ايه هو اجمد مطب اكلته وعلي سرعه كام

**blazer** · 30-09-2008 10:53 PM

اعتقد ارتفاعه لا يزيد عن 15 سم
انما فى مصر بيعملواه لا يقل عن 50 سم

**Abdo_Eldesokey** · 01-10-2008 02:58 AM

فيه طريقة حلوة أوي لمعرفة مكان بعض المطبات والدي قالي عليها

لما تلاقي نفسك مقرب على منطقة سكنية أو عزبة أو قرية ... إلخ

لازم تهدي لأن كل واحد عايز يطلع زكاة عن عياله بيعمل مطب

وعلى فكرة المطبات الي في طريق المنصورة رأس البر ، المحافظ الجديد ربنا يكرمه شالها كلها ، الراجل ده بيكره المطبات ، حتى الي جوا البلد اتشالوا

**Ahmed Samy** · 01-10-2008 03:06 AM

المشاركة الأصلية كتبت بواسطة Abdo_Eldesokey

وعلى فكرة المطبات الي في طريق المنصورة رأس البر ، المحافظ الجديد ربنا يكرمه شالها كلها ، الراجل ده بيكره المطبات ، حتى الي جوا البلد اتشالوا

لأ هما اتشالوا علشان كان فيه زيارة من فوق امبارح

**Abdo_Eldesokey** · 01-10-2008 05:08 AM

المشاركة الأصلية كتبت بواسطة Ahmed Samy

لأ هما اتشالوا علشان كان فيه زيارة من فوق امبارح

المطبات الي جوة البلد اتشالت لما السيدة الي فاضة كانت جاية المنصورة

لكن هوا شال الي في المنصورة كله حتى الي في الأماكن الي مش هتعدي عليها

فواضح إن دي سياسته

**hazem_khidr** · 01-10-2008 06:13 AM

يبقى هو يا حازم

مطب بعد ملف
و الشرع مش منور معظم الأيام

و مافيش علامة مطب قدامة (بس مكتوب بدالها عزبة مظهر ابو العز

)

مطب بس اييه كوبري ناقصه درابزين و الناس تعدي من فوقه ههههههه

هو بغباوته :)
مطب فظيع و عالي و مش باين
بس علي فكره معظم المطبات اللي علي الطرق السريعه فعلا شالوها
طريق دمياط المنصوره بيقولوا شايلين منه 70 مطب!!!!
انا مش متاكد من الرقم اوي بس حاجه زي كده
و طريق المحله طنطا نفس الشئ

**dr_3eshoo** · 01-10-2008 11:27 AM

كتييييييييييييييييييييييي يييييييييييييييييييييييير
بس افتكر اتنين
اولا كنت رايح دمياط الجديده و قبلها ماكنش فيه مطب في المنطقه دي و معدي عليها الصبح و مافيش مطبات طبعا بليل طاير على 135 و عادي بكلم ماما و مش مركز الا و فجئه و من غير مناسبه لقيت المطب العربيه طارت من فوق المطب و نزلت على بوزها و طبعا علشان محمله
العربيه فولكس بسات
الخسائر الحمد لله مافيش غير المصفحه البلاستيك اتشرخت
المره التانيه كنت بالنيسان صني الجيده ماشي طريق المنصوره و فيه واحد ابن تيييييييييييييييييييييييي ييييييييت ماشي مخالف و فتح زينون في وشي مره واحده ماشفتش مطب طرت من فوقه و العربيه نزلت جنب الرصيف
الخسائر اعصابي و بنطلوني الي اتبل

**Nour_Peugeot** · 01-10-2008 11:39 AM

المكان مدينة نصر انا راجه الساعة 10 من التجمع و ماشي في شارع مصطفي النحاس اتجاه مدرسة المنهل

و ماشي 120 الطريق فاضي و السما كانت بتندع مطر عموما انا عارف ان في مطب قبل تقاطع كده

فبدوب بلمس فرامل قبل المطب بمسافه كبير و هب الاقي العربيه وخدها خحلقه

و اخد المطب علي 120 او 110 و اعدي التقاطع في الهوا الحمد لله ان مكنش في حد بيعدي التقاطع

الخسائر الحمد لله مفيش
السياره بيجو 405

و قد تم تغير الكاوتش بعد هذا الحادث بسبب انتهاء عمره الافتراضي

**Noha.M** · 01-10-2008 01:30 PM

ماخدتش الحمد لله لحد دلوقتى مطب جامد اوى على سرعة عالية بس اخدت حفرة على اوى مدخل الدائري و سمعت صوت خبطة جامدة و العربية اترزعت جامد بس الحمد لله محصلش خساير :D اظن يعني

**Nile_Storm** · 01-10-2008 01:38 PM

هو المطب الغبي اللي في مدينه نصر في الطريق للربوه و لبسناه بالترتيب
كريبتون اكس بالباليو وهو داس بنزين و العربيه طارت
سومو بالفكترا
انا بالفيرنا و احنا الاتنين فرملنا و لبسناه سوا علي 90 كده

الحمد لله مفيش تلفيات لحد
عربيه كريبتون عاليه ماشاء لله محكتش
عربيه سومو وقفت كويس بالايه بي اس
انا خدته بزاويه فمحكتش الحمد لله

**abdelaziz-waleed** · 01-10-2008 02:50 PM

من شهر كدة على الكورنيش قدام القصر العيني الفرنساوي. بالضبط قدام الكوبري
الصغير اللي يوديك على القصر العيني القديم.
عبارة عن مجموعة بلاعات جنب بعضيها وعالية عن الطريق. فالحكومة استنصحت
وراحة عاملة الاسفلت حاولين البلاعات بشكل غبي وعامل مطب في نص الطريق ولازم
علشان تتفاداه يا تيجي اقصى اليمين او اقصى اليسار.
المهم انا كنت ماشي في النص وعارف مكان المطب ده كويس. ولسة بأمن في المراية
علشان امسك شمال لاقيت واحد لاصق جمبي روحت متوكل على الله وكلت المطب
بالعجلة اليمين ومراتي كانت قاعدة جامبي. كانت هاتولد قبل ميعادها ب 7 شهور
بس بعدها على طول ظبطو المنطقة ديه شوية

الموضوع: ايه هو اجمد مطب اكلته وعلي سرعه كام

LinkBack

أدوات الموضوع

عرض

-

-

-

-

-

-

المواضيع المتشابهه

سرعه البديهه و سرعه الرد .

العربية بقت بتعوم في مطبات الهوا وعلي السرعات

اجمد جنوووووووط على اجمد عربيه في الدنيا :))

مواعيد بث فعاليات بكين 2008 وعلي قنوات ايه

الكلمات الدلالية لهذا الموضوع

المفضلات

المفضلات

ضوابط المشاركة