استفسار عن اوبل فيكترا a

**Tiar** · 12-03-2014 10:04 AM

المشاركة الأصلية كتبت بواسطة hassan boraee

[quote الحرارة عندي كبيرها 95 ده في عز الحر والزحمة انما الرنج الطبيعي من 90 الى 92
الاعطال تكاد تكون بدون اعطال والحمد لله لاني محافظ على صيناتها الدورية في ميعادها من تغيير زيت وفلاتر وسيور وديماً ايدي فيها وكمان نظافة الحساسات مثل الماف وغيره
اما استهلاك البنزين كويس جدا حوالي 200 كيلو في الصفيحة وطريقى دايماً الدائري
]

بس المانيوال بتاعها في السواقة أخبارة إية أصل أنا معايا منها الأتوماتيك و بفكر أقلبها مانيوال علشان الأعطال و الحرارة ومعلش متقلين علي معاليك[/quote]

في الزحمة مقرفه جداً انما في الطوالي غول
انما من ناحية الاعطال تكاد تكون منعدمة وكبيرها فتيس استيراد بـ 600 جنيه من الحرفيين

طيار

**Tiar** · 12-03-2014 10:23 AM

المشاركة الأصلية كتبت بواسطة tiar

بس المانيوال بتاعها في السواقة أخبارة إية أصل أنا معايا منها الأتوماتيك و بفكر أقلبها مانيوال علشان الأعطال و الحرارة ومعلش متقلين علي معاليك

في الزحمة مقرفه جداً انما في الطوالي غول
انما من ناحية الاعطال تكاد تكون منعدمة وكبيرها فتيس استيراد بـ 600 جنيه من الحرفيين

طيار[/quote]

يا جماعة كلامي ده على عربيتي انا معرفشي العربية اللي انتا هتشتريها او تقلبها الى مانوال هتبقى عملة ازاي وحالتها ايه

الاوبل كله اهم حاجة حالة العربية عمله ايه اولاً واخيرا

انا لما جيت اشتري ربنا كرمني واشتريتها من واحد دكتور في الجامعة وكان عنده اكتر من عربية والراجل كان صريح معايا جداً وخلاني اقعد مع السواق بتاعه علشان يقولي على حالة العربية بصراحة ربنا يباركله
انا اول ماشفتها وقعت في حبها على طول وقولت هي دي عشان كده انا اشتريتها منغير حتي ماوديها الى ميكانيكي يشفها وكمان السمسار اللي كان جيبلى العربية كان مفهمني انها 1600 زي ما انا كنت متفق معاه وبعدين وانا قاعد مع صحابها عرفت انها 2000 سيسي برده مغيرتش رائي واشتريتها وربنا كرمني وطلعت عربية هدية

طيار

**عماد جورج** · 19-04-2014 05:05 PM

انا كمان بفكر اشترى العربيه ديه بس عندى كام سؤال بخصوص العربيه الاقى فين رقم الشاسيه و كمان ازاى اعرف حالتها و هل لو فكرت افحصها فى التوكيل هيكلفنى كام لانى معنديش ميكانيكى اعرفه

**احمد فهمى** · 19-04-2014 05:30 PM

نصيحه خليك فى الفيكترا a المتور ال1600 الاصلى احادى الحقن متور لا مشاكل له اطلاقآ بس اهم حاجه الحاله لأن الموديل قديم

**loda80** · 19-04-2014 09:52 PM

رقم الشاسية هتلاقية جنب الكرسى اليمين فى حتة مربعة فة الارضية الموكيت بالنسبى للكش أعتقد فى حدود 400 الى 500 جنية وزى رأى أحمد بيك فهمى ال 1600 تقريبا بلا أعطال وعربية اعتماية جدا وزى الفل وعلى فكرة الصالون أوسع من البى وأعلى من الارض بس أكشف كويس على التكييف لان معظم العربيات دى تكيفها للاسف بايظ الحالة الممتازة فى حدود 40 الى 42 ألف تقريبا وبالتوفيق

**hassan boraee** · 21-04-2014 10:01 PM

طيب لو ف واحده 1600 مانيوال بس التكيف فعلا مش شغال والسربنتينة متشالة تعمل كام

**عماد جورج** · 23-04-2014 01:00 AM

المشاركة الأصلية كتبت بواسطة loda80

رقم الشاسية هتلاقية جنب الكرسى اليمين فى حتة مربعة فة الارضية الموكيت بالنسبى للكش أعتقد فى حدود 400 الى 500 جنية وزى رأى أحمد بيك فهمى ال 1600 تقريبا بلا أعطال وعربية اعتماية جدا وزى الفل وعلى فكرة الصالون أوسع من البى وأعلى من الارض بس أكشف كويس على التكييف لان معظم العربيات دى تكيفها للاسف بايظ الحالة الممتازة فى حدود 40 الى 42 ألف تقريبا وبالتوفيق

شكرآ جدأ على الرد و المعلومه