جيلى و التشكيك فى الصينى

**MR A7MED** · 03-03-2014 04:33 PM

المشاركة الأصلية كتبت بواسطة hugan

ههههههههه
وسعت صح
شوف
خلي عربيه زي ال 516 تدخل وش في عربيه النترا او سيراتوا او ياريس او بومه
وقولي رائيك والنتيجه
وبعد كده اقولك انا اللي حصل معايا

هات انت العربيتين عشان نجرب

ربنا يخليلى الألنترا ويكفينا كلنا شر الحوادث

**mr.elegant** · 03-03-2014 04:41 PM

المشاركة الأصلية كتبت بواسطة hugan

انا شخصيا امتلكت عربيتين اسبرانزا صيني من الزيرو
516 موديل 2008
والتيجو حاليا 2013
عربيات قويه ومتينه لابعد مدي تنافس في القوه الالماني
لكن تقل في الفيينش والتشطيب عن الكوري
مشكله الجيلي الوحيده في نظري
هي الصداء
عيب مدمر لاءي عربيه ومايصحش يكون مووجود \
لكنه جشع واستهتار غبور

أنا مرعوب من موضوع الصدا ده و لسة ماشوفتش العربية أساسا تقريباً كويس علشان يادوب إستلمتها و سافرت. حضرتك معاك العربية؟ لو معاك عندك صدا؟ و عملت إيه و تنصحنى بإيه؟

**mr.elegant** · 03-03-2014 05:00 PM

المشاركة الأصلية كتبت بواسطة hassanradwan74

كلامك كله تمام ومنطقي ،، سيبك من ال بيتكلم على العربية من خلال السمع وهيا مش معاه ، وخد كلام الملاك وال مجربها
ماركة امجراند تابعة لجيلي وشركة جيلي اصبحت حاجة تانية بعد امتلكها لفولفو ، المشكلة ليست في الصينى ولكن في مستويات المنتج الصيني ،، الجيلي حاليا مستوى عالي وجودة ، والله انا اشتريت فلتر زيت كورولا يركب للجيلى صيني مضروب وغالبيه الناس بتركبه في التويوتا انا رميت الفلتر المضروب جديد في الزبالة بعد لما جبت فلتر جيلي اصلي من ابو رواش ب ٣٠ جنيه وقارنته بالمضروب الصيني ،، الواحد مفروض يشوف جودة المنتج بغض النظر عن بلد الصنع ،، واخيرا اقول مشكلة الجيلي ليست فيها ولكن في مستوي وعيوب تجميع وتشطيب مصري يمكن معالجته بعد ذلك لو ارادو و أهمها الصدأ ....وهو عندي في الابواب يارب يتعالج،، غير كده سيارة تمام ولا تقارن بلانوس ولا الفيرنا ال معايا ايضا

شكرأ لحضرتك

**mr.elegant** · 03-03-2014 05:06 PM

المشاركة الأصلية كتبت بواسطة M I D O

ربنا يرجعك بالسلامة وياريت تقلنا في هناك جيلي منتشرة ولا لا

متشكر جدأ لذوق حضرتك و دعواتك...

لأ الجيلى مش منتشرة خالص فى الصين و لا هيا ولا الشيرى (الاسبيرانزا عندنا) علشان دى عربيات صينى و هما عندهم الماركة المفضلة الفولكس فاجن ثم الأودى... هو طبعاً مش هيسيب الماركات دى و يركب ماركة صينى علشان فرق السعر مش كبير...

على فكرة العربيات الصينى فى الصين أغلى من مصر بكتير. يعنى الإمجراند فى الصين ب 140000 جنيه تقريباً. بالمناسبة ترتيب الصينى فى الصين كالآتى:

Great Wall
Geely
Chery

**mr.elegant** · 03-03-2014 05:12 PM

المشاركة الأصلية كتبت بواسطة د.عماد صلاح

بعد اذن حضرتك ممكن تصور لنا الجيلي ايمجراند اللي هناك من بره و التابلوه
و زي مابقول الايمي مشكلتها الرئيسيه غبوررررررررر

