الموضوع: خلي بالكو من عيالكو واخواتكو الصغيرين والكبار

المشاركة الأصلية كتبت بواسطة mohamed_88sk

عاوز حتى ننشر في الأباء حرص المتابعه ,
بس سيبك أحلى مافي الموضوع ابو سبعبع

هي دي المشكلة بجد
المفروض كل أب و أم يبقوا ورا ولادهم و متابعين و فيه كنترول علي اللي بيشوفوه .. انا بشوف عيال يادوب سن أولي إبتدائي ولا حاجة في الشارع و بتتلفظ بأشنع الشتائم اللي انا معرفتش إنها موجودة في الدنيا إلا في سن متأخر جداَ في أخر ثانوي مثلاَ و مجرد المعرفة لا أجرؤ إني أقولها يعني !

سبعبع ده انا كل ما أفتكره أضحك من كتر ما بيضحكني أول ما إشتغلت في الدستور كتبت مقالة إسمها سبعبع

انا بشوف عيال يادوب سن أولي إبتدائي ولا حاجة في الشارع و بتتلفظ بأشنع الشتائم اللي انا معرفتش إنها موجودة في الدنيا إلا في سن متأخر جداَ في أخر ثانوي مثلاَ و مجرد المعرفة لا أجرؤ إني أقولها يعني !

اه والله ده الواحد بيشوف وبيسمع بلاوي ,,

سبعبع ده انا كل ما أفتكره أضحك من كتر ما بيضحكني أول ما إشتغلت في الدستور كتبت مقالة إسمها سبعبع

,,,,,,,,,,,,,,,,,,,,,,,,,,,,,

يعني انتو عايزين ايه؟
الغرب ييجي و يحفظ اولادكم القرأن؟؟
بجد حاجه تغيظ لما يشتكي العبد الذليل قسوه سيده!!!!
لما نبقي قوه لا يستهان بها نبقي نعمل كارتون و نحط فيه subliminal messages زي ما احنا عايزين مش هبل بكار و رشيده و باقي العته المغولي اللي بنسقيه لاولادنا
و علي فكره توم و جيري بيحتوي علي الكثير من الرسائل للاطفال و حتي الرساله موضوع النقل برضه مفيده انك تعمل لاخرتك
بلاش بقي مواضيع مستفزه زي المعزه اللي بتقرا قران و المعتوه اللي نام و جاله رسولنا الكريم صلي الله عليه و سلم و قاللو لو ما ارسلش الرساله دي ل 100 شخص الكون هينهار و دم و نار (النوع ده من الايميلات لسرقه العناوين الفاعله لبيعها لشركات الاعلانات عن طريق الايميلات) شفته السذاجه؟؟؟
بلاش احراج لينا قصاد العالم اجمع

استاذ امير , مين قال اننا عاوزينهم يشرحوا لأولادنا القرءان ,, مين قال اساسا نعتمد عليهم ,, ليه اساسا ناخد مينهم ثقافتهم ,,
مين قال اننا عباد ذليلين ليهم , ابدا والله مايكون ان دول اسيادي
ممكن لحد مانبقى قوة فعلا نحاول نبني صح ابناءنا عشان يطلعوا فعلا قوة لا يستهان بيهم وبينا , لكن الأجيال الموجوده اللي اتربت عالدلع وثقافة العالم دي طبعا ايدك منهم والأرض إلا من رحم الله منهم
ما اللي نقصده نعمل حاجه محترمه عليها القيمه ,تنفع ,وبستعجب على انه محصلش كده من زمان !!!
انا مع حضرتك طبعا ان الرسايل دي هجس كلها وشغل صوفيه واعداء الدين, ومعاك ان توم اند جيري حلو ومتميز , لكن مش كل حاجه في حتبقى حلوة صح ولا ايه؟ يعني قط هو اللي يحاسب ويعمل ده حلو ؟؟ لما قط ماسك قطه بيبوس فيها يبقى ايه ؟؟

,,,,,,,,,,,,,,

الموضوع فيه مبالغة شويتين وان كنا لا ننفي شيئين
1- كراهية الغرب لينا وده اكيد
2- ان في تجاوزات

حضرتك اجزت وجبت الخلاصه

بص ياباشا انا بقيت ملاحظ ان ابنى احمد بقى عنيف جدا لما بيتفرج على توم وجيرى ويرمى الحاجات فى الارض ويكسر الكوبايات ويقلدهم جدا وعشان كدة منعت توم وجيرى منعا باتا ...................

أهوه هو ده اللي أقصده يا أستاذ عمرو ,,
والله ينور عليك في تصرفك ,, بجد لازم يبقى في رقابه من الأباء ..
ربنا يحفظهولك ويباركلك فيه ويجعله قرة عينك ...

ده غير كده يا جماعه في كارتونات عنف درجه أولى وأكشن جامد قوي ,, انا ملاحظ التعصب ده برضو على أطفال العيله عندنا لحد مثلا اللي في المرحله الأعداديه اللي بيتابع منهم الكارتون ..

عندنا عيل في العيلة بيقلد توم و جيري بالحرف يعني في حلقة من توم و جيري جيري بيعمل اكننه بيخبي حاجة في ايده و اول ماتوم يجي يبص جيري يضربه في عينه هو بيعمل معانا الحركة ديبيعمل اكنه معاه حاجة في ايده و و يقولك بص اول ما تبص يضربك في عينك عمل الحركة دي معايا مسكته ضربته (مش ابني لاني مش متجوز اصلا) المصيبة ان العيل دة عنده 5 سنين بيشتم شتايم الواحد مشتمهاش غير و هو في 5 او 6 ابتدائي (مش شتايم عيب بس زي يا ابن الكلب- يا ابن الشر*** + حمار و الخ من الشتايم اللي بقت عادية المصيبة انه بيشتم ابوه و امه شتم امه قبل كدة و قالها يابنت الع**) جاب الشتايم دي منين بكل بساطة اكيد سمعهم من عيال في الشارع (مبيلعبش في الشارع غير انه بيركب عجل) و لغاية دلوقتي مش راضي يتربى لانه متدلع زيادة لان عيلة ببايا كلهم مخلفين بنات ما عدا انا و العيل دة فاي حاجة بيطلبها بتجيله و اي حاجة عايزها بتتعمله

اسف اني طولت لكن حاولت اني اوضح حال العيال دلوقتي اللي هما رجال المستقبل