المرور رافض يرخص السيارة موديل 2015

**ali tmam** · 03-03-2014 08:53 PM

انا اليوم استلمت اوراق سيارتى البيجو301 هاى لاين وفوجئت ان اوراقها مكتوب فيها موديل 2014 على الرغم ان السيارة داخلة البلد يوم 19 /2 وده من جواب الافراج الجمركى وانا استلمتها 24 /2 وقولتلهم على موضوع السيارات اللى بترخص 2015 عملوا نفسهم من بنها وقلولى مينفعش يرخصوا 2015 قولتلهم هو ده اللى حصل وفى ناس عربياتهم موديلاتها 2015 ورخصوها فى المرور2015 طبعا والله اعلم ممكن يكونوا مش عارفين الموضوع ده وعلى العموم انا برضوا راضى 2014 والحمد لله وغدا ان شاء الله رايح المرور للترخيص دعواتكم للعلم انا اشتريت من معرض نور الدين الشريف بالاسكندريه وهما الصراحة تعاملهم سئ جدا على الرغم انى استلمت خلال شهرين ونصف

**Gamal.Eid** · 03-03-2014 09:23 PM

المشاركة الأصلية كتبت بواسطة محمد بدر

طيب معلش يعني إحنا بنتكلم
إزاي النهارده واحد مارس يعني عدي من سنة 2014 شهرين فقط.!!!!!!!

والعربية ترخيصها يكون موديل سنة فاضل عليها عشرة شهور بالكمال والتمام وتشرف
والله عايز أفهم
علشان لو الكلام ده بقي يمشي كده هنلاقي موديل 2016 و2017 ممكن ينزلوا علي أخر السنة وتبقي هيصة
مش كده ولا إيه

عادى جدا ياباشا بس هى غريبة فى مصر بس انا اشتريت فلوانس 2013 خليجى من السعودية فى شهر فبراير 2013 وبعد ما اشترتها باقل من 15 يوم نزل موديل 2014 منها وشوفتها واقفة فى المعرض قبل استلامى لسيارتى من المعرض كمان

**hugan** · 03-03-2014 09:26 PM

بصراحه مش مقتنع لما نكون لسه في اول السنه وعربيه تترخص بسنه فاضل عليها سنه

**insurancebroke** · 04-03-2014 12:37 AM

مبروك علي العربية
وربنا يكفيك شرها

**Gamal.Eid** · 05-03-2014 07:45 AM

المشاركة الأصلية كتبت بواسطة Karim Alaa

خلاص يا شباب كله افتى ان دى بلد بظرميط :) ان 2015 دى افتكاسه مصريه الشركه بتحددها بالرشوه مثلا العربييات بتترخص من شهر 4 فى فرنسا و المانيا موديل السنه الى بعديها و الشركه و المصنع بس هما اصحاب القرار ده موديل كام و فى شركات نزلت موديلات سنه بعديها قبل كده :) و دى عربيه استيراد ورق المصنع المعتمد من فرنسا هو الى بيحدد مش مصر خالص :)

طبعا ده ميمنعش ان البلد كلها فساد :) بس الحته دى فى كل حنه المصنع هو الى بيقول هو عامل موديل كام :)

كلام مظبوط

**ALnadi** · 05-03-2014 10:45 AM

بصراحة انا مستغرب جدا من الموضوع ده
وطبعا ان موديل 2015 ينزل فى فبراير 2014
ده أسمه تهريج وضحك على عقول الناس
يعنى على أخر السنة إيه المانع ان شركات تنافسية تانية تنزل موديل 2018
ويله مين يحب يزود

**Gamal.Eid** · 05-03-2014 10:50 AM

المشاركة الأصلية كتبت بواسطة alnadi

بصراحة انا مستغرب جدا من الموضوع ده
وطبعا ان موديل 2015 ينزل فى فبراير 2014
ده أسمه تهريج وضحك على عقول الناس
يعنى على أخر السنة إيه المانع ان شركات تنافسية تانية تنزل موديل 2018
ويله مين يحب يزود

ياباشا مش تهريج ولا حاجة الفلوانس 2014 نزلت الخليج فى فبراير 2013 وانا كنت بستلم سيارتى 2013

**ALnadi** · 05-03-2014 11:43 AM

المشاركة الأصلية كتبت بواسطة gamal.eid

ياباشا مش تهريج ولا حاجة الفلوانس 2014 نزلت الخليج فى فبراير 2013 وانا كنت بستلم سيارتى 2013

طيب لو مش تهريج حضرتك ممكن تقولى أسمه إيه
ونعرف تاريخ ميلاد العربية إزاى
وإزاى نقدر بعد كده نضمن إنه ميكنش فيه لعب
وإيه إللى يحكم الشركات بعد كده
ا
لأن القاعده السابقه المفروض ان سنة إنتاج العربية هو سنة الموديل
يعنى إيه انتج عربية فى 2014 وأقول دي موديل 2015 ولا 2016

يا صديقى حضرتك مقتنع بالموضوع ده

**Gamal.Eid** · 05-03-2014 03:16 PM

المشاركة الأصلية كتبت بواسطة alnadi

طيب لو مش تهريج حضرتك ممكن تقولى أسمه إيه
ونعرف تاريخ ميلاد العربية إزاى
وإزاى نقدر بعد كده نضمن إنه ميكنش فيه لعب
وإيه إللى يحكم الشركات بعد كده
ا
لأن القاعده السابقه المفروض ان سنة إنتاج العربية هو سنة الموديل
يعنى إيه انتج عربية فى 2014 وأقول دي موديل 2015 ولا 2016

يا صديقى حضرتك مقتنع بالموضوع ده

ياباشا البطاقة الاسترادية والافراج الجمركى بينكتب فيه موديل السيارة وانا حكيت موقف فى السعودية انى اشتريت سيارتى فى شهر يناير واستلمتها فى فبراير بسبب انى كنت عايز مالك اول لانى ناوى انزلها مصر ان شاء الله وعند الاستلام فى اول فبراير لاقيت موديل 2014 بالمعرض ومش عايز ااقولك هنا فى السعودية وزارة التجارة بتعمل ايه مع المتلاعبين والغشاشين

الموضوع: المرور رافض يرخص السيارة موديل 2015

LinkBack

أدوات الموضوع

عرض

-

-

-

-

-

المواضيع المتشابهه

بيجو 301 موديل 2015 هتنزل امتى؟

ايه رايكم فى الادا 2015 موديل 95 هام جدا

ياترى مين الي غير راي دكتور العوا للترشح بعد ماكان رافض الموضوع ؟

سياره هاراكيرى موديل 2015 !!

كلة يلحق يرخص قبل الشهر الي جاي

الكلمات الدلالية لهذا الموضوع

المفضلات

المفضلات

ضوابط المشاركة