صلاحية الزيت

**H_Daim** · 06-03-2014 03:01 PM

لما كنت في أبو رواش المهندس هناك كان بيخير الناس في نوع الزيت سواء كان زيت "تصنيعي" 10000 كم أو "نصف معدني" 5000 كم؛ ولكن استوقفني تأكيده على صلاحية الزيت حيث ذكر ان صلاحية الزيت "التصنيعي" 6 اشهر و "النصف معدني" 3 اشهر.

وكنت قد قرأت هذه المعلومة ان احد اكبر الاخطاء التي يقع فيها مستخدمي السيارات هي الاعتماد على عدد الكيلومتر دون النظر للفترة الزمنية، فمثلاً يسافر احدهم سنة مثلاً ويرجع يستخدم السيارة ويقولك مشيت ع الزيت ده 2000 كم مثلاً.

حبيت اشاركم المعلومة علشان كل واحد فينا يخلي باله من الماتور والزيت

**M I D O** · 07-03-2014 03:03 PM

معلومات روعة يا باشا

**M I D O** · 07-03-2014 11:22 PM

المشاركة الأصلية كتبت بواسطة hassanradwan74

روعه اكيد بتهزر

وانا ههزر لية ؟؟
انا اول مرة اعرف المعلومة دي وبالنسبة ليا معلومة مفيدة جدا و صاحب الموضوع شخصية معروفة في المنتدي ومعروف ان معلوماتة صحيحة محصلش ان هوة نزل معلومات خطأ قبل كدة

**dr.hazem** · 08-03-2014 06:49 AM

المشاركة الأصلية كتبت بواسطة hassanradwan74

اوك حقك عليا ، اصل مفيش حاجة اسمها تصنيعي ونصف معدني ولكن اسمها تخليقي synthetic او خليط blend بين المعدني والتخليقي ، وبالنسبة لصلاحية الزيت طبعا فيها كلام تاني غير كده خالص ، اصل مش كل ال بيتكلم في مركز الصيانة مهندس ودارس فعشان كده المعلومات الصح على النت وخاصة مواقع الشركات المصنعة ، واسف مرة اخري

احم..
تعديل بسيط..
سينثيتك يعني تم تصنيعه بالكامل واقرب للصحه ان يقال مصنع (بشد النون) واما الخليط هو ما يعرف بالsemi synthetic وده لان فيه معدني وفي جزء تخليقي وهناك الزيت المعدني...

بالنسبة للصلاحيه بالمدة فاكيد المعلومه اللي قالها مهندس الصيانه مش مظبوطه...
ومش هتكلم عن صلاحية الزيت عالرف اللي لا تقل عن 5 سنين في كل الحالات انما داخل المحرك مفيش كلام ثابت لكن اقرب الصواب هو سنه للتخليقي و6اشهر للمعدني
اقل من كده يبقى تهريج فعلا...
وفي زيوت تخليقيه بتتحمل اكتر من 15 الف كيلو وقد تصل لل25 الف كيلو وكلنا عارفين الرقم ده عشان الواحد يمشيه محتاج وقت قد ايه فمش منطقي ان المده تكون 6 شهور فقط!!
ومننساش ان في اضافات بتطول عمر الزيت عشان يقعد اكتر وبالتالي الرقم مش ثابت

تحياتي

Sent from my Xperia Arc S using Forum Runner