نصيحة للاخوة الاعضاء

**abouzahra** · 02-10-2008 11:25 PM

المشاركة الأصلية كتبت بواسطة Ahmad Allawy

اولا..
انا في غاية الاسف ان كلامي يبان انه طالع بالطريقة دي..
فقي دي انا بجد اسف جدا.. بس انا ماقصش نهائي..
متزعلش مني.. انا بجحد ماقصدش..
بس هو زي ما الباشمهندس محمد قال كده..
بس هو وارد جدا انه يكون في برة مصر 1000 سي سي موديل 97.. بس منزلتش هنا او انا ماعرفهاش..
عشان كده كنت بتأكد بس..
و مرة تانية متزعلش مني و انا اسف

ثانيا..
ازاي بقي وجودك هيبقي مش مريحني..
ادا كان جود ناس زي سعاتك و زي الباشمهندس محمد بيدي المنتدي هنا تقل جامد جدا..
بمحس ان في ناس فاهمة عن تجربة و خبرة معانا..
لينا ضهر يا جماعه.. :) :) مش بناخد بكلام حد ممكن يكون بيشتغلنا.. او مش واثقين قوي في رأيه.. او يكون بيفتي..
بالعكس تماما.. انا نفسي ان نشاطكم معانا يزيد شوية.. و لو النشاط يزيد كمان لو عندكم وقت.. و تشرفونا ف المقابلات كمان..
يا سلاااااااااام الناس تشوفكم و نتعرف علي بعض.. و الافادة تزيد..
و اهو كله ثواب لينا و ليكم ان شاء الله..

و اخيرا.. ارجو انك متكونش فاهمني غلط و مزعلش مني تاني.. :)

حصل خير يا بشمهندس الموضوع كلة سوء تفاهم

وان شاء الله هساهم فى المنتدى بكل ما استطيع من جهد ووقت ان شاء الله

وان تتقبل اعتذارى بسوء التفاهم

**Ahmad Allawy** · 03-10-2008 02:26 AM

يافندم انت اللي تتقبل اعتذاري..
و الحمد لله محصلش حاجة..
كل سنة و انت طيب يا كبير..

**superkenwood** · 03-10-2008 02:50 AM

أنا عندي فيكترا 1600 سي سي موديل 2000 كان حصل فيها مشكلة قبل كده وهي كالاتي :

فجأة وبدون مقدمات العربية مش بتدور .. المارش شغال 100% جبت ميكانيكي واثنين قالو ان العربية فاصلة بنزين وكهرباء !! وملهومش سكة فيها !!
سحبتها بالونش توكيل منصور اللي في مدينة نصر .. غيرولها موبينه !!!

نفس الفصل اتكرر بعد 3 شهور وسحبتها بالونش لنفس التوكيل .. غيرولها مشط الموبينة !!!!!

نفس الفصل حصل بعد 4 شهور .. بس كنت خارج القاهرة .. في ميكانيكي شاطر دورها وقالي ان الأرضي كان فاصل !!! (أنا بصراحة مش فاهم أرضي ايه !!)

نفس الفصل حصل بعد شهرين ورحت لنفس الميكانيكي .. عمل نفس اللي عمله

نفس الفصل حصل بعد 3 شهور ورحت لنفس الميكانيكي وعمل نفس اللي عمله .. وكل مرة يقولي خلاص مش حتتكرر تاني

رحت توكيل منصور الهرم وحكيت على اللي حصل .. قالي بكل برود .. مش حنعرف نعمل أي حاجة ((لازم تيجي والعطل موجود)) !!!!!

اخر مرة لما لفصل ده اتكرر من شهر قلت أغير الميكانيكي ده ورحت لكهربائي سمعته ممتازه قالي .. طرمبة البنزين فاصلة وبازت ولازم تغيرها فغيرتها واشتريت واحدة جديدة بوش ألماني بـ 650 جنيه واشتريت الفلتر بتاعها .. ولما ركبت جيت أدور العربية برده مادارتش .. وبعد مافحص العربية تاني وقعد يتتبع خط الكهرباء مش عارف عمل ايه ودارت !! ولما سألته رد وقالي ان سلك الموبينة كان فاصل !!! ولما لقاني تنحت قالي ((لا متخفش وطرمبة البنزين برده كانت بايظه)) !!!

