عايز اجيب عربية لمراتى فى حدود 50 الف

**PAYOO** · 14-07-2007 04:27 AM

يانهااااااااااااااااار أبيااااااااااااااض
موضوعك ده رشق في قلبي رشقوطلع من نافوخي
أنت عارف والله الـعـظـيـم أنا بقالي أسبوع حيران حيرة الهربان من السجن وخرج لقى نفسه في الصحراء (وده طبعا لأني بشتري عربيه للمدام مش ليا لأنه لو كان ليا كنت حسمت أمري من زمااااااااااااااااااان لكن نقول أيه بقى ربنا يهدي)
يا راجل دا انا بكلمك ومعايا إيصال الحجز بتاع العربيه شيفورليه أسبارك (لسه حاجزها الخميس العصر) ودلوقتي بفكر اني ألغي الحجز وأدور على حاجه تانيه

ومحتار زيك بالظبط ومش عارف أعمل أيه ؟
لما أوصل لحاجه هاقولك (أنا رايح الصبح أتفرج على الـQQ وربنا يسهل) لو لقيتها حلوه هاقولك

**hiwael** · 14-07-2007 02:32 PM

اشمعني اختارت شيفورليه ديه تقفيل تركي
طمني رسيت علي ايه
انا بقارن بين الماروتي والبيكانتو بس الفرق في السعر جامد
مراتي شافت دايهاتسو تيريوس موديل 2000 وطالعه من عنيها

**ahmed1981** · 14-07-2007 05:26 PM

المشاركة الأصلية كتبت بواسطة hiwael

اشمعني اختارت شيفورليه ديه تقفيل تركي

الشيفورليه تقفيل كوري سواء الأفيو والأبترا والسبارك

إلا إذا كنت إنت متأكد من إنها تقفيل تركي :?:

**أبو عبدالله** · 14-07-2007 09:27 PM

يا هاني بلاش ولا كيو كيو ولا بتاع
انت برضه لو سبارك اهه انت تحت راية جنرال موتورز ومش معنى تحت راية جنرال موتورز انهم هيدولك فلوس ولا يعني العربيه ميت فل وعشرة ولكن على الأقل هيبقى فيها امان في صناعتها لأن جنرال موتورز برضه مش بتهزر

اما عن الماروتي فالعربيه شكلها قديم والدركسيون بتاعها صعب ومش عارف دايما اشفها في الشارع سايبه من بعضها ومش ماسكه نفسها يعني تلاقيها مفككة من بعضها كده

**معاذ الشرباصى** · 14-07-2007 09:47 PM

المشاركة الأصلية كتبت بواسطة أبو عبدالله

اما عن الماروتي فالعربيه شكلها قديم والدركسيون بتاعها صعب ومش عارف دايما اشفها في الشارع سايبه من بعضها ومش ماسكه نفسها يعني تلاقيها مفككة من بعضها كده

معلش يا ابو عبدالله

احب اعقب على حتة الماروتى

العربية دى ميعرفش قيمتها الا اللى جربها

العربية دى مع خالتى من سنة 94 زيرو حتى يومنا هذا, العربية كانت بتروح يوميا العاشر من مدينة نصر (شغل جوز خالتى) بسرعة لا تقل عن 100 و ساعات كتير ازيد

لسه من سنة واحدة مغير لها طقم شامبر, و الموتور بتاعها عامل اكتر من 150 الف

العربية قطع غيارها رخيصة و متوفرة و صيانتها سهلة جدا, و فعلا بتستحمل جامد جدا عكس شكلها اللى لا يوحى بذلك

كمان خالتى التانية لسه جايبة واحدة من اكتر من سنة

الموديل الجديد فى شوية حاجات خفيفة مختلفة, الدركسيون انعم من الموديل القديم و العربية فعلا سعرها اكتر من ممتاز بالنسبة للسوق

**معاذ الشرباصى** · 14-07-2007 09:50 PM

بايو هل انت مصمم على عربية زيرو؟

يعنى لو بتكلم فى الرينج بتاع الخمسن ده

ليه متفكرش فى بولو او ابيزا مو 2001 و انت طالع؟

الموديلات دى فيها باور و تكييف و سنتر و زجاج كهرباء

ده غير الصاج الممتاز و الثبات العالى جدا

**PAYOO** · 15-07-2007 06:46 PM

قدر الله وما شاء فعل
أنا خلاص يا جماعه جبت الشيري QQ أنهارده (لسه راجع من عند الوكيل)
بالرغم أني لسه معايا في جيبي إيصال الحجز بتاع الشيفورليه سبارك لكن هارجعه وأخد الفلوس إن شاء الله أخر الأسبوع

**fahd_628** · 15-07-2007 07:08 PM

الف مبرووك يا بايو و ان شاء الله طلع عربية كويسة و عايزينك تقولينا رأيك فيها

**hiwael** · 15-07-2007 08:49 PM

انا حجزت الالتو 800 تكييف وكاسيت لاقيتها اوسع وشكلها احلى وتقفيلها من جوه انضف من الماروتى صحيح الفرق 12 الف لانها ب 46 الف , بس ارحم شوية
انا دورت على بيكانتو مستعمل 2005 بس مالقيتش واللى لاقيتها سعرها عالى وقريب من الزيرو

**PAYOO** · 16-07-2007 07:05 AM

أنا عن نفسي هاقولكم أول بأول التفاصيل الممله عن السياره في ساحة "الصيني" وتقييمي لها بعد الـ1000كم الأولى

وبالنسبه لأخونا hiwael يا ريت برضه يقولنا على تجربته مع الألتو في ساحة "سوزوكي"