الموضوع: هو الجواز حرا؟؟؟!!!!

المشاركة الأصلية كتبت بواسطة mazagngi2010

قلتى كلمه وسط كلامك عن الفكره السيئه اللى المجتمع عملها للست اللى بتركب عربيه
فيه شويه من الستات اللى بيركبوا عربيات مستقلين بحياتهم بعض الشىء يعنى بيا من غيرى هيعرفوا يعيشوا يعنى ناقر ونقير ومناهده على الفاضى وانا مش مطلوب منى اتربط فى الساقيه ويطلع 3 &*)**)( اهلى فى الشغل علشان الهانم مابتسمعش الكلام وتناهد على الفاضى والمليان لانها حاسه باستقلاليتها وانا لو مجوزتكش كان زمانى ماسكه منصب كبير او اى بتاع من الوهم اللى الستات بتتوهمه
برضه ممكن لها نشاطات اجتماعيه, زملاء عمل كتير صحاب دكوره من الفيس ...على ايه ده كله ماشوف قطه مغمضه واربيها على يدى احسن بدل من واحده لفت هنا وهنا وعاشت حياتها بالطول والعرض رغم انها محترمه وال 1 متاكد انها محترمه
تقولوا عليا رجعى متخلف فلاح ...قولوا اللى تقولوه دى قناعتى وقناعه ناس كتير -علشان متستغربيش-نهلس زى ما احنا عايزين لكن ساعه الجد جد ..عايز اتجوز واحده لما اطلع بره يبقى سايب دكر فى البيت ماتعرفش حد الا انا علشان ماتزولش على الفاضى ولما اكون معاها تبقى الاه اه واللا لا وساعتها لو طلبت لبن العصفور هيتوجد
1+1=2 شفتى ياستى دماغ الرجاله سهله ازاى

مش كل البنات اللي معاها عربيات مستقله بحياتها في بنات اعرفها مقدرش تتحرك بعربيتها من تحت البيت إلا بأذن باباها
الرك ع التربيه و التعود و بعدين مش شرط يكون معاها عربيه تكون ناقر ممكن تكون دي طبيعتها اصلا مش بالعربية
و بعدين مراتك تمشي كلامك عليها مش عايز يكون ليها صحاب ع الفيس انت حر. انا مش هقول رجعي و الكلام دا دي قناعتك الذاتيه و انت حر فيها.

المشاركة الأصلية كتبت بواسطة mazagngi2010

اللى فى طبعها المناهده تتفسخ خطوبتها ولو الفاس وقعت فى الراس ولبستها تتطلق واللوم عليا لانى مخترتش صح فى الاول
------------
وليه يكون لها اصلا صحاب على الفيس !! لو لها يبقى بالسلامه من الباب وخليها مع اصحابها ينفعوها
don't mix على فكره ماتنزلش من البيت الا باذن اهلها وهم عارفين ان لها اصحاب رجاله .. ايه الخيبه اللى احنا فيها دى
الموضوع مش قناعه شخصيه او تربيه وتعود ..الموضوع ان ده الدين الصح وده اللى اهالينا ربونا عليه

يعني هي لما تنزل من البيت لازم تكون رايحه تقابل صحابها الشباب
ﻻ إله إلا الله

المشاركة الأصلية كتبت بواسطة mazagngi2010

انتى بتتكلمى بجد ولا مش فاهمه ولا ايه ظروفك
بتكلم فى حته ان الاب والام عارفين ان لها اصحاب رجاله اصلا .. هم رضيوا بكده ازاى .... وبلاش الكلام الفاكس بتاع الثقه والهبل ده انا بتكلم فى 1 2 اصول وتربيه ودين

بص أولاً دي حريه شخصية مبدئياً وكل واحد متعلق من عرقوبه و بعدين احنا مدخلناش في دخليات كل بني ادم و عرفنا اصحابه دول عرفهم منين ولا إزاي المهم يكون في احترام و حتي لو مافيش احترام برضه دي حريه شخصية لكل واحد و واحدة مش هنقول للناس تعمل ايه او متعملش ايه

المشاركة الأصلية كتبت بواسطة mazagngi2010

طالما كل 1 بيتعلق من عرقوبه وبيشيل مسئوليه افعاله يبقى مايستغربش او يولول على عدم الجواز
وربنا يرزقك بالزوج المناسب
سلام

هو حضرتك aggressive كده ليه احنا بتتكلم بشكل عام و بتتكلم علي مشكله قائمه فعلاً محدش ولول علي عدم الجواز لان لو كان الخير فيه كان بقي موجود و واقع.
و ياما ازواج و زوجات ميعرفوش حقيقة الطرف التاني و فاكرينه او فاكرينها ملاك منزل من السما.
سلام و رحمة الله و بركاته