الموضوع: عربيتي اللي شاريها زيرو من " شكري هيونداي " طلعت مخبوطة ومرشوشة مش فابريقة

معلش كل حاجه نصيب الحمد لله علي كل حال متعرفش الخير فين ربنا معاك

أول خطوة عملتها النهاردة كلمت هيونداي قسم الشكاوي والأقتراحات بخصوص المشكلة وكان الرد المبدئي من الطرف اللي بيتكلم معايا أن حضرتك مشتريتش من عندنا ورديت قولتله أني أشتريت من موزع معتمد من قبلكم يعني تسري عليه شروط الضمان والصلاحية ومش شاري من معرض مجهول ده أكبر موزع معتمد هيونداي في أسكندرية وقالي أن هنسجل شكوتك وهنرد عليك خلال 48 ساعة .

الخطوة القادمة ... حماية المستهلك وهطلب الكشف على السيارة بواسطة لجنة فنية لأثبات الحالة وورق العربية موجود بالفواتير .

المشاركة الأصلية كتبت بواسطة ashturbo

أول خطوة عملتها النهاردة كلمت هيونداي قسم الشكاوي والأقتراحات بخصوص المشكلة وكان الرد المبدئي من الطرف اللي بيتكلم معايا أن حضرتك مشتريتش من عندنا ورديت قولتله أني أشتريت من موزع معتمد من قبلكم يعني تسري عليه شروط الضمان والصلاحية ومش شاري من معرض مجهول ده أكبر موزع معتمد هيونداي في أسكندرية وقالي أن هنسجل شكوتك وهنرد عليك خلال 48 ساعة .

الخطوة القادمة ... حماية المستهلك وهطلب الكشف على السيارة بواسطة لجنة فنية لأثبات الحالة وورق العربية موجود بالفواتير .

الاخ الفاضل في سؤال مهم حضرتك اكيد هتتساله
ازاي نثبت الشخص اللي قام بالتلاعب
سواء ان كان غبور اللي رشها و باعها او المعرض هو اللي عمل كده او الاهم ليه مايكونش حضرتك اللي عامل كده و بتتبلي عليهم ( انا اسف مش ده قصدي لكن بس بنوه للسوال اللي هيسال لحضرتك ) و شكرا

المشاركة الأصلية كتبت بواسطة amr011111

ربنا يعوض عليك
بس المشكله ان جهاز حماية المستهلك هيقول ان انت ممكن تكون خبطتها بنفسك طالما العربيه معاك ورخصتها

انا بقى هقولك تعمل ايه
انت تطبع ورق كتير وتكتب فيه الاتى
حكايتى مع شكرى النصاب وتاخد ناس من اصحابك علشان لو حد من العمال حب يتخانق معاك او كده
وتوزع الورق ده على كل العربيات اللى معديه والناس اللى داخله المعرض
هتلاقى صاحب المغرض بيتحايل عليك انه يديك عربيه زيرو

ياباشا الطريقة دي ممكن يسلط عليه اي بلطجي ب100 جنيه يبهدله او يخطبه بعربية او اي اذي وربنا يحفظه من كل سوء
انا راي انه يتبع الطرق القانونية لكنها بطول شوية
القضاء عندنا عامل زي سلحفاة ماتتمن العصر الحجري