أريدد تعليق من الجميع .. وأين الحقيقة ؟؟؟

**abouzahra** · 03-10-2008 03:21 PM

الموضوع ياباشا

المشكلة ياباشا

لو عربيتك 1600 اتوماتك

الكنترول بتاعها على المنافولد يعنى فوق المحرك

يعنى قريب من درجة الحرارة

هتلاقى لمة العربية بتسخن ممكن يحصل كدة

ما دام فاصلة كهرباء وبنزين

يبقى الارضى الى رايح من الكنترول الى ريالى الكنتروال فاصل

يعنى الكنترول بيفصل لمة بيسخن

والمشكلة دى تبقى فى الكنترول بس

او

ممكن يكون حساس الكرنك يعمل كدة

بس لو عربيتك 1600 اتوماتك احتمال الكبير زى ما قولت لك المشكلة فى الكنترول

**abouzahra** · 03-10-2008 03:23 PM

وطبعا على ما تروح

الى التوكيل او الميكانيكى تكون العربية برديت هههههههههههههههه

**abouzahra** · 03-10-2008 07:29 PM

لو عربيتك 1600 اتوماتك

يبقى دة شكل الكنترول بتاعها

لو ريالى البنزين fuel pump relay بس هو الى قاطع

يبقى المشكلة فى الترملة رقم B23
لو السلك بنى * اخضر

لو المشكلة فى ريالى الكنتروال engine control relay

المكشلة فى الترملة B16
لون السلك بنى * اسود

الريلاهات دى موجودة فى العلبة السوداء الى موجودة فوق الى بى اس على طول

**MohamedGM** · 04-10-2008 12:38 AM

Yes right, this problem is crankshaft position sensor or ECU grounding line.

the service station should know the problem quickly!!! it is a well known problem.

if the problem is the control, then u can overcome the grounding line by bypass the control unit but the solution is to change the control unit!!

sorry Eng. Mohamed Abu Zahra, i cant be the Consultant for Opel because i m not working in the field for three years!! but i'm very happy to answer anyone as long as i know the answer, that why i'm here
اللهم ان صلاتى و نسكى و محيايي و مماتى لك ، اللهم تقبل

**abouzahra** · 04-10-2008 12:51 PM

المشاركة الأصلية كتبت بواسطة MohamedGM

Yes right, this problem is crankshaft position sensor or ECU grounding line.

the service station should know the problem quickly!!! it is a well known problem.

if the problem is the control, then u can overcome the grounding line by bypass the control unit but the solution is to change the control unit!!

sorry Eng. Mohamed Abu Zahra, i cant be the Consultant for Opel because i m not working in the field for three years!! but i'm very happy to answer anyone as long as i know the answer, that why i'm here
اللهم ان صلاتى و نسكى و محيايي و مماتى لك ، اللهم تقبل

**ahmedmaklad** · 05-10-2008 12:58 AM

يا جماعه مش عايزين نفهم بعض غلط احنا كلنا هنا اخوات و اصحاب و كانا بنحاول نفيد بعض ابو زهرة و محمد اكيد عاملين تقل لينا و علاوي على فكرة راجل محترم جداااااااا عايزين نفهم كده و ماحدش هنا قصده حاجة غلط

و بعدين ابوزهرة علاوي ده رئيس العصابة

**superkenwood** · 12-10-2008 10:15 PM

المشاركة الأصلية كتبت بواسطة abouzahra

الموضوع ياباشا

المشكلة ياباشا

لو عربيتك 1600 اتوماتك

الكنترول بتاعها على المنافولد يعنى فوق المحرك

يعنى قريب من درجة الحرارة

هتلاقى لمة العربية بتسخن ممكن يحصل كدة

ما دام فاصلة كهرباء وبنزين

يبقى الارضى الى رايح من الكنترول الى ريالى الكنتروال فاصل

يعنى الكنترول بيفصل لمة بيسخن

والمشكلة دى تبقى فى الكنترول بس

او

ممكن يكون حساس الكرنك يعمل كدة

بس لو عربيتك 1600 اتوماتك احتمال الكبير زى ما قولت لك المشكلة فى الكنترول

شكرا جزيلا .. بس العربية عادة مش أوتوماتيك

وبعدين المشكلة دي بتظهر والعربية مش سخنه (ملهاش علاقة بالحرارة) بدليل انها بتحصل الصبح بدري أول ما بدور العربية وساعات في نص اليوم وهيه بارده