زيت بيجو 301

**medori** · 13-03-2014 12:28 PM

المشاركة الأصلية كتبت بواسطة Mohamed GEMY

معلش انا اسف اعذورني انا جاهل شويه بموضوع الزيت يعني ايه ال 30 هيبقي شويه وايه الفرق بين 5w40 , 5w30
وايهما الافضل..وانهي نوع ترشح لي من زيوت توتال او شل

الرقم اللى بعد ال W بيبقى indication لدرجة الحرارة المحيطة اللى ممكن يكون الزيت effective فيها (درجة حرارة الجو يعنى)، ال 30 بيستحمل لحد 40 او 42 درجة انما ال40 ممكن يستحمل لحد 55 درجة تقريبا عشان كدة انا بفضلة فى تغيير الزيت اللى هيكمل فى الصيف زى دلوقتى كدة.
شل احسن من توتال، على فكرة توتال اشترت شل و مش هيبقى فى شل تانى، بس انا بفضل اى حاجة تكون معبأة و مصنعة فى اوروبا عشان ميكونش اتحط فيها الtouch المصرى، فغيرت liquimoly

**Mohamed GEMY** · 13-03-2014 12:30 PM

شكرا لزوقك ياباشا

**hemaa_82** · 13-03-2014 01:21 PM

المشاركة الأصلية كتبت بواسطة medori

الرقم اللى بعد ال W بيبقى indication لدرجة الحرارة المحيطة اللى ممكن يكون الزيت effective فيها (درجة حرارة الجو يعنى)، ال 30 بيستحمل لحد 40 او 42 درجة انما ال40 ممكن يستحمل لحد 55 درجة تقريبا عشان كدة انا بفضلة فى تغيير الزيت اللى هيكمل فى الصيف زى دلوقتى كدة.
شل احسن من توتال، على فكرة توتال اشترت شل و مش هيبقى فى شل تانى، بس انا بفضل اى حاجة تكون معبأة و مصنعة فى اوروبا عشان ميكونش اتحط فيها الtouch المصرى، فغيرت liquimoly

تعديل بسيط و صغنطوط علي معني ال 30 و ال 40 و الفروق مابينهم ...

اولا نتفق ان درجة حرارة المتور سواء صيف او شتا كدة كدة واحدة لانه بيوصل 90 او 100 و بعدها سنسور الحرارة "ساعة الحرارة او ثرموستات الحرارة" بيشغل المراوح علشان تبرد و يفضل المتور في درجة حرارة شبه ثابتة و غالبا حوالين ال 90 درجة ....

يبقي اكيد ال 30 و ال40 دي مش درجة الحرارة اللي الزيت بيشتغل فيها ....صح ؟؟

ايه بقي 30 و ال40 دول ؟؟؟.... المفروض انها نسبة اللزوجة للزيت في حالة درجة الحرارة التحضيرية للمحرك ... اللي هية حوالين 90 درجة اللي قلناها فوق....

اومال ايه بقي 5w او 10w دول ؟؟؟؟
لو لاحظت هتلاقي ان w او حرف في الشتا ... و بترمز للبرودة ... ودي بتكون نسبة لزوجة الزيت في الاجواء الباردة ...يعني قبل سخونة المحرك ....

و دايما بتكون صغيرة 0 او 5 او 10 او 15 علشان اللزوجة تكون خفيفة علشان الزيت يجري بسرعة في المتور و يزيت كل حتة بسرعة و لما المتور يسخن اللزوجة تزيد تبقي 40 علشان تمنع الاحتكاك بدل ما المتور ياكل بعضه

**Mohamed GEMY** · 13-03-2014 01:53 PM

يعني الافضل فعلا 5w40 وتنصحني بزيت ايه

**amrelsaqqa** · 15-03-2014 04:06 PM

المشاركة الأصلية كتبت بواسطة medori

الرقم اللى بعد ال w بيبقى indication لدرجة الحرارة المحيطة اللى ممكن يكون الزيت effective فيها (درجة حرارة الجو يعنى)، ال 30 بيستحمل لحد 40 او 42 درجة انما ال40 ممكن يستحمل لحد 55 درجة تقريبا عشان كدة انا بفضلة فى تغيير الزيت اللى هيكمل فى الصيف زى دلوقتى كدة.
شل احسن من توتال، على فكرة توتال اشترت شل و مش هيبقى فى شل تانى، بس انا بفضل اى حاجة تكون معبأة و مصنعة فى اوروبا عشان ميكونش اتحط فيها الtouch المصرى، فغيرت liquimoly

حسيت بأيه بعد تغيير الزيت من حيث الصوت والنعومة واستهلاك البنزين و.... الخ ... يعنى ايه انطباعك عن الزيت الجديد بعد زيت الفبريقة التوتال ؟

**Mohamed GEMY** · 16-03-2014 09:30 AM

انا انشاء هروح بعد حوالي شهر كده اعمل صيانه 20 الف...والمره دي مش هغير موبيل عشانا انا حاسس انوا اسوا من توتال الي كان جي بيها...بعد ماغير زيت شل او توتال ان شاء الله هبلغ كل الناس علي المنتدي بالتجربه