تم أختبار خاصية ال Electronic Stability Control في كورولا 2014 علي سرعة 100كم/س

**Mohamed.Hany** · 13-03-2014 10:31 AM

استاذ وائل دايما بتتحفنا بالمعلومات الجميلة و المبسطة في كلمتين و شكرا و بتجيب من الاخر.
فعلا انا واخد قرار باني مش هشتري اي عربية ميكونش فيها esp لان في المواقف الصعبة حياتي تسوي مليون esp و لو تفتكر عملت تقرير من فترة احساسي و ثقتي و انا معايا esp .
كمان من كام يوم ساعة الامطار الرهيبة كنت راجع من مدينة نصر للهرم عن طريق كوبرى اكتوير و الدنيا كانت زحمة جدا لدرجة اني روحت في اكتر من ساعتين، المهم في اخر نزلة للكوبرى عند الدقي ملف غبي جدا مع منزل رهيب و انا بصراحة كنت جبت اخري من الزحمة و الحته دي كانت فاضية و عاوز اروح مش عارف ايه اللي خلاني اكبس بنزين قبل المنزل و مكنش في اى عربية قدامي في الملف اذا بي افاجاء في اخر المنزل بعربية بتفرمل و مهدية علي الاخر عشان في بركة مياه، سرعتي مكنتش اقل من 60 و في ملف و كاسر الدركسيون جامد و منزل حااد و مطرة غزيرة و مسافة بيني و ببينه قليلة جدا و الحمد لله العربية كلبشت في مكانها و الحمد لله مكنش حد ورايا عشان اكييد اكييد كان هيلبس فيا لانه مش هيعرف يلم عربيته بالشكل الرائع ده، بس بصراحة في جزء من الثانية لما فرملت حسيت اني هخيش بتجربة الفرامل بتاعة العربيات القديمة بتاعتي بس في لحظة افتكرت ان معايا كوروﻻ 2014

**walyamw** · 13-03-2014 11:40 PM

المشاركة الأصلية كتبت بواسطة bassem.naguib

شكراً يا وائل باشا على نقل التجربة .. وهو ده الهدف الأساسي من الاتزان الالكتروني أنه يخليك تفادي أي عائق مفاجئ في الطريق (وما أكثرها في مصر) بدون ما العربية تعوم منك .. وليس الهدف الأساسي منه الغرز والشد ..

شكرا ليك يا باسم باشا علي نقل تجربتك وكلامك سليم 100%

أنا حسيت بالخاصية دي في ملفات متوسطة أو فوق المتوسطة الحدة على سرعات عالية نسبياً .. وشعرت أن ضهر العربية بيلم معايا في الملف من غير ما أدوس فرامل أو أقلل السرعة بالمقارنة بأنواع تانية في نفس الملفات .

**walyamw** · 13-03-2014 11:46 PM

المشاركة الأصلية كتبت بواسطة borio1704

المتعارف عليه إن الأنظمة دي معمولة للسلامة أولا بدون شك.. وغالبا الظروف اللي بتحتاج فيها النظام ده لما يكون الطريق نفسه فيه مشاكل أو عوائق بتخليك تفقد السيطرة العربية . . زيت وجود مياه أو رمال أو حتى زيوت على الأرض

والمعروف بردو إن الأنظمة دي ما تنفعش في السباقات ﻹنها بتتدخل في أوقات غير مناسبة أحيانا بالنسبة لسائق السباق

كلام سليم 100%

عموما.. ربنا يباركلك في العربية ويعطيك خيرها ويكفيك شرها

أشكرك علي الشرح الواضح وربنا يباركلك في عربيتك ويحفظهالك

...

**walyamw** · 14-03-2014 01:25 PM

المشاركة الأصلية كتبت بواسطة heeshooheeshoo

أولا شكرا جزيلا على هذا الموضوع والذى أعتبره فرصة لتحذير الناس إللى فاهمه إن طالما السيارة مزودة بخاصية esp تبقى براحتها تشد وتاخذ غرز بالشعرة من حارة لحارة
الناس دى لازم تعرف أن هذه الخاصية لمواجهة الطوارئ عند الإضطرار لتفادى أى عائق يظهر أمام السيارة بشكل مفاجئ أو الدخول فى ملف حاد والسيارة على سرعة عالية
أما الإعتماد على هذه الخاصية فى عمل غرز بين السيارات بشكل متعمد كما هو شائع فى طرقنا فسيؤدى إلى كارثة لم تكن لتحدث فى حالة عدم وجود هذه الخاصية.

أشكرك علي التوضيح والشرح وهذا بالظبط ماقصدت أن يفهمه مالكي كورولا 2014 حفاظا على حياتهم وحياة الاخرين.

سلمنا الله من شر الغرز وإللى بيغرزوا

آمين
وتقبل تحياتى ،،،

مع خالص شكري وامتناني