس المووديول الى انا جبته عملت الحركه النص كم الى اتعملت دى وشيع فيوززين بس جبت من الاحتياطى وبدلت المودييول وتمام والدنيا مشيت .. بالنسبة للتوكيل لو عايز تركب زينون شبورة مش فارقة ركب الرخيص انما فى الفانوس الكبير ابعد عن الصينى لان الغلطة هتبقى شكل الفانوس وحش ويتلعب فية يدخل ميه اتربه يشبر مش هيرجع لاصة لو عملت اية لانها حصلت مع ناس زمايلى خصوصا ان العربية جديدة والفانوس سعره اكيد هيعدى .
3 - درجة الزينون بياض شاهى .. ابيض فاتح ودة بتعتمد على قدرة اللمبة الى انت جايبها انا جايب 80000k فدى اضائتها بتبقى بيضاء فى منطقة الزرقه (( ألراجل الى قالى كدة وطلع كلامه صح )) حتى جنب اللمبة يبقي فية شمعه لو سلك لونه ازرق فى اللمبة الى انا جبتها انما كان فية لمبة تانية مكتوب عليها 10000k كانت الشمعة بتاعتها حمرا وقالى دى هتدى نور ابيض بس مايل للاصفرار وجربها قدامى معجبتنيش وكان الفرق 20 جنية فقولت لا هات ام 95 جنية والاضاءة تبقى بيضاء
4 - الفيصل فى الحتة دى الوحدة او الموديول هو الى بيطلع القدره الفرق يا حبى هيبقى فى اللمبة نفسها 35 و 55 الاضاءة بيضا وزى الفل لكن مدى انتشار الاضاءة هو الفيصل يعنى 55 هتوزع الاضارة وقدرتها على فرش الاضاءة على الارض هتبقى اعلى والفرق هيبقى برضة فى الموديول وفرق سعر حوالى 20 - 35 جنيه فى الموديوول طبعا
5 - بالنسبة للفيوزات والله يامحمد انا كلمت التوكيل فى المنصورة الموزع يعنى وقالى تعالى خد دى خامات عندنا تعال خد فيوزين عادى بس كذبت عليه قولتله ان مش عارف اتحرك بالعربية وكدة وعايز فيوزات ممكن اجيلك بعربية تانية وكدة قالى فى اى وقت تعالى مواعيد العمل من كذا لكذا .. هو عندنا فى المنطقة فى كهربائى بيبع الفيوزات بس انا عايز نفس الى نازله بيه ولو ملقتش فى التوكيل هجيبهم من اى مكان محترم وخلاص
والله انت الى راجل محترماقتباس:
إيه الحلاوة ديه
إيه الجمال ده
والله برنس
منور الموضوع وتسلم الايادى على الرد والمرور الكريم دة
والله انت راجل محترم وخدوماقتباس:
مبروك يا ابوفندي يا جامد :) شكل العربيه تحفه بسم الله ما شاء الله
الفيوزات يا باسم باشا في الكبوت في علبه الفيوزات الرئيسيه هتلاقيها علي جنب لوحدها وهتلاقي المشبك بتاعها وهتلاقي مكتوب جنبهم spare ولما تفكهم هتلاقيهم راكبين في بلاستك
ومن الناس فى المنتدى الى بستنى اقرا تعلقياتهم او تقاريرهم او مواضيعهم
لانها بتنم عن شخصية بعيدا عن انها محترمه انها فاهمة هى بتقول اية
ولا تنطق بكلمة الا عن علم وعن خبره او معرفة سابقه مش اى كلام والسلام
فلك من كامل الاحترام ويشرفنى ان اتعرف على شخصية محترمه زى حضرتك
لو تسمحلى اخد الصورة واشرح عليها الى حصل فى الرد القادم يا صديقى
http://i388.photobucket.com/albums/o.../Photo0310.jpg
الصورة دى بتوضح علبة الفيوزات الى موجودة فى كابوت العربية زى ما احنا قولنا قبل كدة
وفية علبة فيوزات تانية ودى المهمه ودى موجودة تحت الدركيسون ومغطاه بغطاء ابيض ومرسوم علية ومكتوب كل فيوز قيمته قد اية والمسول عن اية فى العربية
اية الكلام الكبير الى انا قولته دة ما توضح كلام شوية يا دكتره ... حاضر
1 - مبدا بالعلبة الى فى الكبوت دى الى فية المشبك وظيفته الى بيمسك الفيوز زى مشبك الغسيل بس بلاستيك ولونه ابيض موجود فى الصورة الى قدامك ومكانه فى الصورة فية 3 كبلات كبار داخلين على علبة الفيوزات اسفل الصورة فى المنتصف هو جنب اخر كبل من التلاته على شمال الكبل .
2 - الفيوزات دى بيسموها علبة الفيوزات العمومية او الكبيرة ودى موجودة فى الكبوت اقصى يمين الكبوت خالص فوق
3 - الفيوزات الاحتياطة موجودة فى العلبة دى ومفيش فيوزات احتياطى فى اى مكان فى العربية الا فى العلبة دى لان علبة الفيوزات التانية مفيش فية احتياطى خالص طيب فين مكان الفيوزات الاحتياطى فى الصورة ؟
هتلافية فوق اقصى اليمين وفى علبة الفيوزات دى هتلاقى فيوز احتياطى واحد ولونه ازرق وقيمته 15 (( اظاهر صاحبنا شيع 4 فيوزات ومش فاضل الا دة )) طبعا زى ما احنا شوفنا فية 5 فيوزات احتياطى بتنزل مع العربية علشان لو لقدر الله حصل حاجة وانت على طريق متعطلش يدوب تفك فيوز وتركبه لحد ما توصل بالسلامه وتبقى تجيب مكان الاحتياطى
http://im87.gulfup.com/EkwJO.jpg
دى الصورة بتوضح علبة الفيوزات الى تحت الدركسيون ودى الى فيها الشغل كله
دى المتحكمه فى الكاسيت والكلاكس والاضاءات العربية بالكامل وكل اللعب هنا
طبعا ليها غطاء ابيض بيتشال ويتركب كبس او ضغط ومكتوب ومرسوم علية قدرة كل فيوز ( كام امبير ) وبالالوان زى ما انتوا شايفين بتشوف نور الفوج فين من على الرسمه الى على الغطاء او الكاتلوج او من اى مكان وكان قدرتة 7.5 امبير ولونه احمر ومكانه السابع على الشمال من تحت دة الى شيع معايا مرتين والتالته ضبط الحمد لله
كدة اكون اكملت مهمتى ولو فية اى استفسار انا تحت امر الجميع