اقتباس المشاركة الأصلية كتبت بواسطة saddam مشاهدة المشاركة
صديقي المواطن
نحب نقول مبروك وفرحانين عشانك وربنا يديمها خيمة فوق رأسك
بين ثنايا موضوعك الكريم جملة فكرتني بالفرق بين الشعوب داخل وخارج مصر
في موضوع التراب وغسيل العربية
بره مثلا فيه مقوله مشهورة على مدى نظافة العربية بيقوللك دي لسه بتراب الشركة
يعني لسه جديدة وكانوا زمان الغشاشين التجار حبايبي عشان يغلوا سعر العربية بيرجعوها لترابها وهو إنهم يرشوا بيبسي عالعربية أو زيت محرك أو شحم عالعربية ويطلعوا بيها مشوار عالصحرا عشان تلم طبقات تراب وترجع بترابها
وكنا بنشوف ناس وأنا منهم أحيانا بشحم العربية وبسيبها تلم تراب سنتين وتلانه وأغسل الزجاج فقط وأسيب النايلون عالكراسي وكمان أسيب الكتابات الفبريكة عالزجاج والناس مفكرة إني راكب العربية لسه بكياسها
وإحنه هنا في مصر بنجري على غسل العرببة سبحان الله الشعوب مش شبه بعض
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
أخي الكريم أستاذ صدام
منور المنتدى بتعبيراتك وأختيارك ألالفاظ والواحد بيبقا سعيد وهو بيقرا تعليقاتك على ألاعضاء
حفظنا الله وإياكم
انت عارف إن أختيار السيارة كان بعد سؤالك على الخاص لو كنت فاكر
وانا من أجل خبرتك أخدت قرار لا رجعه فيها وخصوصا بعد ألاشعار اللي سمعتها منك عالفلوانس
بس كلامك ألاخير خلاني أقعد أفكر
هو بره عندهم تراب زيينا
وهل إنت قصدك أني أسيب جسم السيارة الخارجي ملىء بالتراب
انا حد كان قاللي معلومة ان التراب هو اللي بيبوظ دهان العربية هو والحرارة المفرطه
عاوز أفهم من شخصكم الموقر أكثر
وإن كان على الشحم والزيت مافيش أكثر منهم