السلام عليكم يا شباب
انا الحمد لله اشتريت بيجو 508 بعد استخاره ومشورة للاستاذ شريف و طبعا بعد التقارير الممتازه لشباب المنتدي جزاهم الله خيرا. والحمد لله العربيه لحد دلوقتي تمام ما عدا شوية ملاحظات مديقاني الصراحه . انا كنت مستني اوصل ل 1000 كلم قبل ماكتب عنها بس المشاكل دي خلتني لازم اسال عليها

1- العزل : الصراحة العربيه اول لما جبتها العزل كان ممتاز جدا ودي اكتر حاجه كانت بتخليني مستمتع وانا راكب العربيه بس للاسف مفيش يومين بقيت بسمع صوت العربيات اللي جنبي و صوت الناس اللي بتكلم جنبي كاني فاتح الشبك شويه ! حاولت اشوف اي اللي انا عملته يكون سبب الموضوع جده مافيش اي حاجه ! بصيت علي الزجاج مقفول علي الاخر و الكاوتش مافيش اي حاجه ! مش عارف اعمل ايه.
2- بحس بدبه واضحه جدا لما بنقل من ال p لل r ومبتبقاش واضحه اوي لمل اجيب من d لل r !. لدرجة اني لمل ابقي علي ال p وعاوز اجب r بجيب d الاول قبل ال r علشام مسمعش الدبه دي !
3- بحس بانخفاض مفاجئ في سرعة العربيه لمل اهدي وتقريبا بتحصل لما ببقي علي ال 3 او الرابع وانزل لل 3 او التاني ! بحس كان العربيه من انخفاض السرعة كانها وقفت !! وده مش دايما الصراحه بس بيحصل كتيير.
4- ضغط الكاوتش مكتوب علي القايم مايعادل 36 قدام و 38 ورا. رحت للراجل اكشف علي الكاوتشات لاني بحس جامد بالمطبات (مش زي اول ماجيبتها) قالي الضغط 30 وده كده كويس ومش محتاج ! قولتيله ده مكتوب كذا قالي لا ده متظبط علي جو اوروبا (مع العلم اني في السعوديه)
يا ريت اللي يعرف معلومات عن المشاكل دي ياشباب ميبخلش علينا بيها :)
واي سؤال عن العربيه انا في الخدمة
وشكرا