ممكن الكورولا سحبها يكون ضعف علشان موتورها كبسة قل من القرص عليها و خصوصا انك بتقول في المطالع
عرض للطباعة
معتقدش علشان الموتور تعب....
غير انا بقالي كتير مش باخدها و والدي مشاويره علي طرق سريعه بس...
و مش بيعدي حوالي 100 كم و مش بيكبس عليها...
و انا اصلا مش علطول بمشي حارق ....انا مش بعدي حوالي 3 ار بي ام...
بس كل فتره كده بروح مفوق العربيه
اوعدك لو اخدتها بس اسبوع بالكتير هرجعها 1600 تاني:d
يعنى موافق ومقتنع بموضوع تفتتيح الموتور
ماهو الكبس الزايد او انى اخلى الموتور يعمل مجهود زياده يعنى عدد لفات الموتور تكون اكثر ده معناه ان عمر الموتور الافتراضى بيقل
يبقى انا ازاى فى فتره التليين اللى هى تعتبر فتره تدريب لسا للموتور واروح قرصه عليه جايبه اخره
انا فاهمه كل كلامك واللى تقصده بس مش مقتنعه بان فيه شى اسمه تفتيح للمووتور اعتقد الموضوع يرجع الى الموتور وجودته وخلو الموتور من اى عيب
انا معملتش قصه التفتيح دى بس هتابع عربيتى وهشوف الموضوع ده
برضة ما استقرناش علي حاجة يعني موضوع التفتيح دا خلاص كدا مش ينفع بعد الكيلومترات كتير ؟
بصراحة أنا إللى فهمته من الموضوع ده إنه أنا فى فترة التليين أعاملها زى الطفل الصغير ..
و بعد كده كل فترة كده أديها قرصة ..
طبيعى قرص = كمية خليط اكبر = قوة انفجار اكبر = عزم وباور اعلى .. مختلفناش على كدة
مختلفناش ..التليين مش تحسيس على العربية وخلاص التليين انك تمشيها على كل السرعات , اللى اقصدة من " يعنى تبدأ مع الموتور واحدة واحدة فى الاول على سرعات هادية ومن غير تحميل وبعد قترة تبدأ تزود وهكذا" مش انك ماشى 50 وواخد يمين الطريق اول 10000 كم :)اقتباس:
كلام مضبوط بس فيه نقطة
الشمايز و الشنابر مبتتعملش لساء 100%... دى بتبقى فيها زى درجة خشونة محسوبة عشان عملية التليين... دى بتبقى زى خطوط عالى وواطى دقيقة جدا على سطح الشميز و طبقة معينة على سطح الشمبر عشان يحصل التاكل بينهم او زى ما بنقول (التطبيع)
اول ما الخشونة دى تروح و الطبقة بتاعت الشنبر تروح بتنتهى عملية التليين و مينفعش يحصل (تطبيع ) بعد كدة... اللى بيحصل بعد كدة هو تاكل طبيعى للاجزاء التلامسة مع بعضها
انا قصدى من الكلام دة ان فيه فرق بين انك تعلم واحد المشى او تدربة على الجرى (طالما بتكلم فى اداء عالى) و ببين التليين... اى واحد ممكن يروح يتمرن و هو عندة عشرين سنة و يرفع لياقتة البدنية و يجرى اسرع... لكن فى الموتور لو الاسطح بتاعت السنبر و البستم طبعت (يعنى العالى و الواطى راح) خلاص كدة مش حينفع تعمل حاجة تانى
مثلا اول 200 او 300 كم متزدوش عن 80 بعد كدة تبدأ تعلى بالسرعة وهكذا وتزود السرعة عموما وانت سايق بالتدريج , يعنى انت بدأت مع العربية واحدة واحدة ومشيتها على كل السرعات فى خللال فترة التليين او اول 1000 كم ومن غير ماتحمل على الموتور بردو لأن فى ناس بتستلم العربية من المعرض ويطلع يفركها على الطريق وناس بتفضل ماشية تحسس على العربية واخرها 60 باعتبار دة التليين وانة كدة مريح العربية , عموما مبتاخدش احسن اداء من الموتور اللا بعد 5000 او 10000 حسب العربية
