الموضوع: اسكودا فيفوريت (التقرير النهائى لشد عزيزتى الفيفوريت)

السلام عليكم ورحمة الله وبركاته

التقرير النهائى عن شد فيفورتى
طبعا الزملاء الاجلاء اللى متابعين موضوع شد فيفورتى فى الموضوع اللى فى الرابط(http://www.nilemotors.net/Nile/401108-a.html)
حبيت طبعا اعمل موضوع منفصل جديد للفت النظر علشان انا عاوز اكتب تقرير مفصل بس ياريت النور ما يقطع :::
طبعا انا توكلت على الله وركبت شزرط بلوك بتاع الموتور اللى انا كنت شاريه من صاحبى من سنة تقريبا ووشالسلند كان عندى سليم ولله الحمد عملت شوية صيانة وتنظيف وروديه للصبابات وركب جوان واحد لوش السلندر(جوان دوبل)
اختبرت البلوكة بشتى الطرق بحثا عن اى تسريب لدرجة انى بعد ما خلصت خالص مليت الموتور كلة بالمياه وتركته لفترة علشان اكتشف اى تسريب قبل ما اسقطة والحمد الله ما فيش اى تسريب(مين بيضحك؟؟؟؟) هو دا بجد اللى عملتة اه ميه وبعد ما فضيت المية كان عندى زيت محروق فضيتة فى الموتور ونزلتة عدة مرات علشان ياخد بوافى المية اللى ممكن تكون فى داخل الموتور***

النهاردا قولت اجيب الميكانيكى يظبط التكيهات اناكنت مظبطها على 0.25 ولما جاء الاسطة ورفعنا جنب العربية بداء يظبط التكيهات قولت حتظبطها على كام قال على 0.30 قلت ازاى الكتالوج بيقول 0.20الى 0.25 قال دا فى المناطق الباردة انما احنا هنا الجو حر والفليشيا عموما بتسخن**

طبعا الماتور بيخرج مية من الشكمان يعنى ممكن اعمل مزرعة فى الجراش اهو استغل المية اللى بتنزل من الشكمان عند بدا الدوارة هههههههه**
مافيش اى نفخ او ضغط من فتحة غطاء الزيت بخلاف الماضى كنت فاكر قوة الضغط ناتج عن قوة الموتور !!!!!!!!!!ههههههههه محدش يضحك احسن والله ما اكمل***

المهم طلعنا مشينا بالعربية سحب بسم الله مشاء الله**
والتجميع بقى غير المعتاد**

اه طبعا بعد مارجعت من المشوار ببص لقيت القربة فاضية ياخبر اسود يبقى المية اللى من الشكمان مش كبس موتور ولا هباب يبقى فى تسريب مية استر يارب**
مليت القربة مية وانا مدور وقفلت البغطاء وزودت من الاكسرتير والمفاجأة السارة لقيت بشبورى مية طالع من شرخ فى جنب القربة متعرفوش سعادتى كانت كد ايه ولحسن الحظ طبعا عندى قربة احتياط ركبتها والحمد الله معدش تسريب***
التكلفة::::
الموتور كنت شارية ب 750 لغرض التعلم علية وكان كامل بالفتيس والمارش الصغير و(السريع)والدينمو وكان بحالة جيدة ماعدا وش السلندر كان متبهدل وعرفت سبب بهدلتة الباشا اللى اشتغل فى العربية كان قافل منافس المية والزيت بتاعة الوش بالسيلكون خرجةمنه سيلكن مشاء الله قتل علشان كدا بانصح بلاش السيلكون**
جوان الوش دوبل ب 25 جنية
جلد صباب ب 20 جنية
وطبعا اعمال السمكرة 1300 جنية معرفش ليه يعنى !!!!!!
اعمال الدوكو 1350 **
اشتريت جوز رفارف استيراد ب300 **
وشوية حجات فى حدود 250 جنية *
يعنى تقريبا اجمالة فى حدود 4000**
بس الحمد الله النتيجة عال العال و*

باشكرا طبعا كل الزملاء اللى ساعدونى بالمشورة وابداء الرئى وانا مش حذكر اسماء لعلى انسى احدهم فيغضب منى جزاكم الله جميعا عنى خير الجزاء وبارك الله لكم وفيكم**
اسيبكم بقى مع الصور زى موعدتكم**