ازيكوا يا رجالة المنتدى الاعزاء :)

كان عندي استفسار بسيط بالنسبة لملئ الاطارات بالنتروجين

انا بقالي فترة معبى الاطارات بالنتروجين والطريقة اللي الراجل ملى بيها الاطارات بالنتروجين هو انه هوي العجل على الاخر ورجع ملاه بالنتروجين على 32 وتمام على كده ..

بس بقالي فترة حاسس ان المفروض يتم شفط الهوا تماما من الاطار بجهاز شفاط عشان ميبقاش فيه اي هوا في الاطار ويختلط بالنتروجين ويبقى كأني معملتش حاجة لان المفروض النتروجين لو زودت عليه هوا عادي يبقى الاطار ده متعبي هوا عادي مش نتروجين

باختصار عشان مطولش على حضراتكوا
هل لازم فعلا يتم شفط الهوا من الاطار الاول قبل ما يملى الاطار بالنتروجين ولا عادي يفضي الاطار بالطريقة التقليدية ويملى نتروجين على طول ؟؟