فى فرق بين القرص والجرى ممكن تجرى بس من غير ماتقرص وممكن تلاقى واحد بيقرص بس مبيجريش تلاقية بيفرك العربية وهو طالع ويوصل لل 90 ودة اخرة
علشان تقطنعى :)اقتباس:
يعنى موافق ومقتنع بموضوع تفتتيح الموتور
ماهو الكبس الزايد او انى اخلى الموتور يعمل مجهود زياده يعنى عدد لفات الموتور تكون اكثر ده معناه ان عمر الموتور الافتراضى بيقل
يبقى انا ازاى فى فتره التليين اللى هى تعتبر فتره تدريب لسا للموتور واروح قرصه عليه جايبه اخره
انا فاهمه كل كلامك واللى تقصده بس مش مقتنعه بان فيه شى اسمه تفتيح للمووتور اعتقد الموضوع يرجع الى الموتور وجودته وخلو الموتور من اى عيب
انا معملتش قصه التفتيح دى بس هتابع عربيتى وهشوف الموضوع ده
اطلعى على طريق سريع واقرصى شوية على العربية وامشى بسرعة وامشى مسافة طويلة وخليكى مركزة مع صوت الموتور وسحب العربية وانتى راجعة حسى بسحب العربية وتجميعها وصوتها فية اختلاف ولا لأ .. الموضوع دة فى اى عربية ملهوش دعوة لأ بعيب ولا جودة ولا حاجة
الموضوع محتاج سينس بالموتور وازاى تجرى موتور عربيتك
فى فرق بين التليين والتفتيحاقتباس:
برضة ما استقرناش علي حاجة يعني موضوع التفتيح دا خلاص كدا مش ينفع بعد الكيلومترات كتير ؟
التلليين بيبقى فى بداية عمر الموتور
التفتيح فى اى وقت حسب طريقة سواقتك يعنى الفكرة مش دوس بنزين وخلاص لأ الفكرة انك عارف عربيتك وعارف ازاى تجريها
الناس بتفتكر ان النقل بدرى ميزة وانة بيحافظ على الموتور .. الموضوع دة على حسب موتور العربية ومرتبط باقصى عزم للموتور عند كام لفة , فى عربيات بيبقى عند عدد لفات قليل وعربيات بيبقى عند عدد لفات كتير .. انقل عند اقصى عزم لموتور العربية وهنحس بعد فترة بفرق فى اداء الموتور لأن لما تنقل بدرى بيبقى لسة الموتور موصلش لأقصى عزم وبالتالى بتبقى محمل على موتو العربية فى النقلة اللى بعدهااقتباس:
رغم اني عربيتي فيرنا 1600 و الار بي ام عمره ما بيعدي عندي ال 2,6
بالضبط كدة... انا مش مختلف معاك فى طريقة التليين... اللى هى ضغط تدريجى مش كبس و خلاص... الاختلاف بينا فى المدة.. انت بتقول اول 300 كيلو.... بعد ال300 كيلو دول حتكون اسطح الشمايز و الشنابر طبعت و الموضوع انتهى.... باقى ال 700 كيلو دول انت بتعزب نفسك بسواقة السلحفة على الفاضى... التطبيع بيحصل اسرع من اللى الناس فاهماه
انا كان معايا بيتلز اتعملها عمرة كان فيها تغيير بساتم و شمايز و شمبر و خراطة كرنك و طقم سبيكة و صبابات بعد 25 سنة خدمة.... لينت العربية 500 كيلو فقط و كنت بكبس خفيف خفيف من حين لاخر... غيرت الزيت بعد ال 500 كيلو و بعدها شديت مع صاحبى اللى معاه بيتلز 1300 برضة و قطعتة لدرجة انه افتكر عربيتى 1500
