الموضوع: <<< اللهم اجرنا في مصيبتنا واخلف لنا خيرا منها - إنا لله وإنا إليه راجعون >>>

المشاركة الأصلية كتبت بواسطة احمد المصرى

قدر الله وما شاء فعل


الحمد لله يا شيخنا انك بخير والعائله بخير وربنا يعوضك بافضل من الفلوس ال اتسرقت ومنك ويجعل مجهودك فى استخراج الورق ال اتسرق منك فى ميزان حسناتك ان شاء الله

أخي الحبيب أ / أحمد المصري , جزاك الله خيرا وبارك الله فيك وحفظك وأهلك وأولادك من كل سوء

المشاركة الأصلية كتبت بواسطة friendship7897

ارض بحكم الله في خلقه كل قضاء الله محمود
وهون على نفسك من سعيها فليس ما قدر مردود

حمد الله على سلامة المفقودات يا شيخنا العزيز
والله ما دار بداخلي هذا الحوار
أنك سوف تجدهم بإذن الله تخفيفاً عليك من البيروقراطية العظيمة
بس عندي ومازال عندي كثير من التساؤلات عن السرقة
أين الأمن ؟
كنا من فترة وما بعد ثورة 25 يناير
قلنا الشرطة تعبانة نفسياً من الشعب وبيعاقبهم بعدم تواجدهم ومنها عدم تواجد الأمن وزيادة الحرامية والبلطجية والمسروقات
طيب دلوقتي فين الأمن ، فين الشرطة ، طيب فين الجيش اللي عامل أنه مسؤل عن كل حاجة في مصر حتى عن الطرق والكباري ؟!
ومن بعد ما تم رد أعتبارهم في ثورة 30 يونيو بيعقبوا مين ؟
وبعدين إزاي الأمن والأمن العسكري والشرطة متواجدين في كل حتة
لمحاولة القضاء على الأرهاب
هما الحرامية دول مش إرهاب للمواطنين ؟!
ولا تواجدهم اللي بكثرة دول خيال ميأتة للإخافة فقط ( تهويش يعني )
لكن اللي عايز يعمل حاجة يعملها براحته !!
حسبي الله ونعم الوكيل في كل واحد مش شايف شغله
وحسبي الله ونعم الوكيل في كل أيد تتمد على حاجة متخصهاش
وحسبي الله ونعم الوكيل في الأمن اللي مش آمن
وحسبي الله ونعم الوكيل في الموظف اللي بيماطل في إستكمال أوراق مواطنين بدون وجه حق
وحسبي الله ونعم الوكيل في كل من يقبل رشوة لعمل واجبهم الوظيفي
ألف مبروك وربنا يعوض عليك فيما فقدته من مال أتسرق

الأخت الفاضلة فريند شيب , جزاكم الله خيرا , وقدر الله وما شاء فعل وما أصابك لم يكن ليخطأك وما أخطأك لم يكن ليصيبك

فإن مع العسر يسرا إن مع العسر يسرا

وبالنسبة للأمن والأمان , كما ذكرتي حضرك فحدثي ولا حرج

فقد حدثني اليوم من اثق به , وقال لي خفف عنك يا شيخ خالد دا واحد من 3 أسابيع في مدينة السلام قبل بيته ب 3 دقائق

وقفت عربيه أمامه ونزل 4 برشاشات ووقفوه وسرقوا السيارة وباللي فيها وخدوا موبايله وضربوه على راسه بكعب الرشاش

وكان فيه عسكري واقف وطبعا ما عملش حاجة وكان شايف اللي بيحصل

المهم زوجة هذا الأخ اتصلت بالموبايل بتشوفه فين رد عليها واحد منهم بتقول له مين معايا قالها

أنا اللي سرقت العربية من جوزك وهو جايلك في السكة

المهم راح عمل محضر في القسم قالوا له مش ها نقدر نعمل لك حاجة واحنا شفنا الواقعة بس ما عندناش تسليح كفاية واللي ها يتدخل كان هايموت !

المهم اتصل بيهم بالليل على الموبايل بتاعه قالوا له تجيب 30000 وتيجي تاخذها ما ينقصوش مليم

ولو ما جيتش , على الصبح العربيه ها تكون متقطعة ومتباعة في سوق الناصرية

قالهم والورق بتاعي قالوا له الرخص والتوكيلات والورق ده مقاولة تانية 10000 ج

المهم علشان ما اطولش عليكم راح هو وابن خالته بالليل في حته مقطوعة وخذوا العربيه ودفعوا ال 30000

وما خذوش الورق وبقاله 3 أسابيع دايخ في استخراج توكيلات السيارة

المهم بقى لما راح القسم خلوه يمضي ان الشرطة طاردت السارقين وخذت السيارة وان السارقين لاذو بالفرار وجاري تعقبهم !!!!!!!!!!!!

وان المواطن صاحب السيارة لم يدفع مليم واحد !!!!!!!!!!!!!!!

قالوا له لو ما مضيتش ها نقول ان العربية دي مسروقة ومش ها تعرف تبيعها !!!!!!!!!

عليه العوض ومنه العوض في البلد دي ولا حول ولا قوة إلا بالله