الموضوع: المرور رافض يرخص السيارة موديل 2015

الف مبروك على الترخيص يا ابو هنا
انا رخصت النهاردة الحمد لله فى مدينة نصر 2015 عادى وهعمل موضوع علشان افيد الأعضاء بالنسبة للمصاريف والأجراءات

المشاركة الأصلية كتبت بواسطة ابو هنا

السلام عليكم ورحمة الله وبركاتة
استلمت اوراق السيارة من التوكيل وكله تمام على موديل 2015م من افراج جمركي ومبايعات وفاتورة شراء ، ذهبت صباح السبت 1 / 3 / 2014م الساعة 8 صباحاً الى مرور ابيس بالاسكندرية وكنت تاني سيارة في الفحص ، خلصت كل حاجة في اقل من 15 دقيقة من
1- شراء الملف 17.5 جنيه ( حيطبئ ال 20 جنيه ) .
2- التامين الاجباري كل الشركات نفس السعر 320 جنيه .
3- طفاية حريق بافاريا 2 كيلو علشان السيارة 1600 ب215 جنيه متنساش تحفر رقم الشاسية على الطفاية .
4- مثلث وشنطة اسعافات 75 جنيه .
5 - رفع بصمة الشاسية والماتور .
6- ضريبة 3 سنوات على السيارة 776 جنيه .
كل الفات كوم والي جي كوم تاني خالص
مهندس الفحص رافض رفض نهائي تسجيل السيارة موديل 2015م وصباح الجعلصة الى في الدنيا ، رحت لقائد المرور كمل الجعلصة ، الولي روح لقائد الادارة المركزية بمرور محرم بك للتاشير على الملف بان لامانع من الترخيص موديل 2015 ، كل ده والساعة موصلتش 9 صباحاً ، استنيت لحد الساعة 10 وكلمت الوكيل والحمد لله جاء الفرج خلال نصف ساعة واتصلم بيا والولي ارجع للمهندس وقلة اتصل بالمهندس / مجدي كبير المهندسين بمرور محرم بك الادارة المركزية وهو حيخلص الموضوع وبالفعل رجعت للمهندس وقام بالاتصال بكبير المهندسين وقاله البيجو 301 الجديد الي بداة بشاسية حرف s حترخص موديل 2015م لحد كدة تمام ،
يطلع رقم الشاسية بتاعي مفيهوش حرف ( s )
المهندس قالي عيد البصمة تاني ، عدت البصمة تاني وجدت حرف ( s ) موجود في رقم الموتور وحرف ( f ) موجود في الشاسية ، افتكست للمهندس انه ياصد ان حرف ( s ) مطبوع على الموتور وليس الشاسية والحمد لله بلعها المهندس ، جعلصها الظابط وبعد وقت عداها الظابط ، جعلصها الموظف واخد الملف للظابط بالرغم ان الظابط اشر على الملف بالموافقة وبعد شويه وافق الموظف
والحمد لله رب العالمين رخصت السيارة موديل 2015 وكنت فار تجارب لموديل 2015
رجالة الاسكندرية اي حد يعترضه مهندس المرور بخصوص موديل 2015 قلة كلم المهندس مجدي كبير المهندسين .

طفايه 2 كيلو ليه !!!!! مش الكيلو خاص باليموزين وكان سعرها 130 جنيه ؟؟

وليه 776 جنيه ضريبه انت مدخل فيهم الاورنيك وورق تانى ولا دول الى اتدفعو للخزينه بس انا دافع عن كل سنه 233 جنيه فقط العربيه برضه 1600 سيسى

ومبروك 2015 رغم انها قبل الاوان بكتيييييير

المشاركة الأصلية كتبت بواسطة hema_basha

سؤال ملح علي الجميع وعليا انا شخصيا عايزين نعرف ازاي موديل 2015 والعربية لسه معداش علي موديلها سنة

زي مكانت نزلة في يناير 2013م موديل 2014م

المشاركة الأصلية كتبت بواسطة abohend

مبروك الترخيص يا أبوهنا
بس أنت كركبت بطني
أنا مرور محرم بك...يا رب ميعصلجوش هما كمان

أنا أستلمت الأتنين 24-02-2014
و كلمتهم النهاردة قالي لسه الورق مجاش
يا ريت تقولي إنت أستلمت إمتى و ايه الورق اللي سلمهولك

و مبروك مرة تانية

نصيحة بلاش مرور محرم بك خليك في مرور ابيس انا خليت الموضوع يسمع جامد هناك على كل المستويات

المشاركة الأصلية كتبت بواسطة hossam_elwani

طفايه 2 كيلو ليه !!!!! مش الكيلو خاص باليموزين وكان سعرها 130 جنيه ؟؟

وليه 776 جنيه ضريبه انت مدخل فيهم الاورنيك وورق تانى ولا دول الى اتدفعو للخزينه بس انا دافع عن كل سنه 233 جنيه فقط العربيه برضه 1600 سيسى

ومبروك 2015 رغم انها قبل الاوان بكتيييييير

الطفاية دي كمان كانت قصة ،
دخلت على الموظف الصبح صباح الفل لو سمحت حضرتك عاوز طفاية واحد كيلو ،
قالي ممكن اشوف المبايعة
قاتلة اتفضل يا باشا
قالي حضرتك عربيتك 1600 التعليمات الجديدة العربيات 1600 فيما فوق 2 كيلو ب 215 جنيه
ولا عيزني اخالف التعليمات !!!!!!!!!!
الضريبة انا دافع في الخزينة 775.75 جنيه قيمة الضريبة ثلاثة سنوات في ايصال واحد ، وبتاخد 2 صورة كربونية وادة معاك والثانية بتسلمها للموظفة علشان تكتبلك خطاب استيلام الاوحات من المخزن ، وبعدها تسلمها الخطاب مختوم بتركيب اللوحات تسلمك الرخصة .
والله يبارك فيك معأنها جت متاخرة اوييييييييييييي