حتى لما بعنا العربية لعمى (كان معا بيتلز 75 1300 برضة) لقى العربية بتجرى اوى عن عربيتة بشكل هو نفسة استغربلة
كلمتين للناس: مش كل النقل البدرى كويس... انت ببساطة لو بتعمل كدة فى موتور عزم قليل بتبقى بتطالب الموتور يبزل مجهود اكتر... زى ما تقول لواحد شيل صندوق تقيل و انت مكتف دراعة ورا ضهرة... قوة الموتور فى عدد لفاتة و كل ما اللفات قلت كل ما بقى قدرتة قليلة و بالتالى التسارع يعتبر مجهود اكبر
و اكتر حاجة بتبوظ المواتير هى اهمال الصيانة مش الحرق... و بقول تانى اهمال الصيانة.... فى ال10 سنين اللى فاتوا مع الدايو مجتش ولا عربية للميكانيكى بتاعى موتورها ميت الا لما كان السبب اما سير كاتينة متغيرش فى معادة او استعمال زيت موتور لفترات كبيرة اكتر من الموصى بها او نقص و تسرب مياه التبريد بالكامل او عمل صيانة بشكل خاطىء تحت بير السلم.... مفيش عربية واحدة جت عشان كان بيتقرص عليها
use your cars wisely rather than cautiously
MMamdouh
اذن بالنسيالنا احنا الاتنين المبدأ واحد بس الاختلاف فى طريقة التنفيذ ... بصراحة انا ميجيليش قلب اول ماستلم العربية ادخل سخن عليها على طول :)
عموما انت ممكن تحس بموتور عربيتك امتى ممكن تزود وامتى لأ بس عايزة واحد فاهم وودانة مع العربية
تكملة على كلالمكاقتباس:
كلمتين للناس: مش كل النقل البدرى كويس... انت ببساطة لو بتعمل كدة فى موتور عزم قليل بتبقى بتطالب الموتور يبزل مجهود اكتر... زى ما تقول لواحد شيل صندوق تقيل و انت مكتف دراعة ورا ضهرة... قوة الموتور فى عدد لفاتة و كل ما اللفات قلت كل ما بقى قدرتة قليلة و بالتالى التسارع يعتبر مجهود اكبر
النقل الصحيح بين نقطة اقصى عزم واقصى قدرة , فى عربيات اقصى عزم عند عدد لفات قليل وفى العكس عربيات عند عدد لفات عالى كل عربية حسب تصميمها
ملحوظة: النقطة اللى عندها اقصى عزم هى النقطة اللى عندها اقل استهلاك وقود
النقل بدرى بيكون الموتور موصلش لأقصى عزم لسة وانت كمان بتديلة غيار اعلى يعنى عزم اقل ( عزم الاول اعلى من عزم التانى وهكذا) يعنى تحميل زيادة على الموتور وخصوصا لو وزن العربية تقيل
الكلام دة قلناة كتير وبنقولة ولسة هنقولة مشكلتنا احنا المصريين عايزين عربية لاتكل ولا تمل ولا بتحتاج صيانة ولا بتعطل ويبقى كتر خيرنا اوى لو حطينالها بنزين علشان تمشى ولو حصل حاجة غير كدة نطلع القطط الفطسانة وتبقى عربية كذا وكذا وكذا .. حاجة كدة اشى خيال ياناساقتباس:
و اكتر حاجة بتبوظ المواتير هى اهمال الصيانة
انا اعرف ناس بيغيرو الزيت لما يفتكرو
المشكلة ان الناس بتقول الصيانة غالية ومكلفة - فى عربيات فعلا صيانتها مكلفة - بس لو قارنا تكلفة الصيانة ايا كانت مقارنة بتكلفة التصليح لنفس العربية هنلاقى ارخص دة غير انك هتشترى راحتك ومش هتوجع دماغك
بالمناسبة ار بي ام عند 2 و نص دا مش بدري و لا حاجة
كتيب الاستخدام هوا الي بيوصي بكدا و حاطط معدل لاقصي سرعات العربية ممكن توصلها في كل نقلة