السلام عليكم ورحمة الله
عضو جديد فى هذا المنتدى الرائع يعنى لسه طازه
محتاج رايكم وخبراتكم بشدة لانى هتجنن والتردد هيموتنى لانى محتار ما بين اللانسر الشارك اول فئة والبيجو 301 الهاى لاين
شويه اقول يا واد دلع نفسك وهات البيجو هو الواحد بيعيش كام مرة وشوية اقول لا يا عم هتجيب عربية لسه متجربتش ده يادوب لسه نازله من كام شهر وبعدين قطع الغيار مش هتبقى موجوده اما اللانسر موجوده وماشية بقالها كام سنه وشويه اقول البيجو كلها اوبشن وشكلها تحفه وشويه اقول الشارك اعتماديه
اه نسيت اقولكو ان المبلغ ده اخر اخر اخرى محدش يقولى زود شويه وهات حاجه تانية والريو والار بى مبحبهمش مع احترامى لملاكهم وده ازواق والنيسان الصنى الجديدة فكرت فيها بس علشان اوفر شوية فلوس لكن اصلا مش عجبانى
ها بقى ايه رايكو لانسر شارك ولا بيجو 301