الموضوع: رجرجة وطنابير وتيل

السلام عليكم
معايا ميجان موديل 2008 وعندي رجرجة في دواسة البنزين وفي الدركسيون على سرعة 90 فكنت عايز اعرف الرجة دي سببها ايه بالظبط

وكمان عايز اعرف لو حبيت اجيب طنابير أجيبها نوعها ايه وتكلفتها كام ونفس الكلام للتيل أمامي وخلفي وعايز اعرف أجيب الحاجات دي منين بس يكون محترم واسعاره معقولة ومش نصاب واسف على الاطالة

المشاركة الأصلية كتبت بواسطة hemaa_82

لو الرجة وانت ماشي يبقي غالبا ترصيص "طالاما مبتطلعش غير علي 90 و قبلها حلاوة"
بتروح لاي بتاع كاوتش نضيف اة اي مركز ظبط زوايا نضيف و تقريبا العجلة من 5 الي 10 جنيهات حسب نضافة و مكان الورشة

... بالنسبة لقطع الغيار شباب الرينو يظبطوك بقي

هما فين الشباب بس !!! دة ماحدش عبرني ولا سئل فيا غيرك والناس بتدخل تتفرج وبس
عموما انا الرجة عندى مابين ال 90 وال 110 وبعد كدة حلاوة بس الفكرة اني بسمع حاجات كتير ومش عارف ايه الصح
يعني فيه ناس زيك قالو ترصيص مع انى مركب جنوط من شهرين وكنت مرصص
وناس تانية قالتلي كبالن مع انى مغير من شهرين برضو كوبلن يمين وجايبو استيراد وحالته نضيفة عشان انا اصلا مابقتنعش بتصليح الكوبلن فريحت دماغى واشتريت واحد استيراد بحالة نضيفة
وناس تانية راحت زادت الطينة بلة لما سمعت ان الرجة مش بس في دواسة البنزين انما كمان فى الدريكسيون فراحت قايلالي دى علبة دريكسيون
انا ممكن اروح لميكانيكي بس انا ظروف شغلي ماتسمحش اروح واجى كتير فكنت عايز اعرف ايه السبب عشان انا عايز اروح اصلا وبالمرة اغير كل اللى عايز اغيره مرة واحدة

اتمنا حد يفدني ويعبرني سواء في العيب او قطع الغيار واسعارها والاماكن الموثوق منها في شراء القطع دى