نركيب تربو او سوبر اتشرجر

**First_1_shot** · 27-02-2014 02:38 PM

السلام عليكم
معلش يا جماعة انا بس عاوز استفسر دولتى انا معايا عربية جيب شروكى 6 سلندر 4100 سى سى موديل التسعينات وعاوز اركبلها تربو بس بفضل السوبر اتشرجر فعاوز اعرف اى واحد من الاتنين يكون احسن......وكمان فى ضرر على الموتور ولا لا وكمان انا عاوزاعرف مين فى مصر بيعمل الحاجات دية مضبوط ومحترف فيها ويفضل يكون محترف فى السوبر اتشرجر
وشكراااا :d :d

**ahmedalaahosny** · 27-02-2014 03:48 PM

العربيات ال فور باي فور معموله عشان تدي عزم مش تسارع وبالتالي لما تركب اي واحد من الاتنين دوول محتاج تعدلها عشان تزود ثباتها

**saddam** · 27-02-2014 07:34 PM

صديقي المواطن
قولا واحدا
التوربو أفضل من السوبر شارجر وفيه دلوأتي دبل توربو وروح الحرفيين جنب حمدي لادا فيه مركز بص عليهم لو زغللت عنيهم بفلوس زيادة جايز يرضو يشتغلولك فيها أو إسأل على كريم إنزو بتاع الكماليات في مدينة نصر والحرفيين ده شاب محترم تصاحب عليه جامد وهو حيوديك لناس تبعه محترمين أما تي بي إس فسيبك منهم عدم إهتمام ومغرورين كتير مش شوية عالفاضي ومش فاهمين يعني لو عربية ملهاش كيت نازل من بره مش حيعرفوا يركبوا أو يعدلوا أو يفتكسوا
ملحوظة حتعوز تعرض جنوط وتكبرها وتعرض كاوتش وتنطر فلنشات للخارج لزوم الثبات
ونصيحة عربيتك رغم إنها عزيزة على قلبك بس مش ده الموديل اللي يتصرف عليه حرام
وأنصح كمان بدل اللفه دي أرخصلك تركب مكنة حديثة 5700 أو 6500 من جي إم مع فتيس 400 دي إل 80 الحديث بالغرز كله مش حيكلف 12 ألف أو 10 آلاف وتاخد هورس باور عالي وأنا بعمل كده في عربياتي وقريبا حسقط مكنة وفتيس لعربيتي رقم 10 حركب مكنة كبيرة وفتيس أكبر مرتين وأغير كبالن
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**First_1_shot** · 28-02-2014 01:06 AM

المشاركة الأصلية كتبت بواسطة saddam

صديقي المواطن
قولا واحدا
التوربو أفضل من السوبر شارجر وفيه دلوأتي دبل توربو وروح الحرفيين جنب حمدي لادا فيه مركز بص عليهم لو زغللت عنيهم بفلوس زيادة جايز يرضو يشتغلولك فيها أو إسأل على كريم إنزو بتاع الكماليات في مدينة نصر والحرفيين ده شاب محترم تصاحب عليه جامد وهو حيوديك لناس تبعه محترمين أما تي بي إس فسيبك منهم عدم إهتمام ومغرورين كتير مش شوية عالفاضي ومش فاهمين يعني لو عربية ملهاش كيت نازل من بره مش حيعرفوا يركبوا أو يعدلوا أو يفتكسوا
ملحوظة حتعوز تعرض جنوط وتكبرها وتعرض كاوتش وتنطر فلنشات للخارج لزوم الثبات
ونصيحة عربيتك رغم إنها عزيزة على قلبك بس مش ده الموديل اللي يتصرف عليه حرام
وأنصح كمان بدل اللفه دي أرخصلك تركب مكنة حديثة 5700 أو 6500 من جي إم مع فتيس 400 دي إل 80 الحديث بالغرز كله مش حيكلف 12 ألف أو 10 آلاف وتاخد هورس باور عالي وأنا بعمل كده في عربياتي وقريبا حسقط مكنة وفتيس لعربيتي رقم 10 حركب مكنة كبيرة وفتيس أكبر مرتين وأغير كبالن
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا يا غالى على المعلومات دية بس استسفار بسيط المكنة الى بتتكلم عليها دية اشتريها منين لانى اصلا فعلا كنت هغير مكنة عن قريب فا لو كدة ياريت توصفلى المكنة دية بالظبط واجبها من فين مكنة نظيفة استيراد وهل يجوز انها تتركب على عربيتى وشكرا للمرة الثانية واسف على الازعاج