الموضوع: تشجيع السياحة في (( الاسكندرية )) مابين الهبل والجدية !!

المشاركة الأصلية كتبت بواسطة ahmedwagdy03

أهلا بيك فى إسكندرية و أرجو أن تكون إستمتعت بمهرجان السياحة العظيم و لمست مدى نظافة مدينة الإسكندرية و أنها كادت تقارب فى نظافتها أعتى المدن الأوروبية . طبعا إسكندرية التى أقصدها هى الكورنيش فقط .

و بهذا الصدد أود أن أقول لسيادتكم أن السيد الموقر محافظ كورنيش الأسكندرية و فى سبيل إخراج هذا المظهر المشرف قد سخر جميع موارد محافظة كورنيش الأسكندرية من معدات و عمال تنظيف و قام بسحب جميع موارد المحافظة المجاورة ( إسكندرية الأخرى بدون الكورنيش ) لمدة يومين كاملين و قد أثر هذا العمل الأسطورى بتراكم جبال القمامة فى جميع شوارع محافظة الإسكندرية المجاورة لمحافظة كورنيش الأسكندرية فضلا عن إزدياد نشاط منقبى القمامة ممن يبحثون عن الكرتون و البلاستيك فأدى هذا إلى تحول الشوارع كلها إلى لوحة قمامة رائعة يبرز فيها لون الأورانج المميز لقشر اليوسفى ....مش مهم كله يهون علشان تنشيط السياحة

والله يا باشا كنت عاوز اتكلم عن الموضوع ده
بس الحقيقة خفت حد يفهمني غلط
اول ما رحت اسكندرية. كنت ماشي في شارع جمال عبدالناصر. ... شارع عريض وحلو متسفلت وزي الفل لكن الدنيا زحمة. بالذات ناحيه العصافرة وحسني الكببجي والكلام ده ... المهم الزحمة دي ليه اتفاجئ ان الزبالة مرمية في نص الشارع والعربيات يا دوب حارة وحده تعدي منها ... قلت حسبي الله ونعم الوكيل هيا دي الاسكندرية الي كنا بنحكي ونتحاكى عن جمالها زمان !!! يعني احنا عندنا هنا في اهتمام حالياً في مشكلت القمامة ومعدناش نشوف المنظر ده ابداً ... كمان استعجبت لمن بيكون شوارع الكورنيش زحمة بلاقي الموتسيكلات والتيروسوكلات. يقوموا طالعين على الرصيف بتاع الكورنيش وماشين عادي بسرعه ولا حاطط في اعتباروا ان في ناس ماشية ولا بني ادمين على الرصيف او حتى اطفال بتلعب ولمن لقيت. حتى الموتسيكل بتاع امين شرطة بيعمل كده ويطلع بالموتسيكل الياماها فوق الرصيف قلت. يبقى خلاص هما متعودين على كده !!

بس زعلت جداً جداً على منظر مدرسة. جمب حسني الكباببجي هيا بالزبط امام شركة الغاز المدرسة مكتوب عليها (( بنحبك يامصر )). وقدام المدرسة بتاعت الاطفال الي اسمها حاجة محجوب كده قدام المدرسة. كمية زباااااااالة مفروشة كده كده على الارض. كنت عاوز اصورها وانزلها على النيت واكتب تعليق تحت الصورة (( كل الزبالة دي وبتقولوا بتحبوني ... اومال لو كنتم بتكرهوني كنتم عملتم فيا أيه !! ... مع تحيات مصر )) ههههه

فهل يعقل ياربي باب مدرسة اطفال على شارع عظيم زي شارع القائد جمال عبدالناصر. يبقى باب المدرسة. مقلب زبالة. ، طيب بلاش كده انت متوقع ايه من الطفل الي شايف الزبالة على باب مدرستوا ده منتظرين منوا أيه هيطلع ايه دكتور ولا مهندس ولا حتى ده هيفهم يعني ايه بيئة ولازم يحافظ عليها.

حتى كبري ناحية ميامي نزلت اتمشى جمب منو لقيت تحت منو مقلب زبالة. واستغربت. هو اسكندرية كلها على بعضها كام مليووووووووون نسمه عايشين فيها يعني علشان شركة النظافة مش قادرة تلم الكلام ده كلو ثم فين الحاويات بتاعت القمامة ليه شايلينها وسايبين الناس ترمي على الارض !! ليه ... وتحياتي .