ياريت والله بس ده صعب جداً علشان دى خصوصية و الموضوع مش زى عندنا كدة سهل. و كمان العربية مش منتشرة أوى علشان أقدر أعمل كدة... حضرتك ممكنتلاقى الصور بسهولة جداً على موقع geely نفسه

**mazen.com** · 03-03-2014 05:28 PM

مع احترامى لكل ملاك الصينى وخصوصا الايمى انا ملاحظ ان كل ملاكها بيحولو يقنعو نفسهم بالعربيه لو حضرتك اساسا مقتنع بالعربيه عمرك ما تضعها فى مقارنات مع اى سياره ومعلش اللاونس اسبتت وجودها انا عمرى مالقيت عربيه لانوس حتى لو موديل قديم متبهدله عكس الصينى اللى لسه مبقلهاش سنتين على فكره انا والله لا امتلك عربيه ولكن هذا استنتاجى من خلال المشاركات فى قسم الايمى علشان مفيش حد يقول انى متحيز للانوس بس هى العربيه الوحيده اللى دايما بتتقارن بالايمى

**dedi** · 03-03-2014 07:08 PM

المشكلة موش فى النوع و لكن فى قلة الضمير من غبور بعض المشاكل كان يمكن قبولها و لكن مشكلة الصدا دية صعبة لانة كدة خلق شك عند اغلب الناس فى السيارة ومايضمن باقى الاجزاء
الواحد موش عارف اية الذكاء دة و الاصرار علية كانة بيغيظ المشترين الناس اشتكت من الكاسيت ومازال هو نفسة ودة بيعطى انطباع سئ للمشترى يكون لسة رايح يستلم و يلاقى كاسيت بايظ ونفس الكلام مع بعض المشاكل الاخرى
انا نفس اعرف اين خبراء جيلى الموجودين فى المصنع ومادورهم دى مشكلة الصدا مفروض انها تهز الدنيا و الشركة تقوم بالاعتذار و تغيير الاجزاء المصدية فورا واعطاء ضمان
ولكن هل تعتقدوا النت سوف يؤثر او يحس غبور بالمشكلة لانة كل مايهمة ارقام المبيعات وطبعا صفحة الفيس هم مسيطرين عليها وناس كتير من ملاكها موش هايتكلموا عن الصدا علشان سعرها مايقعش فى السوق

**M I D O** · 03-03-2014 07:14 PM

المشاركة الأصلية كتبت بواسطة mr.elegant

متشكر جدأ لذوق حضرتك و دعواتك...

لأ الجيلى مش منتشرة خالص فى الصين و لا هيا ولا الشيرى (الاسبيرانزا عندنا) علشان دى عربيات صينى و هما عندهم الماركة المفضلة الفولكس فاجن ثم الأودى... هو طبعاً مش هيسيب الماركات دى و يركب ماركة صينى علشان فرق السعر مش كبير...

على فكرة العربيات الصينى فى الصين أغلى من مصر بكتير. يعنى الإمجراند فى الصين ب 140000 جنيه تقريباً. بالمناسبة ترتيب الصينى فى الصين كالآتى:

Great wall
geely
chery

تسلم يا غالي علي الرد وربنا يرجعك بالسلامة

**midooo_119** · 04-03-2014 12:32 AM

المشاركة الأصلية كتبت بواسطة mazen.com

مع احترامى لكل ملاك الصينى وخصوصا الايمى انا ملاحظ ان كل ملاكها بيحولو يقنعو نفسهم بالعربيه لو حضرتك اساسا مقتنع بالعربيه عمرك ما تضعها فى مقارنات مع اى سياره ومعلش اللاونس اسبتت وجودها انا عمرى مالقيت عربيه لانوس حتى لو موديل قديم متبهدله عكس الصينى اللى لسه مبقلهاش سنتين على فكره انا والله لا امتلك عربيه ولكن هذا استنتاجى من خلال المشاركات فى قسم الايمى علشان مفيش حد يقول انى متحيز للانوس بس هى العربيه الوحيده اللى دايما بتتقارن بالايمى

انا قارنت ايمى بالنوبيرا لانها كانت معايا و عملت موضوع عنهم اما الانوس عربيه فاشله لكن اعتماديه لانها تكنولوجيا قديمه بس حط سعرها مقابل الاوبشن تلاقى انه اضحك عليك جامد