فى حد كان عنده مشكلة صوت تسقيف الموتور

**Abarth** · 23-02-2014 12:11 AM

عندى إمبريزا 2010 العربية عاملة حتى الأن 135 ألف كيلو وأنا إشتريتها عاملة 119 ألف كيلو وكشفت عليها قبل ما أشترى عند أبو غالى وكانت جميع صيانتها فى التوكيل بصفة دورية وهى كانت أول تجربه لى فى الأوتوماتيك العربية فى البداية كانت ممتازة جداً بعد فترة شهرين تقريباً حسيت أن العربية مخنوقة فى السحب وبتسقف ( صوت تصفيق ) على دوسة رجلى على البنزين بحسها فى أول ضغطه وبعدين بتروح وبتزيد جداً مع المطالع بس الغريب بقى فى الموضوع إن المشكلة ديه بتظهر بعد ما أمشى بيها مشوار جوه البلد فى الزحمة ... غيرت البنزينة وقلت يمكن يكون عيب بنزين برده المشكلة فضلت قائمة مع التغيير المستمر لمحطات البنزين قلت أفضى التنك للأخر وبعدين أحط بنزين 95 وأشوف هل المشكلة فى درجة الأوكتان ؟؟؟ ومع الأسف فضلت المشكلة قائمة حتى مع بنزين 95 .... سؤالى الأن قبل أن أذهب إلى التوكيل هل العيب ده من حساس التسقيف أو الطرق Detonation Sensor ولا ده عيب بوجيهات (كهرباء) ولا ده عيب طرمبة بنزين ( سبب خنق العربية فى السحب ) ولا إيه بالظبط ما هو لو كان حرارة عاليه كانت لمبة الحرارة تنورأو مشكلة الموتور كانت لمبة الموتور تنور ... أتمنى حد يكون عنده فكرة أستفيد منه والملحوظة الهامة إلــ قلت عاليها إن العيب ده بيظهر بعد فترة لما أمشى جوه البلد مشوار إنما أول ربع ساعة أو لما أمشى بيها على طرق مفتوحه بتبقى كويسة وسحبها كويس

**medo11_1** · 23-02-2014 09:02 AM

نفس المشكلة ديه موجودة عندى فى اللانوس و كذا عربية بردة و مش عارفين اية حلها فتابع كدة التوكيل و عارفنا وصلت لايه؟

**Abarth** · 24-02-2014 10:35 AM

المشاركة الأصلية كتبت بواسطة medo11_1

نفس المشكلة ديه موجودة عندى فى اللانوس و كذا عربية بردة و مش عارفين اية حلها فتابع كدة التوكيل و عارفنا وصلت لايه؟

فعلا أنا ملاحظ برده المشكلة ديه فى عربيات تانية كتير .... على العموم ربنا يسهل وهبقى أقولك إيه السبب لم أروح التوكيل

**eslamsubaru** · 24-02-2014 04:28 PM

ده عيب بنزين .. غالبا اللى كانت معاه قبلك كان البنزين المستخد معظم الوقت مش بنزين نظيف ز ده ممكن ميكونش عيب فى صاحب العربية اكثر منه عدم ضمير للبنزينة .. عموما مع المدى الطويل لازم تستخدم منظف دورة البنزين و ده غالبا صاحب العربية مكانش بيعمله .
الحل ليك : لما تروح التوكيل خليه يكشف على دورة البنزين و الفلتر و خلافه الأول .. و خليه يعملك تنظيف لدورة البنزين عن طريق استخدام المنظف الخاص اللى بيضاف على بنزين العربية .. و تكون رايح لهم مفول التانك بس مش على اخره يعنى سيب اخر 5 لتر .. و انشاء الله بعد اول تفويله تانية هتلاقى العربية ظبطت.

و ابقى طمنا و قولنا عملت ايه بالتوكيل..

**Abarth** · 25-02-2014 12:38 AM

المشاركة الأصلية كتبت بواسطة eslamsubaru

ده عيب بنزين .. غالبا اللى كانت معاه قبلك كان البنزين المستخد معظم الوقت مش بنزين نظيف ز ده ممكن ميكونش عيب فى صاحب العربية اكثر منه عدم ضمير للبنزينة .. عموما مع المدى الطويل لازم تستخدم منظف دورة البنزين و ده غالبا صاحب العربية مكانش بيعمله .
الحل ليك : لما تروح التوكيل خليه يكشف على دورة البنزين و الفلتر و خلافه الأول .. و خليه يعملك تنظيف لدورة البنزين عن طريق استخدام المنظف الخاص اللى بيضاف على بنزين العربية .. و تكون رايح لهم مفول التانك بس مش على اخره يعنى سيب اخر 5 لتر .. و إن شاء الله بعد اول تفويله تانية هتلاقى العربية ظبطت.

