الموضوع: ناوي ارجع للمياه الخضراء

انا كان عندي مشكله نقص مياه او بالاصح المياه كانت بتخر من تحت منتصف الموتور وكنت فاكر انه الموضوع حيطلع كبير وطنشت بتاع 3 شهور وكنت بزودها مياه عاديه . لغاية مروحت للميكانيكي وطلع في خرطوم ضارب بتاع التكييف بتاع الميه الي داخل علي الموتور . بس كان مقطوع من اخر نقطه اللي داخله في الموتور عند وش السلندر كده .. فمكانشي باين لدرجة اني كنت شاكك في الجوان اصلا ومكنشي ليه نفس اروح لميكانيكي .

المهم العربيه كانت فيها مياه خضراء الاول فهل لو رجعت للمياه الخضراء تاني في مشكله .

ثانيا انا ناوي افضي المياه خالص الاول زي ما كان مشروح هنا http://www.nilemotors.net/Nile/147913-a.html

وبعدين احط مياه خضراء فهل في اي ماده ممكن احطها تشيل الاملاح والصداء اللي تراكم قبل محط المياه الخضراء . وسمعت انه فيه ماده بتعمل علي سد اماكن التسريب ممكن تتحط علي المياه لانه في تسريب مياه بسيط موجود بس مش قادر احدد منين لسه .