الموضوع: خرطوم مية الردياتير ضرب فى البيجو 301 - أقرأ قبل ما ترخص

طيب أنا المفروض أستلم العربية من بيجو بعد أسبوعين المفروض أعمل إيه ... غالبا هصور فنى المرور على الموبيل و هو بياخد بصمة الموتور

[/mark]طيب أنا هستلم العربية 301 كمان إسبوعين المفروض أعمل إيه .. غلبا هصور فنى المرور و هو بياخد البصمة من على الموتور علشان يكون دليل معى

الحمد لله انا رخصت انهاردة واكدت على الراجل اللى بياخد البصمة انه يخلى بالة من خرطوم الميه سبب المشكله والراجل بصراحة قالى انا مش هاجى جنب اى خرطوم ومش هشيل اى حاجة من مكانها وفعلا اخد البصمة من غير ما يشيل اى حاجة من مكانهاوتم الترخيص على خير والحمد لله بس فعلا ضرورى ان الواحد ينبه على فنى البصمة انه ياخد بالة لانك ما تضمنش حاجة وربنا هو اللى بيقدر الخيروان شاء الله تكون آخر مرة يحصل فيها المشكلة دى

المشاركة الأصلية كتبت بواسطة ali tmam

الحمد لله انا رخصت انهاردة واكدت على الراجل اللى بياخد البصمة انه يخلى بالة من خرطوم الميه سبب المشكله والراجل بصراحة قالى انا مش هاجى جنب اى خرطوم ومش هشيل اى حاجة من مكانها وفعلا اخد البصمة من غير ما يشيل اى حاجة من مكانهاوتم الترخيص على خير والحمد لله بس فعلا ضرورى ان الواحد ينبه على فنى البصمة انه ياخد بالة لانك ما تضمنش حاجة وربنا هو اللى بيقدر الخيروان شاء الله تكون آخر مرة يحصل فيها المشكلة دى

ألف مبروك على الترخيص, ربنا يرزقك خيرها و يكفيك شرها. و الحمد لله إنك قريت الموضوع قبل الترخيص و نبهت على الفنى.

و ياريت شركة بيجو تقبل إقتراحى ليهم و تنبه على العملاء الجداد من خلال التليفون أو من خلال معارض البيع إنهم ينبهوا على الفنيين بتوع الرخصة زى ما انت عملت, ده بيسمى الأمن الوقائى.

للمرة التانية الف مبروك و ربنا يباركلك فيها, بالمناسبة, متنساش تجيب قفل دريكسيون أو قفل كاوتش - عجلة - عشان الظروف اللى بتمر بيها البلد اليومين دول.

طبعاً البيجو 301 فيها نظام إيموبليزر, يعنى العربية مش هاتدور - ولا حتى الدريكسون هايتحرك من مكانه - إلا لما تكون بتستخدم مفتاح العربية اللى فيه شريحة إلكترونية مشفرة مرتبطه بمحرك عربيتك, بس الحرص الزيادة مايضرش فى الظروف دى.