و ابقى طمنا و قولنا عملت ايه بالتوكيل..

والله الموضوع محيرنى يا إسلام أصل إلـــ مخلينى أستبعد فكرة البنزين إنها بتختلف فى السحب وظهور صوت التسقيف بعد عمل مشوار على سرعات بطيئه (زحمة السير ) .... العربية بحس إنها مخنوقه مع ملحوظة صعوبة تسقيط النقلات بمعنى إنها بتنقل للسرعة الأكبر أحياناً والمفروض فى الأوتوماتيك لما تضغط على دوسة البنزين برجلك العربية تستجيب حسب ضغطك ليها يعنى المفروض تسقط النقلة الأقل عشان تجرى و إلـــ rpm يكون عالى أنا فى الحالة ديه بجد صعوبة فيها وبضغط جداً على الدوسة عشان تقوم تسقط وده مختلف عنها لما بتكون لسه طالع بيها الصبح مثلاًَ بحس أن الموضوع مختلف تماماً مجرد ضغطه بسيطه عليها فى بداية المشى بتسقط نقلة حسب طلبك للسرعة .... هو أكيد فيها حاجه دورة حرق البنزين ... أن شوفت موضوع عن البوجيهات لفت نظرى أن البوجيهات ممكن تهيس مع إرتفاع درجة حرارة الموتور للمعدل الطبيعى ... والعربية كلها حساسات يعنى شرارة البوجيهات لو توقيتها مش مظبوط حساس الصفع المفروض يظبطه .... فى الغالب هيكون حساس الطرق ... وعلى العموم أنا لم أذهب إلى التوكيل حتى الأن لارتباط بالعمل .... لما هاروح أقولك على الأسباب إيه

**eslamsubaru** · 25-02-2014 08:29 AM

المشاركة الأصلية كتبت بواسطة abarth

والله الموضوع محيرنى يا إسلام أصل إلـــ مخلينى أستبعد فكرة البنزين إنها بتختلف فى السحب وظهور صوت التسقيف بعد عمل مشوار على سرعات بطيئه (زحمة السير ) .... العربية بحس إنها مخنوقه مع ملحوظة صعوبة تسقيط النقلات بمعنى إنها بتنقل للسرعة الأكبر أحياناً والمفروض فى الأوتوماتيك لما تضغط على دوسة البنزين برجلك العربية تستجيب حسب ضغطك ليها يعنى المفروض تسقط النقلة الأقل عشان تجرى و إلـــ rpm يكون عالى أنا فى الحالة ديه بجد صعوبة فيها وبضغط جداً على الدوسة عشان تقوم تسقط وده مختلف عنها لما بتكون لسه طالع بيها الصبح مثلاًَ بحس أن الموضوع مختلف تماماً مجرد ضغطه بسيطه عليها فى بداية المشى بتسقط نقلة حسب طلبك للسرعة .... هو أكيد فيها حاجه دورة حرق البنزين ... أن شوفت موضوع عن البوجيهات لفت نظرى أن البوجيهات ممكن تهيس مع إرتفاع درجة حرارة الموتور للمعدل الطبيعى ... والعربية كلها حساسات يعنى شرارة البوجيهات لو توقيتها مش مظبوط حساس الصفع المفروض يظبطه .... فى الغالب هيكون حساس الطرق ... وعلى العموم أنا لم أذهب إلى التوكيل حتى الأن لارتباط بالعمل .... لما هاروح أقولك على الأسباب إيه

مادام الموضوع كده : يبقى لازم تكشف على زيت الفتيس .. لأن ممكن يكون متغيرش فى ميعاده قبل كده و مبقاش بيسخن بالدرجة المطلوبة .

**Dr . Mohamed** · 26-02-2014 11:34 AM

كانت عندى نفس المشكلة فى عربية قديمة موديل فى الثمانينات
كل اللى عملته أخرتها كهربا و لقيت تحسن فى السحب ملحوظ و التسقيف توقف تماما
و الله أعلم باللى عند حضرتك
أنا بنقل تجربة مش أكتر

**Honda_lover** · 12-03-2014 10:33 PM

فالغالب في مشكلة عندك في حساس النقلات لما بيسخن بينقل علي الغيار الاكبر بدري وده بيعمل لوود عالمحرك وبتظهر مشكلة التصقيف جرب امشي مانيوال وشوف المشكلة لو مظهرتش كده 100% حساس النقلات او الكيك داون في مشكلة انه بينقل بدري