مشاكلي مع ال بيجو 508

**eleanor** · 24-02-2014 06:59 PM

الف مبروك على العربيه
وبعدين فعلا فى صيانه ال2500 المجانيه بيتم تربيط العفشه لانها بتيجى من المينا وبتحتاج يتربط عليها
اما الكاوتش فانسب مقاس ليه من 37 ل 40 ااقل من كده العربيه بتدب جامد وسحبها بيقل وبتاكل بنزين وفى السحب الجامد هاتحس ان فيها حدفه
اما لو مشكله العزل اول ماتركب العربيه افتح الازاز قبل ماتقفل الباب علشان لما تقفل الباب يبقى فيه مكان يخرج منه الهواء وبعد ماتقفل الباب اقفل الازاز كويس ومش هاتسمع حاجه تانى ان شاء الله
جرب وان شاء الله هاتدعيلى

**eleanor** · 26-02-2014 05:13 AM

المشاركة الأصلية كتبت بواسطة h4ckr007

االله يبارك فيك يا باشا
ان شاء الله لما اروحلوهم هقولهم علي التربيط و هظبط الكاوتش ان شاء الله زي ما هوا مكتوب 38 و 36
انا جربت اللي حضرتك قلته بالنسبه لموضوع العزل بس للاسف المشكله لسه موجوده :( هو حضرتك كان عندك نفس المشكله ؟

انا الحمد لله العزل عندى كويس يعنى لما بقفل الازاز للاخر مش بسمع الا لو الصوت عالى ولو مشغل الكاسيت مش بسمع صوت الكلاكس بتاع العربيه كمان