الموضوع: عربيتي اللي شاريها زيرو من " شكري هيونداي " طلعت مخبوطة ومرشوشة مش فابريقة

المشاركة الأصلية كتبت بواسطة ahmedamgad18

قدر الله ما شاء فعل انا عن نفسى سأحذر اى حد يشترى من المعرض ده .... هو مكانه فين ؟؟

ونفس قصة شبيها يا سيدى سمعتها ايضا من احد الاصدقاء على وكيل كبير برضه فى الاسكندرية على البحر .. ولن اذكر اسم لان الوكيل...... لان العهده على الراوى ... والسيدة اللى حصل معاها كده اكتشفت عندما باعت السيارة

واللى سمعته ان السيارات عندما تاتى من الميناء بيحدث بيها بعض الخبطات والوكلاء ياخدوها يصلحوا ... ويبعوها على انها زيرو .

معرض " شكري هيونداي " شارع خليل حمادة من البحر وأشكرك على أيجابيتك .... بالنسبة لموضوع أنها ممكن تكون أتخبطت من التوكيل في الميناء شيء وارد لأن أنا لقيت عربيات ألنترا 2012 كتير فيها نفس فرق الرفرف اللي شفته وأنا بستلم فعلشان كدة صدقت أن ده ممكن يكون عيب تقفيل من كوريا ولكن في نفس الوقت شفت عربيات مفيهاش يبقى دي ممكن تكون دفعة كبيرة أتخبطت في الميناء وأتعمل فيها نفس الكلام ولو شفت عربية حد فيها الفرق ده هوقفه وأفهمه ونتحرك سوا .

بسيطة والبلد بقت ماشية كدة

المشاركة الأصلية كتبت بواسطة hugan

الموضوع انتشر بصوره كبيره
انا شخصيا شايف علي الصحراوي
عربيه تريلا كل العربيات الي عليها واقعه علي الارض

أنا شايف هناك أكتر من عربية بتتصلح وهتتباع على أنها زيرو وفيهم عربيتين شيفرولية كروز وعربية ix35 بيتصلحوا عند السمكري اللي بيصلح عربيتي وهحاول أعرف هيتباعوا في معرض أيه علشان أحذر أصحابهم والتوكيلات الزبالة دي تتحاسب بس الخوف لو السمكري عرف أني بحاول أعرف الموضوع ده هتحصل مشاكل كبيرة ... الله المستعان .

المشاركة الأصلية كتبت بواسطة drcobra

بسيطة والبلد بقت ماشية كدة

البلد بقت ماشية شمال ... والحارة اليمين دي بقت مليانة مطبات وحفر وزلط لما الواحد خلاص المساعدين عنده باظت ومبقاش قادر يتحمل أكتر من كده .

مفبش ضمير

الكلام ده حقيقى
حسبنا الله ونعم الوكيل

قدر الله ما شاء فعل .... معلش محدش بيتعلم بالساهل ؛ ناس معندهاش ضمير

برضه سمعت مشاكل حصلت مع احد اقارب زميل لنا من احد معارض السيارت اللى فى شارع العيسوى ... عربيات استعمال .... الكل ياخد حذره وخصوصا لما بيشترى عربية استعمال من هناك ..... لازم يستلم العربية بالرخصة واوعى يستلم العربية بايصال مرور .. ويقولك التاجر ان الرخصة مسحوبة .... ولو قدر يتأكد من رقم الشاسية والموتور قبل ما يشترى يكون احسن اكيد ؛ عشان ميرحش المرور يرخص يتصدم صدمه عمره .