الموضوع: عضو جديد يسالكم المشورة

المشاركة الأصلية كتبت بواسطة alaa nasef

اشكرك يااستاذ ادهم على كل هذا الاهتمام وده مش حاجة غريبة على كل اعضاء الفليشيا الكرام والمنتدى الجميل ده وايضا اهتمام الاستاذ احمد والاستاذ صبحى صقر المنتدى بصراحة ده شىء اسعدنى جدا ويبقى سؤال العربية مابتدورش الا لما اشعر بنزين ولو مادرتش من اول مرة يبقى مشكلة افضل بقى اديها فى مارش مع بنزين لما البطارية تهرب وفى الاخر اقفلها واخد تاكسى وامشى وبعدين لما ارجعلها تانى واحاول مرة تانية بعد ساعتين تلاته تدور عادى بدون مشاكل مع تشعير بنزين برضة ياترى المشكلة ايه او فين وهل ممكن مع الوضع بتاعى ده ييجى اليوم اللى تدور فيه العربية بالمارش فقط من غير بنزين وخلافة الحاجة التانية اللى شوفتها وعاوز افهم بتتعمل ازاى واحد جاب كابل ووصلة من عربية كانت واقفة من البطارية ودارت العربية سالته قال البطارية بتاعتك مهربه هل هذا معناه ان البطارية عندى ضايعة واحد صاحبى قال انا هاجيللك اظبطللك البوجيهات قلت له هاتعمل ايه فال ولا حاجة هانغسلهم فى شوية بنزين ونصنفرهم ونركب كل واحد فى مكانة وتبقى اتحلت المشكلة وطبعا مش هاعمل حاجة الا لما اخد رايكم اعمل كده ولا اعير البوجيهات افضل ولا اعمل ايه والكهربائى قال مش عاوز اعلى الصلانصية عشان ماتسحبش منك بنزين كتير ودى اكبر مشكلة عندى حاليا ومنتظر ردكم واشكركل من اهتم بالرد عليا وجزاكم الله خير الجزاء

بص ياباشا ..صلى على سيدنا النبى .. عليه الصلاه والسلام.
بخصوص ان العربيه مش بتدور الا لما تسند بنزين وبعدين تدور مارش دى ليها اكتر من سبب
1- ممكن يكون زى ماصاحبك ده قالك البوجيهات مهببه او نوعها سيء فرطبت .. وانت كده كده محتاج طقم بوجيهات احطياتى للظروف يعنى .. فاشترى طقم بوجيهات نوعيه كويسه ونصيحه ماتسترخصش ..هات حاجه نضيفه زى ان جى كيه او بوش او بيرو وهاتهم من مكان معتمد مش اى حد بيبع قطع غيار والسلام.

2- احتمال كبير يكون رداخ الكربراتير بيهرب البنزين اللى فى عوامه الكربراتير فبالتالى تانى يوم بيبقى مفيش بنزين فى الكربراتير (وده احتمال شبه اكيد) فبتقعد شويه تكارك لحد ماطرمبه البنزين ماتحضر بنزين بدل اللى طار ..وده بياخد وقت فى الدواره وكمان بيعمل هدر كبير للبنزين .. ولو عايز تتأكد تعالى الصبح وحط شويه بنزين (حوالى غطا ازازه مش كتير يعنى علشان العربيه ماتشرقش منك ) ودور العربيه من غير ماتكارك بنزين لودارت (غالبا هاتدور ) يبقى زى ما قلتلك ده عيب رداخ كربراتير ..بيتغير عادى جدا وتمنه من 30الى 40 جنيه ...

3- ممكن تكون الكهربا عندك واطيه زى ما عم صبحى الله يكرمه قالك ..بس ده مش هايبان الا لما تعالج الاحتمالين اللى قبليهم ... وحل الموضوع ده فى الدرس ال14 ..
والله المستعان

اظن ان العربية بتشرق منك لانك بتدوس بنزين كتير عموما لمل يحصل كده دوس بنزين على الاخر وثبت رجلك وانت دايس ودور مارش لغاية ما تنطق معاك ان شاء الله..........وبالنسب للدوارة الصبح دوس بنزين مرة واحده ببطء قبل ما تدور وبعدين دور مع سنة بنزين وبالتوفيق[/quote]

اشكرك لاهتمامك وانا فعلا حاسس ان المشكلة عندى انا وهابدا انفذ كلامك لانى مقتنع بيه الا اذا كان فيه عيب تانى والمشكلة ان الميكانيكية بيختلفوا فى الراى يعنى مثلا الخبطة اللى بسمعها بعد نقل الغيار مهندس فى مركذ صيانة اللى غير مجموعة الدبرياج قال عليها انها من الكرسى الموجود على الفتيس تحت القربة ده وان له خلوص ولاذم يكون كده وواحد تانى قال ان الخبطة دى لان الكاوتشة بتاعته عاوزة تتغير وواحد تانى قال الفتيس له 3 كاوتشات من تحت هانبص عليهم والمقطوعة نغيرها لان فيه بوش مكانهم وكلهم ركبوا العربية طبعا عشان يسمعوا الخبطة دى بالله عليك اصدق مين واقتنع بكلام مين وياريت لو حد اتعرض للمشكلة دى يقوللى مين فيهم الصح وشكرا جدا