هو الجواز حرا؟؟؟!!!!

**drola** · 12-03-2014 03:17 PM

المشاركة الأصلية كتبت بواسطة lost2008

بس فعلا بنات كتير جدا و ولاد كمان وصلو لمناصب كويسة فى شغلهم و الحالة المادية تمام و سنهم اتاخر جدا فى الجواز ده انا فجاه لقيت كل اصدقائى و معظم قرايبى اتجوزو زى ميكون الزمن جرى فجاة و انا مش واخد بالى

الزمن بيجري واحنا مش لاحقينه

**drola** · 12-03-2014 03:20 PM

المشاركة الأصلية كتبت بواسطة zrzr1

اسمك د. عُلا زي المسلسل بتاع هند صبري ؟؟ d:

صح

**drola** · 12-03-2014 03:27 PM

المشاركة الأصلية كتبت بواسطة a7med_pharma

كلامي مش محتاج تفسير
البنت مش محتاجة تتقدم بشكل مباشر للولد لو هي معجبه بيه
كفايا لغة الاشارة ولغة الصمت
وموضوع رزقها..مش مقصود منها حاجة مش مظبوطة..الجواز رزق..والمرتب رزق...إلخ

سؤال بس
لو حصل وإنتي إتقدمتي لشاب
ورفضك
هتستحملي الصدمة لو أتكررت كام مرة
يعني لو الوضع مشي زي مانتي عاوزاه..هتستحملي تترفضي أكتر من مرة
الشباب بتستحمل
البنات لا
وعلشان كده دي الفطـــرة

أولاً الاعتراض كان علي كلمه تصطاد مش رزقها لان فعلاً كل حاجه في الدنيا دي رزق من ربنا و ما ينفعش نتبطر عليه.
و بعدين انا مش مع فكرة ان البنت تتقدم لشاب دي إطلاقا لو هيحصل يبقي عن طريق أبوها او اخوها لو شافوا أن الولد محترم و علي خلق
و بعدين الرسول قال رفقاً بالقوارير و المقصود ان اقل حاجه ممكن تكسر البنت اكيد مش هتستحمل طبعاً انها تترفض.

**Astro BoY** · 12-03-2014 03:30 PM

وجهة نظرى فى ان البنت تطلب ايد الشاب ..فاكسانة بكل المقاييس لاءن لو الولد عايزها كان هوا الى هيقوم بلخطوة دى قبليها ودة الى بيحصل فى جميعدول العالم عشان محدش يقعد يقول الاءسطوانة المشروخة بتاعت خلينا متحضرين وكدة البنت لو معجبة بشاب بتلمحلة لو هوة متقبلها هوا الى هياخد اول خطوة ويقوم بيها لكن لو مش متقبلها هيطنش

**Egyzizo** · 12-03-2014 03:34 PM

اشمعني الراجل هو اللي يختار عروسه ليه البنت هي كمان متختارش العريس المناسب ليها؟؟

لنفس السبب اللى خلى حضرتك تسألى السؤال ده بأكونت تانى غير الأكونت الأصلى بتاعك.

من سوء حظ الأنثى فى مصر أنها نشأت فى مجتمع ذكورى.
والأنثى الذكية هى التى تتكيف مع هذا الوضع لتخرج بأكبر المكاسب بأقل الخسائر لأن المجتمع للأسف لن يتغير.

**drola** · 12-03-2014 06:33 PM

المشاركة الأصلية كتبت بواسطة Egyzizo

لنفس السبب اللى خلى حضرتك تسألى السؤال ده بأكونت تانى غير الأكونت الأصلى بتاعك.

من سوء حظ الأنثى فى مصر أنها نشأت فى مجتمع ذكورى.
والأنثى الذكية هى التى تتكيف مع هذا الوضع لتخرج بأكبر المكاسب بأقل الخسائر لأن المجتمع للأسف لن يتغير.

Totally agree

**shiko85** · 12-03-2014 07:15 PM

و ايه اللى يمنع ان البنت تدور على سعادتها ؟
هو مش بيحصل ان الولد يعجب ب بنت و يفضل يتردد انه يكلمها لحد ما يتقدملها غيره ؟؟ و فيه اللى بطلب من زميله مثلا انها تتوسط بنهم و تسألها ؟؟ و فيه اللى بيروح يتكلم على طول ؟؟
فالــ 3 حالات الولد معجب بالبنت بس أسلوب التعامل مع الموضوع مختلف و ممكن النتيجه تكون واحده بس اكيد اكيد الأسلوب التانى و التالت افضل
البنت ممكن تعمل كده
تفكر من بعيد لبعيد - توسط زميله - تروح تتكلم هى
طيب فحالة البنت الأفضل الحل التانى و هتبقى وصلت للهدف المطلوب انها تقوله انها معجبه بيه من غير اى احراج ليها
هو مش فجأه كده تلاقى زميله او قريبه جات و قالت ايه رأيك فـ فلانه ؟؟!!!
انا شايف ان اللى يضيع سعادته بأيده بخوفه او يأسه او استسلامه و مايحاولش مجرد محاوله او ياخد خطوه تخليه يوصل لهدفه يبقى يستاهل يعيش طول عمره حزين تعيس

**drola** · 12-03-2014 07:28 PM

المشاركة الأصلية كتبت بواسطة shiko85

و ايه اللى يمنع ان البنت تدور على سعادتها ؟
هو مش بيحصل ان الولد يعجب ب بنت و يفضل يتردد انه يكلمها لحد ما يتقدملها غيره ؟؟ و فيه اللى بطلب من زميله مثلا انها تتوسط بنهم و تسألها ؟؟ و فيه اللى بيروح يتكلم على طول ؟؟
فالــ 3 حالات الولد معجب بالبنت بس أسلوب التعامل مع الموضوع مختلف و ممكن النتيجه تكون واحده بس اكيد اكيد الأسلوب التانى و التالت افضل
البنت ممكن تعمل كده
تفكر من بعيد لبعيد - توسط زميله - تروح تتكلم هى
طيب فحالة البنت الأفضل الحل التانى و هتبقى وصلت للهدف المطلوب انها تقوله انها معجبه بيه من غير اى احراج ليها
هو مش فجأه كده تلاقى زميله او قريبه جات و قالت ايه رأيك فـ فلانه ؟؟!!!
انا شايف ان اللى يضيع سعادته بأيده بخوفه او يأسه او استسلامه و مايحاولش مجرد محاوله او ياخد خطوه تخليه يوصل لهدفه يبقى يستاهل يعيش طول عمره حزين تعيس

معاك بشكل جزئي

**shiko85** · 12-03-2014 07:35 PM

المشاركة الأصلية كتبت بواسطة drola

معاك بشكل جزئي

ممكن توضحى اكتر
متفقه معايا فأيه و معترضه على ايه ؟؟

**drola** · 12-03-2014 07:40 PM

المشاركة الأصلية كتبت بواسطة shiko85

ممكن توضحى اكتر
متفقه معايا فأيه و معترضه على ايه ؟؟

أولاً مينفعش تفكر من بعيد لبعيد علشان ممكن تخسر حد بتحبه فعلاً و ممكن يكون هو كمان بيحبها و متردد يقول.
و مينفعش تروح تقوله انا معجبه بيك علشان لا قدر الله لو صدمها
الراجل بيحس بالاهتمام و المعاملة الطيبة.
و لازم لو هتختار وسيط يكون وسيط خير و موثوق فيه