الموضوع: عايز نصيحة بجد ..؟؟؟ سيفيك 93 ام لانوس

المشاركة الأصلية كتبت بواسطة lanos2004

لانوس دى ليست سيارة بل هى معجزة العصر وكل عصر
450 الف بمحرك 1500---86 حصان
310 الف بمحرك 1500--109 حصان
ومازالت تتحرك وتناضل و تقضى على اعتى السيارات 1600 فى مصر
حبيبتى يا لانوس
قطع غيار الاصلى فيها رخيص والتقليد ببلاش
تحب تجنط تقول ماشى
تحب تعدل مش هتقول لا
تحب تبيع تتباع فى ثانيه
تحب تشد وتجرى وملفات وحركات نشوف كدة
lanos 1.5 16v 210km - youtube
hyundai veloster vs lanos - youtube
cerato vs lanos vs octavia - youtube
لانوس سيارة ممتازة جدا وبحبها

فيدوهات بجد اكتر من رائعه

ان شاء الله انا دلوقتى بدور ع لانوس وبعدت عن السيفيك علشان انا بعد ما اجبها ان شاء الله هكون ع الجنط

المشاركة الأصلية كتبت بواسطة aboomar22

طيب فى حدود السعر اللى معاك فكر كده فى الكيا السيفيا وادخل شوف اصحابها بيقولوا عليها فى قسم الكيا --يعنى مجرد فكرة

انا بجد تعبك معايا من ساعت ما كتب الموضوع الاولى

بس انا معرفش حاجه عنها خالص بس بحس انها وطيه شويه زى السيفيك والله اعلم
بس انا بحب شكلها على فكره

المشاركة الأصلية كتبت بواسطة khaled_rafea

لو حضرتك محتاجها اوتوماتيك , يبقى اكيد السيفيك, والله انا بايعها من حوالى 5 شهور و مش لاقى حاجة عدله تتركب بعدها, مع احترامى لمالكى اللانوس, لما كنت بركب العربيتين مفيش مقارنة اساسا , السيفيك اتعملت علشان تعيش (و الله العظيم ليا واحد قريبى معاه واحده رحت معاه نغير زيت مكانش غيره من مده طويله , الراجل بتاع الزيت فك الطبة العربية منزلتش نقطه زيت, اعتقدت ان الموتور اكيد حيكون انتهى, الراجل قفل الطبه و حط الزيت و مشينا و العربية مقالتش بم, ههههههههه)

اكيد طبعا السيفيك هتكسب بكتير

بس انا بدور ع حاجة مصرفش عليها كتير علشان مش هيكون معايا فلوس

انا بجد بنفسى اركب هوندا بس بيقولى مصارفها كتير ومش اى حد يفهم فيها
وعلشان انتا كان معاك هوندا ممكن تفيدنى

انا دلوقتى هيجب اى عريبة بعديها مش هيكون معايا اى فلوس بعدها

فانتا رايك هوندا ولا لانوس ؟

بصراحه الكل رشحلى الانوس

المشاركة الأصلية كتبت بواسطة ghost2

نصيحتي ليك كيا سيفيا اوتوماتيك عربية محترمة جدا خصوصا لو حالة كويسة .. قطع غيارها رخيصة و متوفرة و موتورها مش معقد .. ابعد عن اللانوس و بالنسبة للسيفيك هي سعرها رفع و ال 34 هيدوب هيجيولك عربية ..ex 1500 لان ال si ال 1600 مش هتقل عن 48 الف لو حالتها كويسة .. السيفيها موضوعها ملموم و هتلاقي ان شاء الله حالة كويسة و عربية بتقبل التظبيط و التعديل

انا معايا 43000

بصراحه انا معرفش اى حاجه عم السيفيا خالص والله
بس شكلها حلو ووطيا زى السيفيك ده الى بحسه

المشاركة الأصلية كتبت بواسطة @Ahmed@

اكيد طبعا السيفيك هتكسب بكتير

بس انا بدور ع حاجة مصرفش عليها كتير علشان مش هيكون معايا فلوس

انا بجد بنفسى اركب هوندا بس بيقولى مصارفها كتير ومش اى حد يفهم فيها
وعلشان انتا كان معاك هوندا ممكن تفيدنى

انا دلوقتى هيجب اى عريبة بعديها مش هيكون معايا اى فلوس بعدها

فانتا رايك هوندا ولا لانوس ؟

بصراحه الكل رشحلى الانوس

43 يجيبولك سيفيك ex 93 مش محتاجه مصاريف و يتبقى منهم حوالى 3 او 4 الاف , لو ماتور العربية سليم مش حتصرف عليها غير زيوت و فلاتر فى مواعيدها, و عفشتها لو سليمة او بايظه كده كده حتفضل تمشى معاك للنهايه, و عموما اسعار قطع غيارها مش غاليه زى الناس ما بتقول, اسعار عاديه جدا بس الحاجات بتاعتها بتستحمل و بتعيش

المشاركة الأصلية كتبت بواسطة khaled_rafea

43 يجيبولك سيفيك ex 93 مش محتاجه مصاريف و يتبقى منهم حوالى 3 او 4 الاف , لو ماتور العربية سليم مش حتصرف عليها غير زيوت و فلاتر فى مواعيدها, و عفشتها لو سليمة او بايظه كده كده حتفضل تمشى معاك للنهايه, و عموما اسعار قطع غيارها مش غاليه زى الناس ما بتقول, اسعار عاديه جدا بس الحاجات بتاعتها بتستحمل و بتعيش

انا دورت كتير على النت وكلهم بيتكلمو فى 45 وانتا طالع
وفى كام واحد كده حطتها بس 43 و 40 بس شكلهم تعبانين اوى
انا روحت شوفت واحده فى فيصل كانت حلوة اوى
فى فيصل الكلام ده قولتلة تعالى فى واحده ميكانيكى جمبنا فى الهرم خطوطين بعنى ارفع العربيه عنده مردضيش
انا قصدى ان مافيش اكيد حاجة ب 40 زى ما انتى بتقول هتكون كويسه

والله يا باشا ده شغل استغلال و استهبال, ال ex من سنه و نص مكانتش توصل لل 40 عمرها, عموما اللى بيطلب فى العالى بيبقى صعب اوى يبيع, اصبر شويه و دور بتأنى و حتلاقى ان شاء الله بسعر اقل من كده

[QUOTE=khaled_rafea;3875449500]والله يا باشا ده شغل استغلال و استهبال, ال ex من سنه و نص مكانتش توصل لل 40 عمرها, عموما اللى بيطلب فى العالى بيبقى صعب اوى يبيع, اصبر شويه و دور بتأنى و حتلاقى ان شاء الله بسعر اقل من كده[/QUOTE

بجد والله اسعار الحاﻻت الكويسه نار
مافبش 43 دى خالص غير التعبان