الموضوع: وداعا لأنقطاع الكهرباء مع جهاز power inverter

المشاركة الأصلية كتبت بواسطة m_marmoush

معلش على الغلط فى الحسابات لأنى ماخدتش فى الأعتبار أن البطارية 12 فولت
التصحيح أن الأنفرتر ال 2000 وات بيحاج بطارية 150 أمبير/ساعة أو بطاريتين كل واحدة 70

البطارية الديب سايكل غالية جدا وانا جبت دي مؤقتا علشان اجرب الموضوع في الاول والحمد لله بشتغل بكامل طاقتها لمدة 4 ساعات متواصل علشان اجرب وللعلم شحن البطارية لايحتاج اكتر من ساعة بالكتير
وناوي ان شاء الله علي شراء ديب سايكل لما دي صلاحيتها تنتهي وتجيب اخرها

حد يقدر يفيدنا الجهاز ده بيتباع فين فى إسكندرية . و البطارية دى جافة و لا سائلة

المشاركة الأصلية كتبت بواسطة elfarashah

سلام الله عليكم ورحمته وبركاته

بداية أشكر حضرتك على المجهود الواضح وكما يقولون( الحاجة أم الإختراع)

ولكن

ألا تتفق معي يا سيدي أن تكلفته عالية على أي أسرة متوسطة الدخل؟؟

ولو مش متوسطة برضه غالي في الظروف دي

والمولد تكلفته أقل ولكن عيوبه كتير زي ماحضرت ذكرت أيضا ً

لكن قبل كدة أنا اقترحت عليكم فكرة البطاريات الشمسية

خليه شمسية بتحطها مثلا على السطح أو أقرب مكان مشمس عندك لأكبر فترة ممكنة

والبطارية بتكون عندك مثلا في بلكونة وبتشغل مراوح وديب فريزروكل لمبات البيت

التجربة دي نفذوها عمال هنا بالصحرا وفوق الممتازة ( لكن أنا بفكر فيها بجد)

فعايزة أعرف رأيكم ايه؟؟ وعلى فكرة (( كبر الخلية او صغرها بيكون حسب استهلاكك ))
لكن معرفشي الأسعار بمصر في الحاجات دي ايه فياريت اللي يعرف يقولنا ويفيدنا

دمتم بكل الخير -برعاية الله وحفظه

وعليكم السلام
بخصوص تكلفة الجهاز ممكن حضرتك تشوفيها غالية وغيرك يشوفها رخيصة وده بيرجع لعوامل كثيرة

منها الامكانيات والاحتياج للجهاز ومدي رضاء الشخص عنه
من خلال تجربتي الشخصية احب اقول انه فوق الممتاز الحقيقة وسعره مش خسارة علي اداءه
امبارح الكهرباء قطعت 4 مرات مرتين الصبح ومرتين بلليل والحمد لله بنفس الكفاءة وماكنتش حاسس

باختلاف ابدا في انقطاع النور ومش حاسس بالوقت لان كل الامور مافيهاش تغيير
الكومبيوتر شغال والتليفزيون شغال والانوار في الشقة شغالة
لسة شوية بقي حجرب معاهم المروحة وحجرب واقيمها بعدها

بخصوص المولد طبعا لامقارنة بين الجهازيين
من حيث المخاطر ومن حيث تكلفة التشغيل ومن حيث الجهد والمعاناة فروقات كبيرة الحقيقة
ولكن الماتور افضل من ناحية قدرة التشغيل خاصة في المدة او في تنوع الاجهزة مثل الثلاجات

والغسالات وخلافه
ولكن بحسبة بسيطة اذا وضعت المخاطر والمعاناة ستختار مايناسب ظروفك الشخصية

بخصوص الطاقة الشمسية قرات من قبل انها مكلفة في الانشاء وغير متوفرة بكثرة والتجربة بحد ذاتها

ليس لها تجارب ومقارنات فهي تعتبر غامضة او ستبقي مجاذفة خوض التجربة

المشاركة الأصلية كتبت بواسطة ahmedwagdy03

حد يقدر يفيدنا الجهاز ده بيتباع فين فى إسكندرية . و البطارية دى جافة و لا سائلة

بصراحة مش عارف اين يباع في الاسكندرية
وبخصوص البطارية فهي جافة

السؤال اللى بيطرح نفسه ..لايه مقدرش اشغل عليه مروحه؟؟
رغم ان المروحه 150 وات ولو قولنا بدايه التشغل بيكون 6 مرات الحمل يعنى 900 وات لحظيا وخلاص ممكن تشغل بقيت الحاجات عادى..
هل حضرتك جربتها ولا هما قايلين تحذير فى الموضوع دا

المشاركة الأصلية كتبت بواسطة ahmed_selmy

السؤال اللى بيطرح نفسه ..لايه مقدرش اشغل عليه مروحه؟؟
رغم ان المروحه 150 وات ولو قولنا بدايه التشغل بيكون 6 مرات الحمل يعنى 900 وات لحظيا وخلاص ممكن تشغل بقيت الحاجات عادى..
هل حضرتك جربتها ولا هما قايلين تحذير فى الموضوع دا

الناس منقسمة في النقطة دي تحديدا
ناس جربت المروحة وشغالة بيها عادي جدا وناس اشتغلت علي الجهاز وحرق لها المروحة
مابين دول ودول لازم تاخد قرار بالتجربة
امبارح اخدت قرار وحتحمل نتيجته اني اشغل المروحة النور ماقطعش بليل وقت ماكنت موجود قلت خليها بكرة او في اي وقت يقطع النور فيه وحتحمل العواقب علي الاقل السؤال مايحيرنيش ونقطع الشك باليقين
وعمتا حبلغكم هنا علشان تكون من خلال تجربتي الشخصية ايضا

المشاركة الأصلية كتبت بواسطة elfarashah

سلام الله عليكم ورحمته وبركاته

بداية أشكر حضرتك على المجهود الواضح وكما يقولون( الحاجة أم الإختراع)

ولكن

ألا تتفق معي يا سيدي أن تكلفته عالية على أي أسرة متوسطة الدخل؟؟

ولو مش متوسطة برضه غالي في الظروف دي

والمولد تكلفته أقل ولكن عيوبه كتير زي ماحضرت ذكرت أيضا ً

لكن قبل كدة أنا اقترحت عليكم فكرة البطاريات الشمسية

خليه شمسية بتحطها مثلا على السطح أو أقرب مكان مشمس عندك لأكبر فترة ممكنة

والبطارية بتكون عندك مثلا في بلكونة وبتشغل مراوح وديب فريزروكل لمبات البيت

التجربة دي نفذوها عمال هنا بالصحرا وفوق الممتازة ( لكن أنا بفكر فيها بجد)

فعايزة أعرف رأيكم ايه؟؟ وعلى فكرة (( كبر الخلية او صغرها بيكون حسب استهلاكك ))
لكن معرفشي الأسعار بمصر في الحاجات دي ايه فياريت اللي يعرف يقولنا ويفيدنا

دمتم بكل الخير -برعاية الله وحفظه

الطاقة الشمسية حضرتك ال 1000 وات يعمله حوالى 35000 جنية نوع نضيف مدى الحياة