قائمه متجدده بأسعار قطع غيار و صيانات بروتون واجا " داخل و خارج التوكيل "

**MohabSaeed** · 04-12-2008 01:04 PM

* عفواً انا اخطأت فى سعر صيانه ال30,000 كيلو و كاتب انها بتتكلف 290 جنيه .

السعر تقريبا المفروض يكون فى حدود 750 : 800 جنيه و الزياده فى السعر تمن شحن الفريون و تغير فلتر التكيف + المصنعيه .

**saidbakr** · 15-12-2008 12:21 AM

لا لا لا لا أسعار التوكيل غالية جدا جدا و مبالغ فيها بشكل مستفذ. الحل الوحيد إن الواحد يدور على ورشة او مركز صيانة خارجي يكون فيه ناس فاهمين و عندهم الامكانيات الفنية اللازمة.

بالنسبة لموضوع قطع الغيار الأصلية، كل حاجة موجودة يعني الكويس و الوحش، و لو زنقت قوي يبقى الواحد يشتري قطعة الغيار من التوكيل و يركب برة، أهو أقله يوفر المصنعية النار بتاعت التوكيل.

حرام.

**MohabSaeed** · 15-12-2008 02:47 PM

المشاركة الأصلية كتبت بواسطة saidbakr

لا لا لا لا أسعار التوكيل غالية جدا جدا و مبالغ فيها بشكل مستفذ. الحل الوحيد إن الواحد يدور على ورشة او مركز صيانة خارجي يكون فيه ناس فاهمين و عندهم الامكانيات الفنية اللازمة.

بالنسبة لموضوع قطع الغيار الأصلية، كل حاجة موجودة يعني الكويس و الوحش، و لو زنقت قوي يبقى الواحد يشتري قطعة الغيار من التوكيل و يركب برة، أهو أقله يوفر المصنعية النار بتاعت التوكيل.

حرام.

تقريبا فى اجماع ان اسعار التوكيل مبالغ فيها جدا جدا جدا لو قارناها باللانسر مثلا

سعر طقم الكاتينه فى توكيل بروتون بالتركيب 1750 جنيه بالتركيب و الضريبه " و بدون ال2 اول سيل "
سعر طقم الكاتنيه فى توكيل ميتسوبيشى + 2 اويل سيل ب 730 جنيه بالضريبه " بدون تركيب "

نفسى حد فى التوكيل يفهمنى فرق التمن ده ليه !!!!!!!!!!

علما بان الاتنين نفس الموتور بالظبط

يبقى اسعار التوكيل

بالنسبه لوجود قطع الغيار فالحمد لله قطع الغيار الاستهلاكيه و الصاج و الفوانيس , متوافره خارج التوكيل , و قطع غيار الموتور هى قطع غيار الانسر 1600 يعنى فى موجوده فى اى مكان .

عموما ربنا يسهل انا سمعت ان التوكيل بيدرس فكره اعاده تسعير قطع الغيار .

**creative** · 15-12-2008 05:06 PM

اسعار مبالغ فيها جدا جدا تاكد تقرب من اسعار بعض اسعار السيارات الالمانية الفاخرة
ربنا يستر وماتكونش الجين 2 فى نفس الاسعار
ياريت حد يكتب اسعار قطع الغيار الخاصة بالجين 2 واسعار الصيانة الخاصة بها فقط لتكون مرجع للجميع وحتى يسهل المقارنة بينها وبين اسعار قطع الغيار الخاصة بالسيارات الاخرى

**MohabSaeed** · 15-12-2008 10:06 PM

اعتقد الجين 2 مش حتختلف كتير فى الاسعار . ديه سياسه التوكيل فى العموم , يبيع العربيه بسعر رخيص و بكماليات كتير و يجيب ربحه الحقيقى من الصيانه و قطع الغيار .

ملهاش اى تفسير منطقى تانى .

عموما هو فى اسعار قطع غيار سعرها زى باقى السيارات من نفس الفئه و فى قطع تانيه غاليه جدا و مبالغ فى تمنها .

**Amr_tika88** · 21-12-2008 12:43 AM

انا لسه النهاردة جايب فلتر هواء ب 120 جنية
وفلتر بنزين ب 75 جنية من غير مصنعية الاتنين
بتاريخ 21 ديسمبر 2008

**MohabSaeed** · 21-12-2008 03:24 AM

من التوكيل ................؟؟؟
معقوله التوكيل رخص اسعار قطع الغيار ولا انا بحلم !!!

**Amr_tika88** · 21-12-2008 02:40 PM

انا جبتها من امير وجوزيف اللي في مكرم عبيد
وهو معتمد لبروتون اعتقد كده

**Amr_tika88** · 21-12-2008 02:41 PM

هو فلتر التكييف عامل كام

**MohabSaeed** · 21-12-2008 06:36 PM

امير و جوزيف فعلا معتمدين من التوكيل .
الحقيقه مش عارف فلتر التكيف بكام ... وان كان عندى فعلا محتاج يتغير
لو عرفت سعره حقولك ان شاء الله .

بالنسبه لفلتر الهواء و البنزين الى عند امير و جوزيف ... هل عليهم بادج بروتون ولا لا ؟
لو لسه مركبتهمش ياريت تصورهم .... لان سعرهم كده رخيص بالمقارنه بالتوكيل فا لو اصلى يبقى اشتريهم من هناك اوفر ." المفروض ان قطع غيار بروتون الاصليه بتيجى فى علبه كرتون بيضاء و عليها بادج بروتون باللون الازرق و اسم القطعه "