الموضوع: عضو جديد يسالكم المشورة

المشاركة الأصلية كتبت بواسطة alaa nasef

[size="6"]السلام عليكم ورحمة الله وبركاتة احبائى واعزائى اعضاء المنتدى الكرام هذه اول مشاركة لى وفى نغس الوقت اول مرة اركب عربية والحمد لله العربية حلوة وعجبانى جدا برغم اى مشكلة اواجهها انما من خلال خبراتكم وتجاربكم اشتريت سكودا فليشيا موديل 97 glx من واحد صاحبى بس فيه شوية حاجات اتمنى الاقى تفسير عندكم 1- الدبرياج كان تقيل معايا جدا
بعد تغيير طقم الديسك والاسطوانه ايه الاخبار ؟؟؟ لو ماخفش خللى البيه الميكتنيكى يريحيلك سلك الدبرياج ويشحمه .
2- مش عارف ضغط الهوا فى الكاوتش
ضغط الهوا بيبقى على 30
3- فولت كم مرة بنزين 92 ودى كتير شوية ولو بنزين 80 تبقى ايه النتيجة
كتير ازاى (مش فاهم ) وبالنسبه لبنزين 80 شغال كويس شرط ظبط الكربراتير والاسبراتير .
4- غيرت مجموعة الدبرياج ديسك واسطوانة وبليه وبعدها بسمع صوت خبطة مع نقل الغيار واتتضح انها من كرسى قاعدة الفتيس اللى موجود تحت القربة
القاعده يا اما بتتربط ..او تتغير سهل جدا وسعرها مش غالى (حوالى 30 جنيه)
وكمان بسمع صوت كركرة لما ادور ولما ادوس دبرياج يتمنع الصوت
لو قصدك صوت شخلله (خشششششششششششششش) فالصوت ده من الفتيس بيظهر الصبح او عند الدواره لمده 5 دقايق او اقل وغالبا مش هايروح الا لماتغير فتيس ..فنصيحه تعايش معاه.
5- يوجد لحام فى الفتيس من تحت بينشع زيت بسيط هل له علاج ام ماذا افعل
حاول تتعايش مع الموضوع ده وتزود زيت فتيس كل شهرين ولاحاجه لحد ماتلحم الفارغه ..ودى بتبقى شائعه فى الفليشيا نظرا لقربها الشديد من الارض وبالتالى تتعرض لكثير من المطبات ..
6- مساحة الزجاج الخلفى تتحرك هذة بسيطة ولا تعمل
خلى كهربائى يبصلك عليها ممكن يكون معلق ومحتاج تنظيف ..
7- زر سخان الزجاج متحجر ولا يعمل وازاى اعرف السخان شغال ولا لا
غالبا هايبقى مش شغال (نادر لو لقيته شغال فى الفليشيا)
واتمنى حد يقوللى الحلول ايه وجزاكم الله خير الجزاء

اتمنى انى اكون جاوبت على استفساراتك .. واهلا وسهلا بيك معانا ... ومبروك عليك الفليشيا .
[/size]

المشاركة الأصلية كتبت بواسطة sakr1964

واضح انك عضو جديد وارجو من ادارة المنتدة التجاوز عن الخطء التى وقعت فيه وهو الكتابه باللون الحمر**

لاكن بخصوص الموضوع انا كنت باكتب رد عليه من ساعة لاكن الكهرباء(حكم القوى) وعلى فكرة الاستاذ ادهم جاوبك ومفايش كلام بعد كلامه**

بنتعلم منك ياعم صبحى

المشاركة الأصلية كتبت بواسطة adhmmaamon

بنتعلم منك ياعم صبحى

انا اسف للكتابة باللون الاحمر ولكن لتمنى اعرف لييييييه

المشاركة الأصلية كتبت بواسطة أحمد جودة

اللون الاحمر تقريبا ممنوع فى اغلب المنتديات مش هنا وبس وبيبقي لون خاص بالاشراف وطاقم الادارة


مبروك العربية وربنا يديلك خيرها ويبعد عنك شرها اللهم اميين

اشكرك يااستاذ احمد لاهتمامك وللدعاء اللهم امين

اشكرك يااستاذ ادهم على كل هذا الاهتمام وده مش حاجة غريبة على كل اعضاء الفليشيا الكرام والمنتدى الجميل ده وايضا اهتمام الاستاذ احمد والاستاذ صبحى صقر المنتدى بصراحة ده شىء اسعدنى جدا ويبقى سؤال العربية مابتدورش الا لما اشعر بنزين ولو مادرتش من اول مرة يبقى مشكلة افضل بقى اديها فى مارش مع بنزين لما البطارية تهرب وفى الاخر اقفلها واخد تاكسى وامشى وبعدين لما ارجعلها تانى واحاول مرة تانية بعد ساعتين تلاته تدور عادى بدون مشاكل مع تشعير بنزين برضة ياترى المشكلة ايه او فين وهل ممكن مع الوضع بتاعى ده ييجى اليوم اللى تدور فيه العربية بالمارش فقط من غير بنزين وخلافة الحاجة التانية اللى شوفتها وعاوز افهم بتتعمل ازاى واحد جاب كابل ووصلة من عربية كانت واقفة من البطارية ودارت العربية سالته قال البطارية بتاعتك مهربه هل هذا معناه ان البطارية عندى ضايعة واحد صاحبى قال انا هاجيللك اظبطللك البوجيهات قلت له هاتعمل ايه فال ولا حاجة هانغسلهم فى شوية بنزين ونصنفرهم ونركب كل واحد فى مكانة وتبقى اتحلت المشكلة وطبعا مش هاعمل حاجة الا لما اخد رايكم اعمل كده ولا اعير البوجيهات افضل ولا اعمل ايه والكهربائى قال مش عاوز اعلى الصلانصية عشان ماتسحبش منك بنزين كتير ودى اكبر مشكلة عندى حاليا ومنتظر ردكم واشكركل من اهتم بالرد عليا وجزاكم الله خير الجزاء